1 Sam 16:12 - BAEBOLO ANZƐƐ BULUKU NWUANZANWUANZA

¹² Yemɔti Gyɛsi zoanle manle bɛhɔvale ye. Ɔle kpavolɛ kɛnlɛma, ɔgyi zolɛ sengɔɔnwo, ɔte kpɔkɛ, yɛɛ ɔ nye ma le nzenzɛɛnye. Ɛdɛnkɛma zele Samoɛle kɛ, “Ɛhye a mekpa nu meye ye a; fa nwole ne kpokpa ye.”

1 Sam 16:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:6

Yemɔti ɔvale debie biala ɔwulale Dwosefi asa anu na ɔyele ye adwenle wɔ zolɛ. Debie mɔɔ ɔdwenlenle nwolɛ ala la a le ɔdaye Pɔtefaa ye aleɛ mɔɔ ɔdi la. Dwosefi anwo yɛ fɛ na ɔgyi zo sengɔɔnwo.

2 Sam 23:1

Gyɛsi ara Devidi a le sonla mɔɔ Nyamenle kpogyale ye zo a. Yemɔ yɛɛ Gyekɔbo Nyamenle ne kpale nuhua yele ye ziele ye belemgbunli a. Yemɔ a ɔsesale Yizilayɛma edwɛne fɛlɛko ne mɔ agbɔkɛ a. Ye edwɛkɛ mɔɔ li amozi la ɛne:

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 1:34

Saa bɛdwu ɛkɛ a bɛmaa sɛlɛvolɛ Zeedɔko nee Nyamenle kpɔmanvolɛ Neetan ɛkpokpa ye nwole kɛ ɔle Yizilayɛma belemgbunli. Bɛwie a bɛwu aweɛne tendenle ne anu bɛze kɛ, ‘Belemgbunli Sɔlɔmɔn ɛnyi ɛhyɛ.’

Edwɛndolɛ Buluku ne 2:2

Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 78:70

Ɔnleanle nu ɔyele ye sonvolɛ Devidi, ɔyele ye ɔvile mboane zo ɛnleanlɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:2

Raalɛ ne vale ɛkolɛ na ɔwole ralɛ nrenya; na mɔɔ ɔnwunle kɛ ralɛ ne anwo si yɛ fɛ la, ɔvale ye ɔveale toonwo siane nsa.

Sɔlɔmɔn Edwɛne 5:10

Me kulovolɛ ne anwo yɛ fɛ, eza ɔte kpɔkɛ; saa ɛye menli apenle bulu a ɔdaye ala.

Gyɛlɛmaya Awolɛyelɛ 4:7

Ɛnee yɛ arelemgbunli anwo te tɛla ezukɔtweaba nee nyɛfonzule, bɛnyi ngɛnlɛma, bɛ nwo yɛ se; bɛ ngɛnlɛma le kɛ ezukoa bolɛ safaya.

Zɛkalaya Buluku ne 4:14

Ɔzele me kɛ, “Ɛhye mɔ a le menli nwiɔ ne mɔɔ bɛkpokpa bɛ nwole na bɛgyi ewiade amra amuala Awulae anwo ɛkɛ ne la.”

Ɛzoanvolɛma Gyima ne 4:27

Hɛlɔdo nee Pɔnteɛse Paelɛte, nee bɛdabɛ mɔɔ bɛnle Dwuuma la, nee menli mɔɔ wɔ Yizilayɛ la amuala yiale nu wɔ suakpole ɛhye azo na bɛvale adwenle bɛtiale wɔ Sonvolɛ Nwuanzanwuanza Gyisɛse mɔɔ wɔyɛ ye Mɛzaya la.

Ɛzoanvolɛma Gyima ne 7:20

Mekɛ ɛhye anu ala yɛɛ bɛwole Mosisi a, ɔle kakula kɛnlɛma kpalɛ! Na bɛvale ye bɛveale sua nu bɛnleanle ye toonwo ɔlile siane nsa.

Kɛlata mɔɔ bɛhɛlɛle bɛhɔmanle Hibuluma la 11:23

Diedi zo yɛɛ ɔlua, mɔɔ mekɛ mɔɔ bɛwole Mosisi la, ye awovolɛ vale ye veale toonwo siane nsa a. Bɛnwunle kɛ ɔ nwo yɛ fɛ, ɛhye ati bɛanzulo na bɛbulule belemgbunli ne mɛla ne azo.

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 17:42

na ɔnwunle Devidi la, ɛnee ɔnnwu debie mɔɔ Devidi zɔho a; ɔnwunle ye ala kɛ ɔle kpavolɛ na ɔ nwo yɛ fɛ.

1 Sam 17:55

Mɔɔ Sɔɔlo nwunle kɛ Devidi ɛlɛkɔ ɔ nee Filisitianli ne ahɔho la, ɔbizale Abenɛɛ mɔɔ nea ye ɛlɔnema ne mɔ anwo zo la kɛ, “Nwane ara a le kpavolɛ ɛhye?” Abenɛɛ buale ye kɛ, “Nana, metane wɔ kɛ menze.”

1 Sam 9:17

Mɔɔ Samoɛle anye bobɔle Sɔɔlo la, Ɛdɛnkɛma zele ye kɛ, “Nrenya ne mɔɔ menganle ye edwɛkɛ la, yemɔ ɛne. Yemɔ yɛɛ ɔbazie me menli Yizilayɛma a.”