1 Sam 15:12 - BAEBOLO ANZƐƐ BULUKU NWUANZANWUANZA

¹² Samoɛle dwazole ndɛ kɛ ɔkayia Sɔɔlo nwonlomɔ ne ala, na bɛhanle bɛhilele Samoɛle kɛ, “Sɔɔlo ɛhɔ Kamɛle ɛhɔzi ngakyelɛ sɛkɛlɛneɛ ɛwula ɔdaye ɔ nwo anyunlunyia, na yetele zolɛ yehɔ Gelegale.”

1 Sam 15:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:14

Yemɔti Ebileham dwazole nwonlomɔ mangyee ne ala na ɔvale aleɛ nee nzule nwoma kodoku ko ɔmanle Heega vale dole ɔ kɔme zo, na ɔdole ye nee ɔ ra ne adenle zo. Heega hɔle na ɔhɔluoluale Biyɛhyiba fienemgbole ne anu.

2 Sam 18:18

Mekɛ mɔɔ Abesalɛm de aze la, ɔkpɔnlanle mpila wɔ Belemgbunli Bɔnza ɔvale ɔyɛle ɔdaye ye ngakyelɛ deɛ. Ye edwɛkɛ a le kɛ, “Meanwo ralɛ nrenya na bɛava bɛahakye me.” Yemɔti ɔvale mpila ne ɔdonle ɔ nwo, na ɛnɛ nee ɛnɛ ala, bɛtɛfɛlɛ ye Abesalɛm Ngakyedeɛ (Ngakyelɛ Mpila).

1 Arl 18:42

Yemɔti Ehabe hɔle kɛ ɔkali debie. Yilaegya vole hɔle Kamɛle Boka ne azo, ɔkponle ɔ nwo na ɔvale ɔ ti ɔzianle ɔ gyakɛ avinli.

2 Edk 26:10

Akee ɔsisile bie noko wɔ fienemgbole ne anu, na ɔdudule bula dɔɔnwo mɔɔ ko biala se kɔgua ko anu la, ɔboalekɛ ɛnee ɔlɛ nlankɛ dɔɔnwo wɔ adɔleɛ awoka ne mɔ abo nee fienemgbole ne anu. Ɔyɛle ɛhye, ɔboalekɛ ɔkulo egyinliyɛlɛ. Ɔlɛ ye ɛyazonlɛma yɛɛ menli mɔɔ nea yɛ ye vanye egyinli ne mɔ mɔɔ wɔ awoka ne mɔ azo la, yɛɛ ɔso ɛya wɔ ɛleka ne mɔ mɔɔ kye aleɛ la.

Dwɔhyua Buluku ne 15:55

Meeyɔn, Kamɛle, Zefe, Gyɛta,

1 Sam 13:12

‘Ɔnrɛhyɛ na Filisitiama arateta yɛ wɔ Gelegale ɛke bɛ nee yɛ aho, yɛɛ metɛsɛlɛle Ɛdɛnkɛma moalɛ biala;’ yemɔti menlile me ti anwo membɔle ɛyelalɛ azu ne.”

1 Sam 13:15

Samoɛle vile Gelegale hɔle Gebɛya mɔɔ wɔ Bɛngyaman abusua ekpunli ne maanle nu la. Sɔɔlo dianle ye ɛlɔnema mɔɔ nee ye lua la; bɛkɛyɛ ɛya nsia.

1 Sam 17:20

Aleɛbahye ne ala Devidi vale mboane ne mɔ wulale awie asa anu, na ɔvale aleɛ ne ɔzile nu ɔhɔle, kɛmɔ ɔ ze Gyɛsi zele ye la. Ɔdwule azokoɛleɛ ne la ɛnee ɛlɔnema ne ɛdu ɛdenrɛ ɛlɛto konle edwɛne ahɔ konle ne anloa.

1 Sam 25:2

Nrenya bie wɔ Meeyɔn, bɛfɛlɛ ye Neebale. Ɔbɔ Kalɛbe abusua ne bie yɛɛ ɔlɛ azɛlɛ bie zua sua Kamɛle. Ɔle sukoavolɛ kpole kpalɛ; ɔlɛ mboane apenle nsa yɛɛ mbɔnkye apenle ko. Ɔ ye Abegeli le raalɛ anwofɛlɛko na eza ɔle nrɛlɛbɛvolɛ, na ɔ hu ɛdeɛ, ɔnle nrenya kpaziwɔkɛ biala, yɛɛ eza ɔnlɛ subane.

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”