1 Sam 13:6 - BAEBOLO ANZƐƐ BULUKU NWUANZANWUANZA

⁶ Bɛmianle bɛ nwo bɛ nee Yizilayɛma honle kpalɛ. Mɔɔ Yizilayɛma nwunle kɛ konle ne ɛyɛ ɛsesebɛ ɛmaa bɛ la, bie mɔ nriandile hɔveale mbɔne nu, awolɛ nu, adokule nu, bula nu nee sɛka nu.

1 Sam 13:6 ပူးပေါင်းရင်းမြစ်များ

2 Sam 24:14

Na Devidi zele Gaade kɛ, “Mewɔ anwongyelelɛ nu! Noko akee kɛ dasanli kɛdua me kakɛ la, maa Ɛdɛnkɛma mumua ne ɛdua me kakɛ, ɔluakɛ yemɔ, ye anwunvɔnezelɛ le kpole.”

Ayezaya Buluku ne 42:22

Noko bɛwua ye menli ne bɛve bɛ nwo ninyɛne, bɛhye bɛ nuokɛ bɛgua bɛ azɛlɛ bo efiade. Bɛdɔ agye, bɛnlɛ awie mɔɔ die bɛ a, bɛyɛ afedeɛ mɔɔ awie ɛnga kɛ, “Bɛgyakyi!”

Gyɛlɛmaya Buluku ne 41:9

Yehyemeeyɛle zoale menli mɔɔ ɔhunle bɛ la avunli ne mɔ amuala guale Belemgbunli Esa bula kpole ne mɔɔ ɔbɔle la anu ɔmanle ɔyile. Belemgbunli Esa bɔle bula ɛhye kɛ ɔfa yeabɔ ɔ nwo bane wɔ mekɛ mɔɔ Yizilayɛ Belemgbunli Beeyahya dwazole ɔ nwo zo kɛ ɔ nee ye ko la.

Yizikeɛle Buluku ne 33:27

“Ka kile bɛ kɛ, Awulae Nyamenle ne se, ‘Suzuamgba ala mɔɔ medame a mele tease Nyamenle ne la, bɛdabɛ mɔɔ bɛde azɛlɛ mgbane ne azo la badɔ dadeɛ nloa wɔ konle nu. Mɔɔ ɛhɔ ɛbɔ nu la, mebaye ye meamaa nanemgbole ahye ye ali; yɛɛ ewulenzane bahu bɛdabɛ mɔɔ bɛkɛhɔvea aranemgbole nee awolɛ mbɔne nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Kɛlata mɔɔ bɛhɛlɛle bɛhɔmanle Hibuluma la 11:38

Ewiade anyɛ fɛ fee ammaa bɛ! Bɛluoluale nuhua kɛ nyɛvolɛ wɔ ɛsɛlɛ nee awoka zo na bɛdɛnlanle awolɛ mbɔne nee adokule nu wɔ azɛlɛ bo.

Dwɔhyua Buluku ne 8:20

Eyaema dole bɛ nye bɛ nzi la, bɛnwunle kɛ senle ɛdɔ bɛ sua ne azo na ye esike ɛdwazo bolonwonwo zɛhae. Zɔhane ati ɛnee akee bɛnnwu ɛleka mɔɔ bɛnriandi bɛabɔ bɛ ti a, ɔboalekɛ Yizilayɛma ne mɔɔ nriandile hɔle ɛsɛlɛ ne azo la akee ɛzi ɛgyinla kɛ bɛ nee bɛ ko.

Maanlebuvolɛma Buluku ne 10:9

Amɔnoma pɛle Dwɔdan ne na bɛ nee Dwuda abusua ekpunli ne, Bɛngyaman abusua ekpunli ne, yɛɛ Yifelaem abusua ekpunli ne mɔ rahonle. Na Yizilayɛma akee wiele anwunvɔne yɛ.

Maanlebuvolɛma Buluku ne 20:41

Akee Yizilayɛma hakyile bɛ nye. Bɛngyamanema anwo vɔle, ɔluakɛ bɛnwunle kɛ akee bɛwie wu ala ɛne.

Maanlebuvolɛma Buluku ne 6:2

Medeanema asa homonle Yizilayɛma anwo zo kpalɛ. Yizilayɛma zulole Medeanema manle ɔhɔdwule kɛ bɛhyele bɛ nwo ɛhane, bɛsisile ɛvealeka dɔɔnwo wɔ awoka ne mɔ azo, na bɛvunvunle mbɔne wɔ awolɛ nu bɛveale nu.

1 Sam 13:15

Samoɛle vile Gelegale hɔle Gebɛya mɔɔ wɔ Bɛngyaman abusua ekpunli ne maanle nu la. Sɔɔlo dianle ye ɛlɔnema mɔɔ nee ye lua la; bɛkɛyɛ ɛya nsia.

1 Sam 14:11

Yemɔti bɛmanle Filisitiama nwunle bɛ; na Filisitiama zele kɛ, “Bɛnlea, Hibuluma ne mɔ vi adokule ne mɔ mɔɔ bɛvea nu la ɛlɛfinde.”

1 Sam 14:22

Zɔhane ala yɛɛ Yizilayɛma mɔɔ hɔle afea wɔ Yifelaem awoka ne mɔ anu la, dele kɛ Filisitiama ɛgua ɛbɔ nu la vindele voanle bɛ ndinlizo

1 Sam 23:19

Menli bie vi Zefe hɔle Sɔɔlo anwo lɔ wɔ Gebɛya hɔzele ye kɛ, “Devidi vea yɛ maanle ne anu wɔ Hɔlɛhye wɔ Hakaela Boka, wɔ Dwuda fienemgbole ne nyiakɛ.

1 Sam 24:3

Ɔdwule mboane tunli bie anwo wɔ adehane ne la, ɔnwunle bolɛ bɔne bie wɔ ɛkɛ, na Sɔɔlo makyile ɛkɛ ne kɛ ɔkayɛ ɔ nwo boɛ. Ɔrale kɛ, bɔne zɔhane anu ala, na ɔkunlu nehane yɛɛ Devidi nee ye ɛlɔnema ne vea a.

1 Sam 31:7

Mɔɔ Yizilayɛma mɔɔ wɔ Gyɛzɛli Bɔnza ne anzi lɔ mɔɔ di kɔ Azule Dwɔdan aduduleɛ la dele kɛ Yizilayɛ ɛlɔnema ne ɛgua ɛbɔ nu na bɛhu Sɔɔlo nee ɔ mra ne mɔ la, bɛvile bɛ azua ne mɔ azo bɛguale ɛbɔ nu. Na Filisitiama radɛnlanle azua ne mɔ azo.

1 Sam 7:7

Mɔɔ Filisitiama dele kɛ Yizilayɛma ɛyia nu wɔ Mezepa la, Filisitia arelemgbunli ne mɔ vale ɛlɔnema kɛ bɛkadoa bɛ bɛ nee bɛ aho. Yizilayɛma dele nwolɛ bie na ɛzulolɛ hanle bɛ.