1 Sam 15:22 - BAEBOLO ANZƐƐ BULUKU NWUANZANWUANZA

²² Samoɛle zele kɛ, “Ɛnee ɛnea a Ɛdɛnkɛma anye die azubɔdeɛ nee ɛyelalɛ azubɔlɛ nwo kpole tɛla kɛ ɛkɛdie ɔ ne la ɔ? Nea, tieyɛ le kpalɛ tɛla azubɔlɛ, yɛɛ ɛtie Ɛdɛnkɛma ane a ɔle kpalɛ ɔtɛla mboane nyinli mɔɔ ɛwie kye la.

1 Sam 15:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:4

Ebɛle noko hyele mboane mralɛ mɔɔ ye mboane ne mɔ bie lumuale wole bɛ la, na ɔvale bɛ nee bɛ ɛleka mɔɔ ɛlɔ kpalɛ la ɔbɔle azu ɔmanle Ɛdɛnkɛma. Ɛdɛnkɛma anye zɔle Ebɛle azubɔdeɛ ne,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:5

Yemɔti saa bɛtie me ne na bɛdi me ngyekyeleɛ ne azo a, bɛbayɛ me ɛdeɛ wɔ maanle maanle kɔsɔɔti avinli, ɔluakɛ azɛlɛ ne kɔsɔɔti le me ɛdeɛ.

Mrɛlɛbulɛ Buluku ne 21:3

Tenlene ɛbɛla nee pɛlepɛlelilɛ sɔ Ɛdɛnkɛma anye kpalɛ tɛla azubɔlɛ.

Nolo 5:1

Saa ɛkɔ Nyamenle Ɛzonlenlɛ Sua ne anu a anrɛɛ nea boɛ. Ɔle kpalɛ kɛ ɛkɛhɔ ɛkɛ ɛkɛhɔdie tɛla kɛ ɛkɛbɔ azu, kɛmɔ ahoasea yɛ la, ɔluakɛ bɛnze kɛ bɛlɛyɛ ɛtane.

Gyɛlɛmaya Buluku ne 11:4

Ɔle ngyekyeleɛ mɔɔ me nee bɛ ze mɔ kyekyele wɔ mekɛ mɔɔ me nee bɛ vi Yigyibiti maanle ne mɔɔ le kɛ senle tandane la anu rale la. Menzele bɛ kɛ bɛdie me ne na bɛyɛ mɔɔ menwɔze bɛ la amuala. Saa bɛyɛ ɛhye a bɛbayɛ me menli, na medame meayɛ bɛ Nyamenle.

Gyɛlɛmaya Buluku ne 11:7

Ɔluakɛ mekɛ mɔɔ me nee bɛ ze mɔ vi Yigyibiti rale la, membɔle bɛ kɔkɔ ɛsesebɛ kɛ bɛdie me, na mehɔ zolɛ mehakye bɛ toonwo a yeradwu ɛnɛ a.

Gyɛlɛmaya Buluku ne 26:13

Yemɔti bɛhakyi bɛ ndenle nee bɛ nyɛleɛ ne mɔ, na bɛdie Ɛdɛnkɛma bɛ Nyamenle ne ane, na ɔbava ndeanlɛ biala mɔɔ yeha kɛ ɔfa yeadea bɛ la yeahyɛ bɛ.

Hozia Buluku ne 6:6

ɔluakɛ mekpondɛ ɛhulolɛ kpundii, na tɛ nane azubɔlɛ ɔ. Mekulo kɛ bɛnwu Nyamenle bɛtɛla ɛyelalɛ azubɔdeɛ ne mɔ.

Hozia Buluku ne 8:13

Bɛkulo azubɔlɛ; bɛku nane bɛbɔ azu na bɛdi. Na medame Ɛdɛnkɛma, me nye ɛnlie nwolɛ. Akee mebahakye bɛ ɛtane ne mɔ na meadea bɛ wɔ nwolɛ, na meamaa bɛazia bɛahɔ Yigyibiti.

Edwɛkpa ne kɛmɔ Mateyu hɛlɛle la 12:7

Nyamenle Edwɛkɛ ne se, ‘Mekpondɛ anwunvɔnezelɛ na tɛ nane azubɔlɛ ɔ.’ Saa bɛte ɛhye abo kpalɛ a, anrɛɛ bɛmbu bɛdabɛ mɔɔ bɛnze nwolɛ bie la fɔlɛ.

Edwɛkpa ne kɛmɔ Mateyu hɛlɛle la 23:23

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ bɛbu ɛlobɔ nu ɛya evuanlɛ mɔɔ le kɛ aabɛya la anu bulu bɛfa ko bɛmaa Nyamenle, na bɛbu bɛ nye bɛgua ninyɛne mɔɔ hyia kpalɛ wɔ mɛla ne anu, mɔɔ fane pɛlepɛlelilɛ, anwunvɔnezelɛ, yɛɛ nɔhalɛlilɛ nwo ngilehilelɛ la azo. Ɛhye mɔ a ɔwɔ kɛ bɛyɛ a, yɛɛ ɔnle kɛ bɛbu bɛ nye bɛgua mɔɔ ɛha la azo.

Edwɛkpa ne kɛmɔ Mateyu hɛlɛle la 5:24

gyakyi wɔ azubɔdeɛ ne wɔ azukponle ne anyunlu ɛkɛ ne; dumua kɔ ɛ nee ɛ diema ne bɛbɔ bɛ avinli, na akee sia babɔ wɔ azu ne maa Nyamenle.

Edwɛkpa ne kɛmɔ Mateyu hɛlɛle la 9:13

Bɛhɔ bɛhɔkpondɛ Nyamenle Edwɛkɛ ɛhye abo: ‘Mekulo anwunvɔnezelɛ, na tɛ nane azubɔlɛ ɔ.’ Meamba menli mɔɔ ɛkpazi la ɛvɛlɛlɛ; membale bɛdabɛ mɔɔ awie ɛmbu bɛ bie la ɛvɛlɛlɛ!”

Edwɛkpa ne kɛmɔ Maake hɛlɛle la 12:33

Na ɔwɔ kɛ sonla biala fa ye ahonle muala, ye adwenle muala, nee ye anwosesebɛ muala kulo Nyamenle, na ɔkulo ɔ gɔnwo sonla kɛ ɔdaye ɔ nwo la. Ɔhyia kpalɛ kɛ ɛkɛli mɛla nwiɔ ɛhye azo tɛla kɛ ɛkɛva nane nee ninyɛne ɛkɛbɔ azu ɛkɛmaa Nyamenle.”

1 Sam 13:12

‘Ɔnrɛhyɛ na Filisitiama arateta yɛ wɔ Gelegale ɛke bɛ nee yɛ aho, yɛɛ metɛsɛlɛle Ɛdɛnkɛma moalɛ biala;’ yemɔti menlile me ti anwo membɔle ɛyelalɛ azu ne.”

1 Sam 13:13

Na Samoɛle zele Sɔɔlo kɛ, “Wɔli edwɛkɛ ɛtane. Wɔanli Ɛdɛnkɛma wɔ Nyamenle ne mɛla mɔɔ ɔmanle wɔ la azo; anrɛɛ Ɛdɛnkɛma kɛmaa wɔ nee ɛ bo zo amra kɛzie Yizilayɛ maanle ne dahuu,