1 Sam 16:16 - BAEBOLO ANZƐƐ BULUKU NWUANZANWUANZA

¹⁶ Yemɔti Nana, yɛsɛlɛ wɔ, maa adenle maa yɛhɔkpondɛ awie mɔɔ ze sanwule bɔ la, amaa saa sunsum ɛtane ne bawolo wɔ a, yeabɔ yeamaa ɛ nwo adɔ wɔ.”

1 Sam 16:16 ပူးပေါင်းရင်းမြစ်များ

1 Arl 10:8

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.

2 Arl 3:15

Bɛvɛlɛ awie mɔɔ bɔ getaa la bɛmaa me.” Mɔɔ ahenle ne bɔle ɔ bo kɛ ɔbɔ getaa ne ala la yɛɛ Ɛdɛnkɛma Sunsum ne dwule Yilaehya anwo zo a,

1 Sam 10:5

Akee ɛbadwu Nyamenle Boka, wɔ Gebɛya, ɛleka mɔɔ Filisitiama azokoɛleɛ ne wɔ la ademgbole ne mɔɔ fa kɔ sua ne azo la anu, ɛbanwu Nyamenle kpɔmanvolɛma ekpunli bie mɔɔ vi boka ne azo azukponle ne anwo ɛlɛtolo ara la na bɛlɛka Nyamenle nrɛlaleɛ, bɛsi agole na bɛbɔ getaa kpole, akɛya, fulutu, yɛɛ ɛto.

1 Sam 16:14

Ɛdɛnkɛma Sunsum ne vile Sɔɔlo anwo; ɔmanle sunsum ɛtane rawolole ye na ɔyɛle ye kɛ sɛnvolɛ bie la.

1 Sam 16:15

Yemɔti Sɔɔlo sonvolɛma ne mɔ zele ye kɛ, “Nyamenle ɛmaa sunsum ɛtane bie ɛlɛkile wɔ abodelɛ.

1 Sam 16:17

Na Sɔɔlo zele ye sonvolɛma ne kɛ, “Bɛhɔkpondɛ sonla mɔɔ ze ye bɔ kpalɛ kpalɛ la na bɛva ye bɛrɛlɛ me.”

1 Sam 18:10

Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 19:9

Ɛdɛnkɛma manle sunsum ɛtane ne dwule Sɔɔlo anwo zo bieko. Ɛnee ɔde ye sua ne anu na ɔlɛ ye atwɛ ne ɔ sa nu; Devidi noko ɛlɛbɔ ye sanwule ne.