1 Sam 14:24 - BAEBOLO ANZƐƐ BULUKU NWUANZANWUANZA

²⁴ Kenle ko ne Yizilayɛma adwenle zɛkyele, ɔluakɛ Sɔɔlo guale bɛ amonle kɛ, “Toonwo mɔɔ ɔkadwu nɔsolɛ la, awie biala mmadi debie kɔkpula kɛ menwɔli me kpɔvolɛma anwo zo konim la. Ɛdawɔ mɔɔ ɛkɛli debie la, munzule ɛha wɔ.” Yemɔti awie biala anva debie anga ɔ nloa.

1 Sam 14:24 ပူးပေါင်းရင်းမြစ်များ

Edwɛndolɛ Buluku ne 18:47

Nyamenle ne mɔɔ lile me ti nzenralɛ la bɛlɛle maanle maanle ne mɔ aze wɔ me nyunlu;

Mrɛlɛbulɛ Buluku ne 11:9

Sonla mɔɔ ɛnze Nyamenle la fa ɔ nloa sɛkye ɔ gɔnwo, na tenlenema fa adwenle die bɛ nwo.

Sɛlɛ 27:29

Ɔnle kɛ bɛfa ezukoa bɛkpɔne sonla mɔɔ bɛdu ye bɛmaa Ɛdɛnkɛma kɛ bɛzɛkye ye la. Ɔwɔ kɛ bɛku ye.

Sɛlɛ 5:4

“Anzɛɛ saa awie buke ɔ nloa di amonle kɛ ɔdi ɛtane anzɛɛ ɔyɛ boɛ a, amonle ɛtane biala mɔɔ ahenle ne kɛli la, saa ɔnze bɔbɔ na nzinlii ɔnwu ye a, ɔdi ko biala anwo fɔlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:2

Na Yizilayɛma vuale hilele Ɛdɛnkɛma kɛ, “Saa ɛmaa yɛdi menli ɛhye mɔ anwo zo konim a, yɛkɛdu bɛ nee bɛ azuamgbole ne mɔ yɛkɛmaa wɔ na yɛkɛzɛkye bɛ bɔkɔɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:21

(Sɛlɛvolɛ ne ɛmaa raalɛ ne ɛli amonle ne na ɔha ɔhile raalɛ ne kɛ) ɛnee Ɛdɛnkɛma ɛmaa bɛhyi wɔ, wɔ wɔ menli avinli, ɔmaa wɔ awodeɛ ɛnwoso na ɛwulowula.

Wulo 10:2

Mekola medi daselɛ kɛ me menli ne lɛ Nyamenle anwo ɛhulolɛ kpole kpalɛ; noko bɛ ɛhulolɛ mɔɔ bɛlɛ ye wɔ Nyamenle anwo la ɛngyi nɔhalɛ ndelebɛbo kpalɛ zo.

1 Kɔl 16:22

Awie biala mɔɔ ɛngulo Awulae la, munzule ɛha ye. Yɛ Awulae, bɛla!

Dwɔhyua Buluku ne 6:26

Mekɛ ne anu Dwɔhyua bɔle kɔkɔ mɔɔ anu yɛ se la kɛ, “Awie ko biala mɔɔ kɛbɔ mɔdenle kɛ ɔkyekye suakpole Gyɛleko bieko la, Ɛdɛnkɛma ɛdua ye kakɛ. Mɔɔ kɛwula suakpole ne abo aze la, ɔ ra nrenya kpanyinli ne ɛwu. Mɔɔ kɛdua suakpole ne anuhɔlɛ mgbole ne mɔ ɛbonle la, ye nrenya kazima ne ɛwu.”

Maanlebuvolɛma Buluku ne 1:28

Mekɛ mɔɔ Yizilayɛma abo zo dɛlɛle la, bɛhyele Keenama ɛkpolekɛ zo bɛmanle bɛyɛle akɛlɛ gyima, na bɛandu bɛ.

Maanlebuvolɛma Buluku ne 5:2

Bɛye Ɛdɛnkɛma ayɛlɛ! Yizilayɛ mgbanyima dele bɛ kunlu, menli ne yeyele bɛ kunlu honle.

1 Sam 14:25

Menli ne kɔsɔɔti hɔle kpɔkɛ ne anu la bɛnwunle kɛ wolɛ wɔ azɛlɛ ne anwo.

1 Sam 14:39

Meka tease Ɛdɛnkɛma mɔɔ ko die Yizilayɛma la kɛ, ahenle mɔɔ vale munzule ɛhye rale la, saa me ra Dwɔnatan bɔbɔ a, ɔwɔ kɛ ɔwu.” Na awie biala ambua ye.

1 Sam 18:25

Na Sɔɔlo zele kɛ, “Bɛhɔze Devidi kɛ, belemgbunli ɛmkpondɛ agyalɛ ne anwo debie biala. Ɔkpondɛ kɛ ɔsenra ye kpɔvolɛma ne, yemɔti mɔɔ ɔkpondɛ la a le Filisitiama ɛya ko mrenyanu ati nwoma ne mɔ.” (Sɔɔlo kpondɛ kɛ ɔyɛ ɛhye amaa Filisitiama anyia Devidi ahu ye.)