1 Sam 15:32 - BAEBOLO ANZƐƐ BULUKU NWUANZANWUANZA

³² Samoɛle zele kɛ, “Bɛva Amalɛke Belemgbunli Egage bɛrɛla ɛke.” Egage vale anwondɛlɛ rale. Ɔzele kɛ, “Nɔhalɛ nu, ewule ɛkpa me ti.”

1 Sam 15:32 ပူးပေါင်းရင်းမြစ်များ

Gyɛlɛmaya Buluku ne 48:44

Ɛdawɔ mɔɔ ɛkɛnriandi ɛzulolɛ ne la, ɛbahɔdɔ kuma ne anu, yɛɛ ɛdawɔ mɔɔ ɛkɛvo kuma ne ɛkɛvinde file zo la, ɛbahɔdɔ ɛhane nu, ɔluakɛ medame, mebamaa ɛhye mɔ asisi Mowabema anwo zo wɔ mekɛ mɔɔ mebadea bɛ la. Medame Ɛdɛnkɛma a mese a.

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

Dwɔhyua Buluku ne 10:22

Akee Dwɔhyua zele kɛ, “Bɛdukue bɔne ne na bɛva arelemgbunli nnu ne bɛrɛla ɛke.”

Yekile 18:7

Bɛmaa ɔde nyane na ye amaneɛnwunlɛ ne ɛyɛ kpole kɛ ye anyunlunyia nvoanle ne mɔɔ ɔnyianle, nee ye anwoneɛ ne mɔ mɔɔ ɔvale ɔyɛle ɔ nwo la. Kɛmɔ ɔde a ɔka ɔkile ɔ nwo kɛ, ‘Mele belemgbunli raalɛ! Menle kunlanvolɛ raalɛ, menrɛnwu nyane deɛ holɛ’ la,

Maanlebuvolɛma Buluku ne 8:11

Gedɛyɔn vale Noba nee Dwobɛha aduduleɛ adenle ne azo na ɔhɔle bɛ kpɔvolɛma ɛlɔne ne anwo zo arɛlevilɛ nu.

1 Sam 15:31

Samoɛle nee ye hɔle Gelegale na Sɔɔlo zonlenle Ɛdɛnkɛma.

1 Sam 15:33

Na Samoɛle zele ye kɛ, “Kɛmɔ wɔ dadeɛ ne ɛmaa mrɛladane mraalɛ amra ɛvi bɛ sa la, zɔhane ala yɛɛ ɛdawɔ ɛ nli balɛ ɔ sa mgbane wɔ mrɛladane mraalɛ avinli a.” Na Samoɛle pepɛle ye nzokanzoka wɔ Gelegale wɔ Ɛdɛnkɛma anyunlu ɛkɛ.