1 Sam 15:11 - BAEBOLO ANZƐƐ BULUKU NWUANZANWUANZA

¹¹ ɔluakɛ yehakyi ɔ nzi yezi me. Yeanli me mɛla ne mɔ azo.” Samoɛle vale ɛya, na ɔzɛlɛle Ɛdɛnkɛma nɔe ne toonwo alehyenlɛ.

1 Sam 15:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:6

Na ɔyɛle Ɛdɛnkɛma nyane kɛ yebɔ sonla yedo azɛlɛ ye azo a. Ɔyɛle ye nyane somaa,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:7

na ɔhanle kɛ, “Mebɔ sonla mɔɔ mebɔ la abo zo bɔkɔɔ wɔ azɛlɛ ye azo. Mesɛkye debie biala mɔɔ mebɔ la, sonla, nane, ninyɛne mɔɔ twenle bɛ nwo aze la, yɛɛ nloma muala. Menlu me nwo bɔbɔ kɛ mebɔ bɛ a.”

2 Sam 24:16

Na mɔɔ Nyamenle soanvolɛ ne dendenle ɔ sa kɛ ɔbɔ Gyɛlusalɛm la, Ɛdɛnkɛma hakyile ye adwenle wɔ suakpole ne ɛzɛkyelɛ nwo na ɔzele Nyamenle soanvolɛ ne kɛ, “Gyakyi! Ɛhye ala le kpalɛ!” Ɛnee Nyamenle soanvolɛ ne wɔ Gyibɛsenli Alɔna ma ɛwozolɛ ɛleka ne.

1 Arl 11:9

Zɔhane ati Ɛdɛnkɛma vale Sɔlɔmɔn anwo ɛya. Ɔboalekɛ Sɔlɔmɔn ɛhakyi ɔ nzi ɛzi Ɛdɛnkɛma, Yizilayɛ Nyamenle ne mɔɔ ɛye ɔ nwo ɛhile ye fane nwiɔ,

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

1 Edk 21:15

Akee Nyamenle manle ye soanvolɛ hɔle kɛ ɔhɔzɛkye Gyɛlusalɛm. Na mɔɔ soanvolɛ ne dwule Gyɛlusalɛm la, Ɛdɛnkɛma akunlu hwenle na ɔzele ye kɛ, “Yeyɛ boɛ, gyakyi!” Mekɛ ne anu ɛnee Nyamenle soanvolɛ ne wɔ Gyibɛsenli bie mɔɔ bɛfɛlɛ ye Alɔna la ɛleka mɔɔ ɔwozo ye awule la.

Dwobu Buluku ne 34:27

ɔboalekɛ bɛkpole kɛ bɛnrɛdoa ɔ bo zo, yɛɛ bɛanli ye mɛla ne mɔ biala azo.

Edwɛndolɛ Buluku ne 109:4

Mekulo bɛ, noko bɛmɛ bɛto me ɛzonle, kanza meyɛ nzɛlɛlɛ memaa bɛ bɔbɔ a,

Edwɛndolɛ Buluku ne 110:4

Ɛdɛnkɛma ɛha ndane, yɛɛ ɔnrɛhakyi ye adwenle ɛlɛ. Ɔse, “Ɛle sɛlɛvolɛ dahuu, kɛmɔ Mɛlekezidɛke yɛle la.”

Edwɛndolɛ Buluku ne 119:136

Me nye monle twi bobobobo, ɔboalekɛ menli ɛnli wɔ mɛla ne mɔ azo. b

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 36:3

Ɔle ngunzi yɛɛ ɔbɔ adalɛ, yegyakyi nrɛlɛbɛ ɛbɛlabɔlɛ nee boɛlilɛ.

Edwɛndolɛ Buluku ne 78:41

Bɛzɔle ye bɛnleanle fane dɔɔnwo, na bɛhanle Yizilayɛ Nwuanzanwuanza Ko ne ɛya.

Edwɛndolɛ Buluku ne 78:57

Bɛkpole ye na bɛyɛle ngunzi kɛ bɛ nlenya mɔ; bɛhyibale bɛ nwo kɛ ɛdabaka kyealera.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:11

Na Mosisi bodole Ɛdɛnkɛma, ye Nyamenle ne kɛ, “O Ɛdɛnkɛma, duzu ati a wɔva wɔ menli mɔɔ ɛdawɔ wɔva tumi nee anwosesebɛ wɔye bɛ wɔvi Yigyibiti azɛlɛ zo la anwo ɛya kpole zɛhae a? Duzu ati a ɔwɔ kɛ Yigyibitima ka ye kɛ, ɛvale adwenle ɛtane a ɛyele bɛ ɛvile Yigyibiti a, kɛ ɛ nee bɛ ba wɔarahu bɛ wɔ awoka ye azo na wɔabɔ bɛ bo zo wɔ azɛlɛ ye azo a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:14

Yemɔti Ɛdɛnkɛma hakyile ye adwenle. Yeammaa munzule ne mɔɔ ɔdwenlenle nwolɛ la amba menli ne anwo zo.

