1 Sam 14:36 - BAEBOLO ANZƐƐ BULUKU NWUANZANWUANZA

³⁶ Akee Sɔɔlo zele menli ne kɛ, “Bɛmaa yɛhɔ Filisitiama anwo zo ɛnɛ nɔe toonwo alehyenlɛ, yɛbɔ bɛ bo zo, yɛkpokpo bɛ bɔkɔɔ mɔɔ yɛngyakyi ko bɔbɔ a.” Na bɛzele ye kɛ, “Debie biala mɔɔ ɛkulo la, yɛ.” Na sɛlɛvolɛ ne zele kɛ, “Bɛmaa yɛbiza Nyamenle kolaa.”

1 Sam 14:36 ပူးပေါင်းရင်းမြစ်များ

Edwɛndolɛ Buluku ne 73:28

Na mame, ɔle kpalɛ kɛ menwɔbikye Nyamenle; meyɛ Awulae Nyamenle ne me ɛvealeka, amaa meabɔ wɔ gyima ne mɔ nolo.

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Gyɛlɛmaya Buluku ne 6:5

Bɛdwazo bɛmaa yɛhɔteta bɛ ɛnɛ nɔe, na yɛbubu bɛ aranemgbole ne mɔ!”

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Gyemise Kɛlata ne 4:8

Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!

Dwɔhyua Buluku ne 10:19

na bɛmɛ, bɛmmatɛnla ɛkɛ. Bɛdoa bɛ kpɔvolɛma ne na bɛbu bɛ nzi bɛ nee bɛ ɛho; bɛmmamaa bɛkɔ bɛ azua ne mɔ azo. Ɛdɛnkɛma bɛ Nyamenle ne ɛye bɛ ɛmaa kɛ bɛli bɛ nwo zo konim.”

Dwɔhyua Buluku ne 11:14

Yizilayɛma ne vale ninyɛne mɔɔ anwo hyia nee nyɛmoa mɔɔ wɔ azuamgbole ne mɔ azo la. Na bɛhunle awie biala; ko bɔbɔ anga.

1 Sam 1:23

Ɛlekana buale ye kɛ, “Nɔhalɛ, yɛ mɔɔ ɔwɔ kɛ ɛyɛ la; tɛnla sua nu kɔkpula mekɛ mɔɔ kakula ne kɛpɛ nyɛfonlɛ na ɔ nwo kɛkputi la. Ɛdɛnkɛma ɛmaa wɔ ɛwɔkɛ ne ɛyɛ zɔhane.” Yemɔti Hana dɛnlanle sua nu na ɔlile kakula ne adane.

1 Sam 11:11

Aleɛ hyenle nwonlomɔ mangyee ne la Sɔɔlo hyɛle ye ɛlɔnema ne mɔ anu ekpunli nsa. Bɛhɔholole Amɔnoma anwo zo wɔ bɛ azokoɛleɛ ne; bɛhuhunle bɛ toonwo sɛnzɛngyinla. Bɛdabɛ mɔɔ bɛvile ɛsalɛ la anye zo danle bɛ, bɛbɔle asande mɔɔ bɛ nuhua nwiɔ bɔbɔ angola ampɛ anli ɛleka ko a.

1 Sam 14:3

Sɛlɛvolɛ mɔɔ ɛnee yɛ gyima wɔ Hyaelo la a le Ayekabɔdo adiema nrenya Ahaetɛbe ara Ahaegya. Ahaetɛbe ɔ ze a le Fenɛhaze yɛɛ ɔ nlenya a le Yilae. Menli ne annwu kɛ Dwɔnatan ɛvi ɛkɛ ne ɛhɔ.