1 Sam 14:23 - BAEBOLO ANZƐƐ BULUKU NWUANZANWUANZA

²³ toonwo hɔle Bɛtehavɛn anzi lɔ a. Na Ɛdɛnkɛma liele Yizilayɛma kenle ko ne.

1 Sam 14:23 ပူးပေါင်းရင်းမြစ်များ

2 Arl 14:27

Noko ɛnee ɔnle Ɛdɛnkɛma adwenle nu kɛ ɔbɔ bɛ bo zo yeazɛkye bɛ bɔkɔɔ, yemɔti ɔluale Belemgbunli Gyɛlɔbowam mɔɔ tɔ zo Nwiɔ la anwo zo ɔliele bɛ.

1 Edk 11:14

Na Ɛlieza nee ɔ sa zo ne gyinlanle kpundii bɛ nee Filisitiama honle na bɛhunle bɛ nuhua dɔɔnwo. Ɛdɛnkɛma manle bɛlile konim kpole kpalɛ.

2 Edk 32:22

Yemɔti Ɛdɛnkɛma liele Hɛzikaya nee Gyɛlusalɛmma vile Aselea Belemgbunli Sɛnakɛlebe asa anu nee ye kpɔvolɛma amuala asa anu, na ɔmanle bɛnyianle anzonudwolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:30

Ɛdɛnkɛma liele Yizilayɛma kenle ko ne vile Yigyibitima asa anu. Na Yizilayɛma nwunle Yigyibitima avunli ne mɔ wɔ nyevile ne anloa.

Hozia Buluku ne 1:7

Mebaze Dwudama anwunvɔne, medame, Ɛdɛnkɛma bɛ Nyamenle, mebalie bɛ ngoane, na tɛ konle nu ɔ, menrɛva konle dadeɛ anzɛɛ ɛda nee ɛda mbaka anzɛɛ mgbɔnwɔ nee menli mɔɔ ka mgbɔnwɔ la.”

Mɛla 20:4

Ɔluakɛ Ɛdɛnkɛma bɛ Nyamenle ne, yemɔ yɛɛ ɔ nee bɛ kɔ ɔ nee bɛ kpɔvolɛma ne ahɔho na yeamaa bɛali konim a.’

Dwɔhyua Buluku ne 7:2

Dwɔhyua zoanle menli bie vi Gyɛleko kɛ bɛhɔ Eyae, sua bie mɔɔ wɔ Bɛtɛle aduduleɛ afoa nu na ɔbikye Bɛteevɛn la kɛ bɛhɔli busia bɛnlea kɛ azɛlɛ ne si de la. Menli ne mɔ hɔle na bɛziale bɛrale.

Maanlebuvolɛma Buluku ne 2:18

Mekɛ biala mɔɔ Ɛdɛnkɛma kɛmaa bɛ sonla kɛ ɔli bɛ ti la, ɔ nee ye dua na ɔdie Yizilayɛma ɔfi bɛ kpɔvolɛma asa anu, wɔ mekɛ mɔɔ ahenle mɔɔ li bɛ ti la de aze la. Ɔluakɛ ɔyɛ na bɛkile bɛ nyane nee abodelɛ na bɛse kɛ bɛsu a ɛnee ɔyɛ Ɛdɛnkɛma alɔbɔlɛ.

1 Sam 10:19

Mele bɛ Nyamenle mɔɔ die bɛ fi bɛ ngyegyelɛ nee bɛ ngyianlɛ muala anu a. Noko ɛnɛ bɛkpo me na bɛze me kɛ, memaa bɛ belemgbunli.’ Yemɔti bɛ kɔsɔɔti bɛrɛla bɛrayia Ɛdɛnkɛma anyunlu ɛke, bɛgua ye mbusua ekpunli ekpunli nee mbusua ekpulike ekpulike, kɛmɔ ko biala dodo de la.”

1 Sam 13:5

Filisitiama boɔboale bɛ nwo kɛ bɛ nee Yizilayɛma kaho. Bɛvale ɛlɔnema mɔɔ ka konle ehwili la apenle ngoko abulasa, ɛlɔnema mɔɔ ka mgbɔnwɔ la apenle nsia, yɛɛ ɛlɔnema mɔɔ dua aze la kɛyɛ kɛ ɛnweazo ɛnwea. Bɛrayɛle azokoɛleɛ wɔ Mekemahye, wɔ Bɛtehavɛn aduduleɛ afoa nu.

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”