5 Akee Sɔɔlo hɔle suakpole Amalɛke azo na bɛhɔdɛle bɔnza bie anu.
Ɔvale menli kɛyɛ apenle nnu na ɔmanle bɛhɔveale suakpole ne adɔleɛ wɔ Eyae nee Bɛtɛle avinli.
Ɔzele bɛ kɛ, “Bɛhɔvea suakpole ne anzi lɔ; bɛmmakɔ moa biala, na bɛva bɛzie bɛ nyunlu kɛ bɛfa suakpole ne.
Sɔɔlo boɔboale ye ɛlɔnema ne anloa wɔ Tilɛm na ɔdianle bɛ. Yizilayɛ ɛlɔnema mɔɔ dua aze la le apenle ngoko ɛya nwiɔ yɛɛ Dwudama le apenle bulu.
Na Sɔɔlo zele Kina asa zo ne mɔ kɛ, “Bɛvi Amalɛkema avinli bɛhwe bɛ nwo, anrɛɛ menwɔva bɛ menwɔfonla nu menwɔhu bɛ muala. Ɔluakɛ mɔɔ Yizilayɛma vi Yigyibiti ba la bɛyɛle bɛ nyele.” Yemɔti Kinama ne hwenle bɛ nwo vile Amalɛkema maanle ne anu.