Gyɛlɛmaya Buluku ne 11:10

Bɛlɛyɛ bɛ ze mɔ mɔɔ kpole kɛ bɛnrɛdie me ne la ɛtane ne mɔ bie; bɛzonle nyamenle gyɛne gyɛne. Yizilayɛma nee Dwudama ɛtulu ngyekyeleɛ ne mɔɔ me nee bɛ ze mɔ kyekyele la.

Gyɛlɛmaya Buluku ne 13:17

Na saa bɛnrɛdie me ne a, mebavea meazu wɔ bɛ adubɛnwo ne ati, mebaye awolɛ meahwi monle kpalɛ, ɔboalekɛ bɛhye Ɛdɛnkɛma menli ne nuokɛ.

Gyɛlɛmaya Buluku ne 34:16

Nzinlii bɛnyianle adwenle ngakyile na bɛguale me duma ne anwo evinli. Bɛ nuhua ko biala ziale ɔ nzi hyele ye ahanra mrenya nee mraalɛ wɔ mekɛ mɔɔ ɛnee bɛnyia bɛ ti kɛmɔ bɛkpondɛ la ɔ nee bɛ rale na bɛrayɛle ye ahanra bieko.

Gyɛlɛmaya Buluku ne 9:1

Me kunlu a anrɛɛ me ti le nzubula na me nye monle le nzufeanvea, anrɛɛ menwɔzu me menli mɔɔ bɛhu bɛ la alehyenlɛ nee aledwolɛ.

Gyɛlɛmaya Buluku ne 9:18

Menli ne hanle kɛ, “Bɛmaa bɛrɛla ndɛndɛ, bɛrazu bɛvua yɛ, bɛye awolɛ bɛmaa yɛhwi monle, na yɛ nye abo ɛyɛ monle monle.”

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Emɔzo Buluku ne 7:3

Ɛdɛnkɛma hakyile ye adwenle na ɔhanle kɛ, “Mɔɔ ɛnwunle ye la ɛnrɛyɛ zɔhane.”

Dwona Buluku ne 3:10

Nyamenle nwunle mɔɔ bɛyɛle la. Ɔnwunle kɛ bɛnlu bɛ nwo na bɛgyakyi bɛ nyɛleɛ ɛtane ne nee bɛ amumuyɛ ne mɔ ɛyɛlɛ. Yemɔti ɔhakyile ye adwenle, na yeammaa munzule kpole ne mɔɔ anrɛɛ ɔmaa yeara bɛ nwo zo la amba.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Zɛfanaya Buluku ne 1:6

nee bɛdabɛ mɔɔ bɛhakyi bɛ nzi bɛzi Ɛdɛnkɛma, mɔɔ bɛmkpondɛ ye, yɛɛ bɛmbiza ye ɛkɛ ne edwɛkɛ la, mebazɛkye bɛ muala.”

Edwɛkpa ne kɛmɔ Mateyu hɛlɛle la 24:13

Noko sonla mɔɔ kɛgyinla kpundii kɛhɔ awieleɛ la banyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Luku hɛlɛle la 6:12

Mekɛ ne anu Gyisɛse hɔle boka bie azo kɛ ɔkazɛlɛ; na ɔzɛlɛle Nyamenle nɔe ne amuala.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Dwɔhyua Buluku ne 22:16

Bɛgyinlanle Ɛdɛnkɛma menli ne mɔ amuala agyakɛ anu bɛbizale bɛ kɛ, “Duzu munzule debie a bɛyɛ bɛtia Yizilayɛ Nyamenle ne la? Saa bɛzi azukponle ɛhye bɛmaa bɛ nwo a ɛnee bɛkpo Ɛdɛnkɛma! Bɛkpo kɛ bɛnrɛdoa ɔ bo zo bieko!

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.

1 Sam 13:13

Na Samoɛle zele Sɔɔlo kɛ, “Wɔli edwɛkɛ ɛtane. Wɔanli Ɛdɛnkɛma wɔ Nyamenle ne mɛla mɔɔ ɔmanle wɔ la azo; anrɛɛ Ɛdɛnkɛma kɛmaa wɔ nee ɛ bo zo amra kɛzie Yizilayɛ maanle ne dahuu,

1 Sam 15:10

Ɛdɛnkɛma zele Samoɛle kɛ, “Mevu me nwo kɛ menyɛle Sɔɔlo belemgbunli a,

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”

1 Sam 15:35

Samoɛle annwu Sɔɔlo bieko toonwo ɔdaye Samoɛle ɔwule, noko ɔlile Sɔɔlo anwo nyane. Ɛdɛnkɛma vule ɔ nwo kɛ ɔyɛle Sɔɔlo Yizilayɛ belemgbunli a.

1 Sam 15:9

Na Sɔɔlo nee ye menli ne angu Egage, bɛangu mboane kpalɛ ne mɔɔ ɛlɔ la, nlankɛ kpalɛ nee mboane mralɛ ne mɔ, yɛɛ debie biala mɔɔ le kpalɛ la, bɛanzɛkye ye. Ninyɛne mɔɔ ɛnzonle bolɛ la angome a bɛzɛkyele bɛ a.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 8:6

Bɛhanle ɛhye la, yeanyɛ Samoɛle fɛ. Yemɔti ɔzɛlɛle Ɛdɛnkɛma,