1 Sam 15:24 - BAEBOLO ANZƐƐ BULUKU NWUANZANWUANZA

²⁴ Sɔɔlo zele kɛ, “Meyɛ ɛtane, ɔluakɛ mebulu Ɛdɛnkɛma mɛla ne azo yɛɛ meandie ɛ ne, ɔboalekɛ menzulole menli ne na mendiele bɛmɛ.

1 Sam 15:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:12

Nrenya ne buale kɛ, “Raalɛ ne mɔɔ ɛvale ye ɛmanle me la, yemɔ a vale manle me a, yɛɛ menlile a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:17

Na ɔzele Adam kɛ, “Kɛmɔ wɔdie ɛ ye aneɛ na wɔli bakama ne mɔɔ menzele wɔ kɛ ɛmmadi la bie la ati, ɔlua ɛ ti, munzule ɛha azɛlɛ ye; ɛtɛwule a ɛbavɛ na wɔanyia aleɛ wɔali.

2 Sam 12:13

Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

Dwobu Buluku ne 31:34

kɛmɔ ɛnee mesulo menli pemgbenleamgbe ne, na menzulole kɛ mbusua ɛnrɛbu me la ati, menyɛle koonwu, meanvinde alie nwo a.

Edwɛndolɛ Buluku ne 51:4

Wɔmɔ ala yɛɛ mevo wɔ, na mebɔ munzule ɛbɛla ɛhye wɔ ɛ nyunlu a, amaa wɔ ndɛnebualɛ ayɛ fɔɔnwo na wɔanli ɛzonle wɔ wɔ ndɛnebualɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:16

Na ndɛndɛ ne ala belemgbunli ne vɛlɛle Mosisi nee Aalɔn na ɔzele bɛ kɛ, “Meyɛ ɛtane metia Ɛdɛnkɛma bɛ Nyamenle ne nee bɛdabɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2

Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:27

Akee belemgbunli zoanle menli manle bɛhɔvɛlɛle Mosisi nee Aalɔn na ɔzele bɛ kɛ, “Meyɛ ɛtane. Ɛdɛnkɛma di benle. Me nee me menli ne yɛdi fɔlɛ.

Mrɛlɛbulɛ Buluku ne 29:25

Sonla mɔɔ le sulosulo la sua ɔ nwo ɛhane, na mɔɔ arɛle wɔ Ɛdɛnkɛma anu la anwo le kɔlɔnwo.

Gyɛlɛmaya Buluku ne 38:5

Belemgbunli Zɛdikaya hanle kɛ, “Bɛnlea, ɔwɔ bɛ sa nu, bɛyɛ ye kɛmɔ bɛdabɛ bɛkulo la, ɔluakɛ belemgbunli ne ɛnrɛyɛ ɛhwee ɛnrɛtia bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:34

Beelam buale kɛ, “Meyɛ ɛtane. Menze kɛ ɛgyi adenle ne anu kɛ ɛsi me aze. Na kɛkala, saa ɛnea na ɔnle kpalɛ kɛ mekɔ a, ɛnee mesia meahɔ sua nu.”

Edwɛkpa ne kɛmɔ Mateyu hɛlɛle la 27:4

na ɔzele bɛ kɛ, “Meyɛ ɛtane kɛ meye sonla mɔɔ ɛnze nwolɛ bie la memaa kɛ bɛhu ye a!” Bɛbuale ye kɛ, “Na ɛhye fane yɛ nwo ɔ? Ɛdawɔ wɔ edwɛkɛ ɔ!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

1 Sam 15:15

Sɔɔlo buale ye kɛ, “Bɛ nee bɛ vi Amalɛkema lɔ a ɛra a, menli ne gyakyile nlankɛ nee mboane kpalɛ ne mɔ kɛ bɛ nee bɛ ba na bɛava bɛabɔ azu bɛamaa Ɛdɛnkɛma wɔ Nyamenle ne, na mɔɔ hale la yɛzɛkye bɛ bɔkɔɔ.”

1 Sam 15:30

Sɔɔlo buale ye kɛ, “Meyɛ ɛtane ɛdeɛ, noko di me eni ekyii bɔbɔ wɔ me mgbanyima ne mɔ nee Yizilayɛma anyunlu. Ɛ nee me ɛhɔ Gelegale maa mengɔnzonle Ɛdɛnkɛma wɔ Nyamenle ne.”

1 Sam 15:9

Na Sɔɔlo nee ye menli ne angu Egage, bɛangu mboane kpalɛ ne mɔɔ ɛlɔ la, nlankɛ kpalɛ nee mboane mralɛ ne mɔ, yɛɛ debie biala mɔɔ le kpalɛ la, bɛanzɛkye ye. Ninyɛne mɔɔ ɛnzonle bolɛ la angome a bɛzɛkyele bɛ a.

1 Sam 2:29

Duzu ati yɛɛ bɛkɛyɛ adidikpoku wɔ azubɔlɛ nane nvɛyeba kpalɛ ne mɔ mɔɔ me menli ne kɛva kɛmaa me la anwo na ɛkɛli ɛ mra ne mɔ eni ɛkɛdɛla me a?

1 Sam 26:21

Na Sɔɔlo zele kɛ, “Meyɛ ɛtane, me ra Devidi, sia bɛla. Menrɛdu wɔ mgbaliko bieko, ɔboalekɛ wɔnwu me anwunvɔne, wɔangu me ɛnɛ nɔe. Meyɛ koasea na meyɛ ɛtane.”