1 Sam 16:21 - BAEBOLO ANZƐƐ BULUKU NWUANZANWUANZA

²¹ Devidi hɔle na ɔhɔle Sɔɔlo ɛzonlenlɛ gyima nu. Sɔɔlo hulole ye kpole na ɔyɛle ye ye konle ninyɛne soavolɛ.

1 Sam 16:21 ပူးပေါင်းရင်းမြစ်များ

1 Arl 10:8

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.

Edwɛndolɛ Buluku ne 118:9

Ɔle kpalɛ kɛ sonla kɛvea Ɛdɛnkɛma akɛnra anu, tɛla kɛ ɔkɛva ɔ rɛle ɔkɛwula arelemgbunli nu.

Edwɛndolɛ Buluku ne 146:3

Mmafa ɛ rɛle ɛwula arelemgbunli anu mmafa ɛ rɛle ɛwula sonla nu, ɔnlɛ moalɛ biala.

Edwɛndolɛ Buluku ne 62:9

Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.

Mrɛlɛbulɛ Buluku ne 22:29

Ɛze sonla mɔɔ asa anloa adwinli le kɛnlɛma la ɔ? Ɔbagyinla arelemgbunli nyunlu; ɔnrɛgyinla menli mɔɔ awie ɛmbu bɛ bie la anyunlu.

Mɛla 1:38

‘Ɛdawɔ noko ɛ gyakɛ ba ɛnrɛtia ɛkɛ ne ɛlɛ. Nɛn ara Dwɔhyua mɔɔ boa wɔ la, yemɔ a ɔbahɔ azɛlɛ ne azo a. Si ye ahonle, ɔluakɛ ɔbamaa Yizilayɛma ahɔva azɛlɛ ne.’

Mɛla 10:8

Mekɛ ne anu yɛɛ Ɛdɛnkɛma yele Livae abusua ekpunli ne kɛ bɛzoa Ɛdɛnkɛma Ngyekyeleɛ Ɛlɛka ne, na bɛgyinla ɔ nyunlu bɛzonle ye, na bɛva ye duma bɛyila menli ne a. Bɛyɛ debie zɛhae toonwo a yeradwu ɛnɛ a.

Maanlebuvolɛma Buluku ne 9:54

Abemɛlɛke vɛlɛle ye sonvolɛ ne mɔɔ soa ye konle ninyɛne ne la kɛ, “Ka ɛ nwo, twe wɔ dadeɛ ne ku me ndɛndɛ, anrɛɛ menli kɛze kɛ, ‘Raalɛzinli a hunle ye a.’ ” Amgba noko kpavolɛ ne wɔle Abemɛlɛke dadeɛ hunle ye.

1 Sam 16:22

Na Sɔɔlo zoanle manle bɛhɔzele Gyɛsi kɛ, “Maa Devidi ɛwoa me gyima nu ɛke, ɔluakɛ me nye ɛlie ɔ nwo kpole kpalɛ.”

1 Sam 17:15

ɛnee ɔyɛ a Devidi sia kɔ Bɛtelɛhɛm kɔnea ɔ ze mboane ne mɔ.

1 Sam 17:55

Mɔɔ Sɔɔlo nwunle kɛ Devidi ɛlɛkɔ ɔ nee Filisitianli ne ahɔho la, ɔbizale Abenɛɛ mɔɔ nea ye ɛlɔnema ne mɔ anwo zo la kɛ, “Nwane ara a le kpavolɛ ɛhye?” Abenɛɛ buale ye kɛ, “Nana, metane wɔ kɛ menze.”

1 Sam 19:7

Dwɔnatan vɛlɛle Devidi na ɔhanle edwɛkɛ ne kɔsɔɔti ɔhilele ye. Ɔvale Devidi ɔhɔle ɔ ze anyunlu, na Sɔɔlo nee ye dɛnlanle, na Devidi zonlenle belemgbunli ne kɛ dɛba ne ala la.