Ɛkɛ ne ala Ɛdɛnkɛma Sunsum ne dwule ɔ nwo zo. Ɔvale ɔ sa mgbane ɔtetele awenade ne kɛ asɛɛ abɔnkye ralɛ bie la. Noko ɛhye mɔɔ ɔyɛle la yeanga yeangile ɔ ze nee ɔ nli.
Ɔvale ɔ sa ɔbule wolɛ ndɛlamoa ne bie, na mɔɔ ɔ gyakɛ wɔ zolɛ la ɛnee ɔlɛdi. Ɔvale bie ɔhɔmanle ɔ ze nee ɔ nli, na bɛdabɛ noko bɛlile. Noko yeanga yeangile bɛ kɛ ɔbule wolɛ ndɛlamoa ne ɔvile awenade funli nu.
Zɔhane ati Gedɛyɔn yele ye sonvolɛma ne mɔ anu bulu manle bɛyɛle, kɛmɔ Ɛdɛnkɛma zele ye la; noko kɛmɔ ɛnee ɔsulo ye sua nu amra ne nee ezuavolɛ ne somasoma la ati, kɛ ɔkɛbɔ azu ne ewiazo la, ɔbɔle ye nɔɔzo.