1 Sam 13:14 - BAEBOLO ANZƐƐ BULUKU NWUANZANWUANZA

¹⁴ na kɛkala, wɔ belemgbunlililɛ ne ɛnrɛhɔ zolɛ bieko. Ɛdɛnkɛma ɛnyia sonla mɔɔ ɔdaye ɔkulo la, yeye ye kɛ ɔzie ye menli ne, ɔboalekɛ wɔdu ɔ nloa wɔdo.”

1 Sam 13:14 ပူးပေါင်းရင်းမြစ်များ

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

2 Sam 6:21

Na Devidi zele Maekale kɛ, “Menzile agole, menyele Ɛdɛnkɛma ne mɔɔ vale ɛ ze nee ye abusua ne ziele ahane, na ɔziele me ye menli Yizilayɛma belemgbunli la ayɛlɛ. Na mebahɔ zolɛ meazi agole meawula Ɛdɛnkɛma anyunlunyia dahuu.

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

Edwɛndolɛ Buluku ne 78:70

Ɔnleanle nu ɔyele ye sonvolɛ Devidi, ɔyele ye ɔvile mboane zo ɛnleanlɛ,

Mrɛlɛbulɛ Buluku ne 27:24

ɔluakɛ anyiabɛnwo ɛndɛnla ɛkɛ ne dahuu. Asoo belemgbunlililɛ tɛnla ɛkɛ ne awolɛndoazo muala anu?

Ayezaya Buluku ne 39:5

Na Ayezaya zele belemgbunli ne kɛ, “Tie, Tumivolɛ Ɛdɛnkɛma se:

Ɛzoanvolɛma Gyima ne 13:22

Mɔɔ Nyamenle yele ye ɛkɛ ne la, ɔyɛle Devidi bɛ belemgbunli. Na Nyamenle hanle ɔ nwo edwɛkɛ kɛ, ‘Menwu Gyɛsi ara Devidi kɛ yemɔ a ɔle sonla mɔɔ sɔ me nye a, na yemɔ a ɔbali gyima mɔɔ mekpondɛ la amuala a.’

Ɛzoanvolɛma Gyima ne 7:46

Nyamenle anye zɔle Devidi na Devidi zɛlɛle Nyamenle kɛ ɔmaa ye adenle ɔmaa ɔzi sua ɔmaa Gyekɔbo Nyamenle ne.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

1 Sam 15:23

Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”

1 Sam 15:26

Na Samoɛle zele Sɔɔlo kɛ, “Me nee wɔ ɛnrɛhɔ, ɔluakɛ wɔkpo Ɛdɛnkɛma anloa edwɛkɛ, na ɔdaye noko yekpo wɔ kɛ ɛnle Yizilayɛma belemgbunli bieko.”

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:12

Yemɔti Gyɛsi zoanle manle bɛhɔvale ye. Ɔle kpavolɛ kɛnlɛma, ɔgyi zolɛ sengɔɔnwo, ɔte kpɔkɛ, yɛɛ ɔ nye ma le nzenzɛɛnye. Ɛdɛnkɛma zele Samoɛle kɛ, “Ɛhye a mekpa nu meye ye a; fa nwole ne kpokpa ye.”

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.

1 Sam 24:20

Kɛkala, menwu kɛ ɛbali belemgbunli, yɛɛ Yizilayɛ belemgbunli maanle ne le wɔ ɛdeɛ.

1 Sam 25:30

Akee mɔɔ Ɛdɛnkɛma kɛwie debie kpalɛ biala mɔɔ yeva yebɔ wɔ ɛwɔkɛ la yɛ na yezie wɔ Yizilayɛ belemgbunli yewie la,

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”