1 Sam 13:9 - BAEBOLO ANZƐƐ BULUKU NWUANZANWUANZA

⁹ Yemɔti Sɔɔlo zele menli ne kɛ, “Bɛva ɛyelalɛ nee anzonudwolɛ azubɔdeɛ ne mɔ bɛrɛlɛ me.” Na ɔbɔle ɛyelalɛ azu.

1 Sam 13:9 ပူးပေါင်းရင်းမြစ်များ

2 Sam 24:25

Akee ɔzile azukponle ne ɔmanle Ɛdɛnkɛma na ɔbɔle nane ɛyelalɛ nee anzonudwolɛ azu. Ɛdɛnkɛma diele ye nzɛlɛlɛ ne na ewule nzane ne gyakyile Yizilayɛma.

1 Arl 3:4

Kenle ko Belemgbunli Sɔlɔmɔn hɔle Gebɛyɔn kɛ ɔkabɔ azu, ɔluakɛ ɛkɛ ne a azukponle mɔɔ di munli la wɔ a, yɛɛ eza yeyela nane kɛyɛ nyɛ wɔ ɛkɛ ne yebɔ azu mekɛ dɔɔnwo.

Edwɛndolɛ Buluku ne 37:7

Gyinla ɛ nwo wɔ Ɛdɛnkɛma anyunlu, na si abotane kendɛ ye; mmafonla ɛ nwo wɔ mɔɔ ɛkpazi la anwo, anzɛɛ wɔ mɔɔ bɔ adwenle ɛtane la anwo.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Mrɛlɛbulɛ Buluku ne 20:22

Mmaka kɛ, “Mebali nzenralɛ;” kendɛ Ɛdɛnkɛma na ɔbaboa wɔ.

Mrɛlɛbulɛ Buluku ne 21:27

Amumuyɛnli azubɔlɛ le Nyamenle kyibadeɛ, na saa akee ɔfa adwenle ɛtane ɔbɔ azu a ɛnee kɛ ɔde ɛ?

Mrɛlɛbulɛ Buluku ne 21:3

Tenlene ɛbɛla nee pɛlepɛlelilɛ sɔ Ɛdɛnkɛma anye kpalɛ tɛla azubɔlɛ.

Ayezaya Buluku ne 66:3

“Sonla ne mɔɔ ku ɛnlankɛ la le kɛ sonla ne mɔɔ ku sonla la; mɔɔ fa boane bɔ azu la le kɛ mɔɔ bu twea kɔme ku ye la; mɔɔ fa abɛlɛ ma yɛ azubɔdeɛ la le kɛ sonla mɔɔ fa kpolike mogya yɛ azubɔdeɛ la; mɔɔ fa ɛyɛlɛ evuanlɛ yɛ ngakyelɛ azubɔdeɛ la le kɛ sonla mɔɔ sɔ amonle la. Ɛhye mɔ ɛva bɛ ndenle ɛdeɛ zo, yɛɛ bɛ nye die bɛ bɛkyi ninyɛne ne mɔ anwo.

Mɛla 12:5

Ɛdɛnkɛma bɛ Nyamenle ne banlea aye ɛleka ko avi bɛ mbusua ekpunli ekpunli ne azɛlɛ ne mɔ anu, na yeava ye duma yeado zolɛ, yɛadɛnla ɛkɛ, na ɛkɛ ne yɛɛ ɔwɔ kɛ bɛkɔ bɛkɔsonle ye a.

Mɛla 12:6

Ɛkɛ ne yɛɛ bɛbava bɛ ɛyelalɛ azubɔlɛ ninyɛne ne mɔ bɛahɔ a. Bɛbava bɛ azubɔlɛ ninyɛne ngakyile kɔsɔɔti, bɛ ngyɛnu bulu ɛkpɔ ngoko ne mɔ nee azubɔdeɛ biala, bɛ ahyɛlɛ ninyɛne, azubɔdeɛ mɔɔ bɛkɛyeye bɛ ahonle nu bɛkɛva bɛkɛmaa, yɛɛ bɛ nyɛmoa mralɛ mɔɔ bɛkɛlumua bɛkɛwo bɛ la noko bɛahɔ ɛkɛ.

1 Sam 14:18

Yemɔti Sɔɔlo zele sɛlɛvolɛ Ahaegya kɛ, “Bɛva Nyamenle Ngyekyeleɛ Ɛlɛka ne bɛrɛla.” (Mekɛ zɔhane ɛnee sɛlɛvolɛ Ahaya lɛ Nyamenle Ngyekyeleɛ Ɛlɛka ne li Yizilayɛma anyunlu.)