1 Sam 16:14 - BAEBOLO ANZƐƐ BULUKU NWUANZANWUANZA

¹⁴ Ɛdɛnkɛma Sunsum ne vile Sɔɔlo anwo; ɔmanle sunsum ɛtane rawolole ye na ɔyɛle ye kɛ sɛnvolɛ bie la.

1 Sam 16:14 ပူးပေါင်းရင်းမြစ်များ

2 Sam 7:15

Menrɛye me nye ɔ nwo zo, kɛmɔ menyele menvile Sɔɔlo anwo zo la, menvale ye menziele ahane, amaa wɔali belemgbunli la.

1 Arl 22:19

Maekaya buale kɛ, “Zɔhane ati bɛdie mɔɔ Ɛdɛnkɛma se la. Menwu kɛ Ɛdɛnkɛma de ye ebia nu na anwuma soanvolɛma ɛbɔ ɛyia ye; bɛgua ye bɛne nee fema,

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

Edwɛndolɛ Buluku ne 51:11

Mmafuandi me ɛto, yɛɛ mmaye wɔ Sunsum Nwuanzanwuanza ne ɛfi me nu.

Hozia Buluku ne 9:12

Saa bɛwo mralɛ bɔbɔ a, mebahu bɛ kɔsɔɔti; menrɛgyakyi ko bɔbɔ. Saa mefi bɛ avinli meye me nwo a, munzule baha bɛ!”

Maanlebuvolɛma Buluku ne 16:20

Dɛlaela zele ye kɛ, “Samesɛn, Filisitiama ɛva wɔ aze!” Ɔvi nafelɛ nu ɔdwazole na ɔhanle kɛ, “Mefinde meahɔkpundi me nwo, kɛmɔ meyɛ ye dɛba ne ala la.” Ɛnee ɔnze kɛ Ɛdɛnkɛma ɛhwe ɔ nwo ɛvi ɔ nwo.

Maanlebuvolɛma Buluku ne 16:29

Yemɔti Samesɛn sosɔle sua ne avinli mpila nwiɔ ne anu, ɔvale ye anwosesebɛ ne amuala ɔhomonle zolɛ, ɔ sa fema ne lɛ ko anu yɛɛ bɛne ne noko lɛ ko anu.

Maanlebuvolɛma Buluku ne 9:23

Na Nyamenle manle mgbonde dɔle Abemɛlɛke nee Hyikɛm amra avinli na bɛdele Abemɛlɛke anwo atua.

1 Sam 11:6

Mɔɔ Sɔɔlo dele amaneɛ ne la, ɛkɛ ne ala Nyamenle Sunsum ne dwule ɔ nwo zo, na ye ahonle futule mɔɔ ɔyɛ ɔ nwo ɛhwee a ɔnyɛ boɛ a.

1 Sam 16:15

Yemɔti Sɔɔlo sonvolɛma ne mɔ zele ye kɛ, “Nyamenle ɛmaa sunsum ɛtane bie ɛlɛkile wɔ abodelɛ.

1 Sam 16:16

Yemɔti Nana, yɛsɛlɛ wɔ, maa adenle maa yɛhɔkpondɛ awie mɔɔ ze sanwule bɔ la, amaa saa sunsum ɛtane ne bawolo wɔ a, yeabɔ yeamaa ɛ nwo adɔ wɔ.”

1 Sam 16:23

Ɔvi mekɛ zɔhane, mekɛ biala mɔɔ Nyamenle kɛmaa sunsum ɛtane ne kɛdwu Sɔɔlo anwo zo la, Devidi bɔ sanwule ne na Sɔɔlo anwo tɔ ye.

1 Sam 18:10

Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 18:12

Sɔɔlo sulo Devidi kpole, ɔluakɛ Ɛdɛnkɛma Sunsum ne ɛva Devidi na Sɔɔlo ɛdeɛ ne ɛvi ɔ nwo.

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”