1 Sam 14:47 - BAEBOLO ANZƐƐ BULUKU NWUANZANWUANZA

⁴⁷ Mɔɔ Sɔɔlo di Yizilayɛma belemgbunli la, ɔhonle ɔtiale ye kpɔvolɛma kɔsɔɔti; ɔhonle ɔtiale Mowabema, Amɔnoma, Yidɔmma, Zoba arelemgbunli nee Filisitiama. Na ɛleka biala mɔɔ ɔhonle la ɔlile konim.

1 Sam 14:47 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:37

Ralɛ raalɛ kpanyinli ne wole ralɛ nrenya na ɔdonle ye Mowabe. Ɔ bo zo amra a le Mowabema mɔɔ wɔ ɛkɛ ne ɛnɛ nee ɛnɛ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:38

Ekyi ne noko wole ralɛ nrenya na ɔdonle ye Bɛnamae. Ɔ bo zo amra a le Amɔnoma mɔɔ wɔ ɛkɛ ne ɛnɛ nee ɛnɛ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 36:1

Ɛhye mɔ a le Yisɔ abo zo amra; bɛdabɛ ko ne ala a bɛfɛlɛ bɛ Yidɔmma la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 36:19

Yisɔ a zole mbusua ekpunli ɛhye mɔ amuala a, yɛɛ bɛ muala bɛle mbusua mgbanyinli wɔ Yisɔ abusua ekpunli ne anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 36:8

Yemɔti Yisɔ hɔdɛnlanle Siyɛ maanle nu awoka ne mɔ azo. Yisɔ a le Yidɔm.

2 Sam 1:22

Dwɔnatan ɛda nloa yɛ nla, Sɔɔlo konle dadeɛ ɛnze anwunvɔne, ɔka mgbolema ɔgua, ɔku kpɔvolɛma.

2 Sam 10:6

Amɔnoma ne nwunle kɛ bɛha Devidi ɛya. Yemɔti bɛhɔbɔle Selea ɛlɔnema mɔɔ wɔ Bɛtelihɔbo nee Zoba la apenle ngoko abulanwiɔ, ɛlɔnema apenle ngoko bulu nee nwiɔ wɔ Tɔɔbo, yɛɛ akee Meeyaka belemgbunli nee ye ɛlɔnema apenle ko ɛkpa.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

2 Sam 8:3

Devidi eza lile Rilihɔbo ara Hadadizɛ, Zoba belemgbunli ne, anwo zo konim wɔ mekɛ mɔɔ Hadadizɛ ɛnee ɛlɛkɔ Azule Yufileti sɔlɔ kɛ ɔkava ɛkɛ ne maanle ne la.

1 Arl 11:23

Nyamenle eza manle Yilayada ara nrenya Rilizɔn dwazole Sɔlɔmɔn anwo zo. Ɛnee Rilizɔn ɛnriandi ɔ menle Hadadizɛ mɔɔ le Zoba belemgbunli ne.

2 Arl 14:27

Noko ɛnee ɔnle Ɛdɛnkɛma adwenle nu kɛ ɔbɔ bɛ bo zo yeazɛkye bɛ bɔkɔɔ, yemɔti ɔluale Belemgbunli Gyɛlɔbowam mɔɔ tɔ zo Nwiɔ la anwo zo ɔliele bɛ.

1 Sam 12:2

Kɛkala, bɛnyia belemgbunli mɔɔ bali bɛ ti a. Akee meyɛ kpanyinli; me ti zo ɛyɛ nwohyee. Eza bɛnlea, me mra mrenya ne mɔ wɔ bɛ avinli. Sumunli me mgbavolɛ nu, meli bɛ ti toonwo a yeradwu ɛnɛ a.

1 Sam 13:1

Sɔɔlo lile ɛvolɛ... la yɛɛ ɔralile belemgbunli a na ɔziele Yizilayɛ maanle ne ɛvolɛ... nee nwiɔ.

1 Sam 14:46

Akee Sɔɔlo amkpo Filisitiama bieko, na Filisitiama hɔle bɛ maanle nu.

1 Sam 14:52

Sɔɔlo mekɛ zo, ɔ nee Filisitiama honle mgbole mgbole fane dɔɔnwo, yemɔti mekɛ biala mɔɔ ɔkɛnwu katakyie bie la ɔfa ye ɔboka ɔ nwo.

1 Sam 21:7

(Kenle ko ne ɛnee Sɔɔlo mboaneneavolɛ kpanyinli ne wɔ ɛkɛ, bɛfɛlɛ ye Dowɛge, ɔvi Yidɔm. Ɔhɔle kɛ ɔkayɛ gyima bie wɔ Ɛdɛnkɛma duma nu.)