1 Sam 16:2 - BAEBOLO ANZƐƐ BULUKU NWUANZANWUANZA

² Samoɛle bizale Ɛdɛnkɛma kɛ, “Kɛ menzi mengɔ ye ɛ? Saa Sɔɔlo te nwolɛ bie a, ɔbahu me.” Ɛdɛnkɛma buale ye kɛ, “Fa ɛnlankɛ ekyi ko kɔ, na ka ye kɛ, ‘Mera mebabɔ azu meamaa Ɛdɛnkɛma.’

1 Sam 16:2 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:11

Na Mosisi hanle hilele Nyamenle kɛ, “Na nwane bɔbɔ a le medame, mɔɔ mekɔ Yigyibiti belemgbunli anyunlu, meahɔye Yizilayɛma meavi Yigyibiti a?”

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Luku hɛlɛle la 1:34

Mɛle hanle hilele Nyamenle soanvolɛ ne kɛ, “Yɛmenle, menze nrenya, na kɛ ɔkɛyɛ na ɛhye ayɛ ɛkɛ ɛ?”

1 Sam 16:3

Anrɛɛ to ɛsalɛ fɛlɛ Gyɛsi wɔ azubɔlɛ ne abo, na mebahile wɔ debie mɔɔ ɔwɔ kɛ ɛyɛ la. Ahenle mɔɔ mebaye ye meamaa wɔ la, fa nwole gua ɔ ti zo sie ye belemgbunli.”

1 Sam 20:29

Ɔse, ‘Maa me adenle maa mengɔ, ɔluakɛ yɛ abusua ne ɛlɛbɔ azu, na me mediema ne mɔ ɛhɛla me kɛ membɛla. Yemɔti, saa mezɔ ɛ nye a, ɛnee maa mengɔnwu bɛ.’ Ɛhye ati a ɔnle belemgbunli ɛvoyialilɛ ye abo a.”

1 Sam 9:12

Mbɛlɛra ne mɔ buale bɛ kɛ, “Ɛhɛe, ɔwɔ ɛkɛ; kɛ ɔdwu suakpole ye azo ala la ɛne. Bɛsa bɛ gyakɛ anu ekyii a bɛbado ye. Saa bɛdwu sua ne azo ala a, bɛbanwu ye kolaa na yeahɔ azubɔlɛ ne, ɔboalekɛ menli ne babɔ azu wɔ azukponle ne mɔɔ wɔ boka ne azo la azo. Menli mɔɔ bɛdo ɛsalɛ bɛvɛlɛ bɛ la bahendɛ toonwo kɔkpula mekɛ mɔɔ ɔkɛyila aleɛ ne azo la na bɛali. Saa bɛka bɛ nwo a, bɛbado ye yeahyɛ kolaa na yeahɔ boka ne azo kɛ ɔkali debie.”