1 Sam 13:2 - BAEBOLO ANZƐƐ BULUKU NWUANZANWUANZA

² Sɔɔlo yele Yizilayɛma anu apenle nsa; ɔvale apenle nwiɔ ɔ nee bɛ woale Mekemahye yɛɛ Bɛtɛle mɔɔ wɔ awoka ne mɔ azo la. Ɔvale apenle ko ne ɔmanle Dwɔnatan vale bɛ hɔle Gebɛya mɔɔ wɔ Bɛngyaman maanzinli nu la. Na menli mɔɔ hale la Sɔɔlo manle bɛziale bɛhɔle sua nu.

1 Sam 13:2 ပူးပေါင်းရင်းမြစ်များ

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Sam 21:6

yemɔ yɛɛ bɛye ɔ bo zo amra mrenya ne mɔ anu nsuu bɛmaa yɛ bɛmaa yɛbɔ bɛ akɔnvo wɔ Ɛdɛnkɛma anyunlu wɔ Sɔɔlo mɔɔ Ɛdɛnkɛma ziele ye belemgbunli la sua zo Gebɛya a.” Belemgbunli ne buale kɛ, “Menwɔva menwɔmaa bɛ.”

Nihɛmaya Buluku ne 11:31

Bɛngyaman abusua ekpunli ne anu amra dɛnlanle Giba, Mekemahye, Eyae, Bɛtɛle nee namunamu mɔɔ zuozua bɛ la azo;

Dwɔhyua Buluku ne 18:28

Zila, Hyilɛfe, Gyibɛse (anzɛɛ Gyɛlusalɛm), Gebɛya, yɛɛ Keleate Gyialem: azuamgbole bulu nee nna, nee namunamu mɔɔ zuozua bɛ la. Azɛlɛ ne mɔɔ Bɛngyaman abusua ekpunli ne anu amra nyianle ye yɛle bɛ ɛdeɛ la ɛne.

Dwɔhyua Buluku ne 22:6

Dwɔhyua yilale bɛ na ɔvale ɔzɔle zolɛ kɛ, “Bɛlɛ anwonyia dɔɔnwo a bɛlɛsia bɛahɔ bɛ nzi a: nyɛmoa, dwɛtɛ fufule, ezukoa nvutuke, kɔbele, bulalɛ, yɛɛ adɛladeɛ dɔɔnwo. Ɛhye mɔ le ninyɛne mɔɔ bɛnyianle bɛ wɔ bɛ kpɔvolɛma ne ɛkɛ a. Bɛ nee bɛ mediema ne mɔ ɛhyɛ mɔɔ bɛnyia ye la.” Akee ɔmanle bɛ adenle ɔmanle bɛhɔle. Mosisi vale Dwɔdan aduduleɛ azɛlɛ ne bie manle Manasɛ abusua ekpunli ne foa ko yɛɛ foa ko ne mɔɔ hale la, Dwɔhyua ɛmaa bɛ nee mbusua ekpunli ekpunli mɔɔ hale la azɛlɛ wɔ Dwɔdan adɔleɛ.

Maanlebuvolɛma Buluku ne 19:12

Ɔ menle ne zele ye kɛ, “Yɛnrɛmakyi suakpole biala mɔɔ ye ezuavolɛ ne ɛnle Yizilayɛma la azo; yɛpɛ nuhua yɛahɔ Gebɛya. Bɛla maa yɛhɔ yɛ nyunlu na yɛhɔla Gebɛya anzɛɛ Releema.”

1 Sam 10:26

Sɔɔlo ɔdaye noko ɔhɔle ye sua zo Gebɛya. Menli mɔɔ anwo yɛ se na Nyamenle asa wɔ bɛ nwo zo la nee ye hɔle.

1 Sam 10:5

Akee ɛbadwu Nyamenle Boka, wɔ Gebɛya, ɛleka mɔɔ Filisitiama azokoɛleɛ ne wɔ la ademgbole ne mɔɔ fa kɔ sua ne azo la anu, ɛbanwu Nyamenle kpɔmanvolɛma ekpunli bie mɔɔ vi boka ne azo azukponle ne anwo ɛlɛtolo ara la na bɛlɛka Nyamenle nrɛlaleɛ, bɛsi agole na bɛbɔ getaa kpole, akɛya, fulutu, yɛɛ ɛto.

