1 Sam 15:23 - BAEBOLO ANZƐƐ BULUKU NWUANZANWUANZA

²³ Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”

1 Sam 15:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:19

Ɛnee Leeban ɛhɔ kɛ ɔkapepɛ ye mboane nwo enrinli, na Relahyɛle wuale ɔ ze sua nu mmonle ne mɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:34

Relahyɛle sesale awuke ne anu mmonle ne mɔ la, ɔvale bɛ ɔguale ebia mɔɔ bɛfa bɛsie afunlumu nwo zo bɛtɛnla zolɛ la anu na ɔdɛnlanle zolɛ. Leeban nleɛnleanle ndanlɛ sua ne anu ɛleka biala, na yeannwu ye mmonle ne.

2 Sam 12:9

Duzu ati a wɔbulu Ɛdɛnkɛma edwɛkɛ ne azo na wɔyɛ ɛtane ɛhye ɛ? Wɔmaa bɛhu Yulaya wɔ konle nu. Wɔmaa Amɔnoma ɛhu ye na wɔva ɔ ye.

2 Sam 7:15

Menrɛye me nye ɔ nwo zo, kɛmɔ menyele menvile Sɔɔlo anwo zo la, menvale ye menziele ahane, amaa wɔali belemgbunli la.

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

Dwobu Buluku ne 34:37

Ɔluakɛ ɔfa atuadelɛ ɔboka ye ɛtane ne mɔ anwo; yɛ avinli ɛke, ɔbɔ ɔ sa nu na ɔka mgbole ɔtia Nyamenle!

Edwɛndolɛ Buluku ne 107:11

ɔluakɛ bɛde Nyamenle edwɛkɛ ne anwo atua, na bɛkpo Anwuma Anwumanli ne folɛdulɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:18

“Bɛhu raalɛ biala mɔɔ ye ngonyia la.

Ayezaya Buluku ne 19:3

Bɛ ɛnwomenle mɔɔ wɔ bɛ nu la bawie, na mebazɛkye bɛ adwenle ngyehyɛleɛ biala. Bɛbahɔ bɛ awozonle ne mɔ, bɛ ngonyiama, menli mɔɔ tendɛ nwomenle nloa azo, yɛɛ bayivolɛma ne mɔ ɛkɛ ne abisa,

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Gyɛlɛmaya Buluku ne 16:12

Akee bɛmɛ bɔbɔ bɛyɛ bɛmaa yebo bɛ ze mɔ ɛdeɛ ne azo. Ɔluakɛ nea, awie biala lua ɔdaye ye adenle ɛtane ɛdeɛ mɔɔ ɔ kunlu dwo nwolɛ la azo, yɛɛ bɛkpo kɛ bɛnrɛdie me ne.

Gyɛlɛmaya Buluku ne 28:16

Yemɔti Ɛdɛnkɛma se, ‘Nea, mebaye wɔ meavi azɛlɛ ye azo. Ɛvolɛ ɛhye anu ala, ɛbawu, ɔboalekɛ wɔbɔ adalɛ wɔmaa menli ne ɛde Ɛdɛnkɛma anwo atua.’ ”

Gyɛlɛmaya Buluku ne 29:32

medame Ɛdɛnkɛma, mebadea Nihɛlamenli Hyɛmaya nee ɔ bo zo amra. Ɔ nwo sonla ɛnrɛdɛnla aze na ɔ nye anwu kɛ mebazi meamaa me menli ne akpazi la, ɔboalekɛ yeha yehile menli ne kɛ bɛde me nwo atua. Medame Ɛdɛnkɛma a mese a.’ ”

Hozia Buluku ne 13:11

Menvale ɛya yɛɛ menvale arelemgbunli ne mɔ memanle bɛ a, yɛɛ meva ɛya meye bɛ ɛkɛ.

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 20:6

“Saa awie kɔbiza ɔ nwo wɔ sonla mɔɔ tendɛ nwomenle nloa azo la ɛkɛ, anzɛɛ ɔkɔ bayivolɛ bie ɛkɛ ɔkɔbiza ɔ nwo anzɛɛ ɔ nee bɛ kɔbɔ tuutuu ɛbɛla a, mebava me nye meazie ɔ nyunlu na meaye ye meavi ye menli ne avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Ɛzoanvolɛma Gyima ne 13:22

Mɔɔ Nyamenle yele ye ɛkɛ ne la, ɔyɛle Devidi bɛ belemgbunli. Na Nyamenle hanle ɔ nwo edwɛkɛ kɛ, ‘Menwu Gyɛsi ara Devidi kɛ yemɔ a ɔle sonla mɔɔ sɔ me nye a, na yemɔ a ɔbali gyima mɔɔ mekpondɛ la amuala a.’

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

Mɛla 9:24

Sumunli kɛ medame menwunle bɛ ala la, atua ala a bɛte wɔ Ɛdɛnkɛma anwo a.

Mɛla 9:7

“Bɛdabɛ bɛhakye yɛɛ bɛmmamaa bɛ rɛle fi kɛ bɛzile bɛhanle Ɛdɛnkɛma bɛ Nyamenle ne ɛya wɔ ɛsɛlɛ ne azo la. Ɔvi mekɛ mɔɔ bɛvi Yigyibiti bɛyele bɛ nwo toonwo mɔɔ bɛradwu ɛke la, anzosesebɛ ala a bɛyɛ wɔ Ɛdɛnkɛma anwo a.

Dwɔhyua Buluku ne 22:15

Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

1 Sam 13:14

na kɛkala, wɔ belemgbunlililɛ ne ɛnrɛhɔ zolɛ bieko. Ɛdɛnkɛma ɛnyia sonla mɔɔ ɔdaye ɔkulo la, yeye ye kɛ ɔzie ye menli ne, ɔboalekɛ wɔdu ɔ nloa wɔdo.”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.

1 Sam 28:3

Akee Samoɛle ɛwu. Yizilayɛma kɔsɔɔti ɛzu ye na bɛzie ye wɔ ye sua zo Releema. Sɔɔlo ɛdu menli mɔɔ bɔ menli munzule nee bɛdabɛ mɔɔ bɛtendɛ nwomenle nloa zo la kɔsɔɔti wɔ Yizilayɛ maanle ne anu.