1 Sam 16:18 - BAEBOLO ANZƐƐ BULUKU NWUANZANWUANZA

¹⁸ Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 16:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:23

Yeanvane nrenya ne mɔɔ nea pilizama anwo zo la anwo kɛ ɔkɛnlea debie mɔɔ bɛvale bɛwulale Dwosefi asa anu la, ɔboalekɛ ɛnee Ɛdɛnkɛma nee ye a lua a, yɛɛ debie biala mɔɔ ɔyɛle la, Ɛdɛnkɛma manle ɔyɛle kpalɛ.

2 Sam 14:20

Na ɔyɛle ɛhye kɛ ɔfa yeamaa boɛ adoa boɛ. Nana ze nrɛlɛbɛ kɛ Nyamenle soanvolɛ, ɔze aleɛabo edwɛkɛ biala.”

2 Sam 17:10

Saa ɔba ye zɛhae a menli bɔbɔ mɔɔ lɛ ahonle kɛ awenade la bazulo. Ɔluakɛ Yizilayɛma kɔsɔɔti ze kɛ ɛ ze le nrenya katakyie, yɛɛ zɔhane ala a ye ɛlɔnema mɔɔ ɔ nee bɛ lua la de a.

2 Sam 17:8

Ɛdawɔ ɛze ye wienyi kɛ ɛ ze nee ye ɛlɔnema ne le menli mɔɔ ze konle nye zo kpole kpalɛ a. Kɛkala, bɛ ahonle ɛfutu kɛ ezile mɔɔ bɛhye ɔ mra la. Fa ɛhye sie ahane. Ɛ ze le ɛlɔnenli mɔɔ bɛto ye sɛbe a, yɛɛ nɔɔzo ɔ nee ye ɛlɔnema ne ɛnrɛla ɛleka ko.

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.

1 Sam 16:12

Yemɔti Gyɛsi zoanle manle bɛhɔvale ye. Ɔle kpavolɛ kɛnlɛma, ɔgyi zolɛ sengɔɔnwo, ɔte kpɔkɛ, yɛɛ ɔ nye ma le nzenzɛɛnye. Ɛdɛnkɛma zele Samoɛle kɛ, “Ɛhye a mekpa nu meye ye a; fa nwole ne kpokpa ye.”

1 Sam 16:17

Na Sɔɔlo zele ye sonvolɛma ne kɛ, “Bɛhɔkpondɛ sonla mɔɔ ze ye bɔ kpalɛ kpalɛ la na bɛva ye bɛrɛlɛ me.”

1 Sam 16:19

Yemɔti Sɔɔlo zoanle menli wɔ Gyɛsi anwo lɔ, bɛhɔzele ye kɛ, “Maa ɛ ra nrenya Devidi mɔɔ nea wɔ mboane ne mɔ la ɛrɛla.”

1 Sam 17:12

Devidi ɔ ze a le Gyɛsi. Gyɛsi bɔ Yifelaem abusua ekpunli ne bie yɛɛ ɔvi Bɛtelɛhɛm mɔɔ wɔ Dwuda la. Ɔlɛ mralɛ mrenya mɔtwɛ. Mekɛ mɔɔ Sɔɔlo di ye belemgbunli ne la, ɛnee Gyɛsi akee ɛyɛ kpanyinli.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.