1 Sam 13:1

Sɔɔlo lile ɛvolɛ... la yɛɛ ɔralile belemgbunli a na ɔziele Yizilayɛ maanle ne ɛvolɛ... nee nwiɔ.

1 Sam 13:11

Na Samoɛle bizale ye kɛ, “Duzu debie a wɔyɛ la?” Sɔɔlo buale kɛ, “Kɛmɔ kenle ne mɔɔ ɛhilele la dwule na wɔamba, na menli ne kpondɛ abɔ asande, na Filisitiama noko ɛboɔboa bɛ nwo wɔ Mekemahye azokoɛleɛ ne la, yɛɛ menzele kɛ,

1 Sam 13:15

Samoɛle vile Gelegale hɔle Gebɛya mɔɔ wɔ Bɛngyaman abusua ekpunli ne maanle nu la. Sɔɔlo dianle ye ɛlɔnema mɔɔ nee ye lua la; bɛkɛyɛ ɛya nsia.

1 Sam 13:16

Na Sɔɔlo nee ɔ ra Dwɔnatan nee menli mɔɔ nee ye lua la dɛnlanle Giba mɔɔ wɔ Bɛngyaman abusua ekpunli ne maanle nu la; yɛɛ Filisitiama dɛnlanle bɛ azokoɛleɛ ne wɔ Mekemahye.

1 Sam 13:23

Filisitiama manle menli hɔzinzale adenle ne mɔɔ la Mekemahye awoka ne mɔ avinli la.

1 Sam 13:5

Filisitiama boɔboale bɛ nwo kɛ bɛ nee Yizilayɛma kaho. Bɛvale ɛlɔnema mɔɔ ka konle ehwili la apenle ngoko abulasa, ɛlɔnema mɔɔ ka mgbɔnwɔ la apenle nsia, yɛɛ ɛlɔnema mɔɔ dua aze la kɛyɛ kɛ ɛnweazo ɛnwea. Bɛrayɛle azokoɛleɛ wɔ Mekemahye, wɔ Bɛtehavɛn aduduleɛ afoa nu.

1 Sam 14:31

Kenle ko ne Yizilayɛma lile Filisitiama anwo zo konim. Bɛvi Mekemahye bɛhonle toonwo bɛhɔguale ye Ayegyalɔn. Mekɛ ɛhye anu ɛnee akee ɛhɔne ngome ɛmaa Yizilayɛma anwo ɛwie bɛ golo;

1 Sam 14:5

Ko wɔ adenle ne sɔlɔ mɔɔ di kɔ Mekemahye la, yɛɛ ko ne noko wɔ nyiakɛ mɔɔ di kɔ Giba la.

1 Sam 14:52

Sɔɔlo mekɛ zo, ɔ nee Filisitiama honle mgbole mgbole fane dɔɔnwo, yemɔti mekɛ biala mɔɔ ɔkɛnwu katakyie bie la ɔfa ye ɔboka ɔ nwo.

1 Sam 15:34

Akee Samoɛle hɔle Releema; Sɔɔlo noko hɔle ye sua zo Gebɛya.

1 Sam 24:3

Ɔdwule mboane tunli bie anwo wɔ adehane ne la, ɔnwunle bolɛ bɔne bie wɔ ɛkɛ, na Sɔɔlo makyile ɛkɛ ne kɛ ɔkayɛ ɔ nwo boɛ. Ɔrale kɛ, bɔne zɔhane anu ala, na ɔkunlu nehane yɛɛ Devidi nee ye ɛlɔnema ne vea a.

1 Sam 26:2

Yemɔti ɛkɛ ne ala Sɔɔlo vale ɛlɔnema mɔɔ ze konle nye zo kpalɛ kpalɛ wɔ Yizilayɛ la apenle nsa hɔle Zefe fienemgbole ne anu kɛ bɛkakpondɛ Devidi.

1 Sam 8:11

Samoɛle hilele nuhua hilele bɛ kɛ, “Kɛ bɛ belemgbunli ne bazi azie bɛ la ɛne. Ɔbayɛ bɛ mra mrenya ne mɔ ye ɛlɔnema mɔɔ bie mɔ baha ye konle ehwili ne mɔ, bie mɔ baha ye mgbɔnwɔ, na bie mɔ noko anriandi ali ye konle ehwili ne mɔ anyunlu.