1 Sam 12:9 - BAEBOLO ANZƐƐ BULUKU NWUANZANWUANZA

⁹ Noko bɛ rɛle vile Ɛdɛnkɛma bɛ Nyamenle ne, yemɔti ɔyele bɛ ɔmanle Filisitiama nee Mowabe belemgbunli ne nee Sesɛla mɔɔ nea suakpole Heezɔ ɛlɔnema ne anwo zo la, na ɔmanle bɛ nee bɛ mgbanyima ne mɔ honle bɛlile bɛ nwo zo konim.

1 Sam 12:9 ပူးပေါင်းရင်းမြစ်များ

Edwɛndolɛ Buluku ne 106:21

Bɛ rɛle vile Nyamenle bɛ Dievolɛ ne, mɔɔ ɛyɛ ninyɛne mgbole wɔ Yigyibiti,

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 2:32

Asoo bɛlɛra arɛle fi ye anwoneɛ? Asoo atɔfolɛ raalɛ arɛle fi ye atɔfolɛ ndanlɛ? Noko me menli ne arɛle ɛvi me mekɛ dɔɔnwo mɔɔ bɛngola ye tia a.

Mɛla 32:18

Bɛandwenle Bodane ne mɔɔ bɔle bɛ la anwo, bɛ rɛle vile Nyamenle ne mɔɔ wole bɛ la.

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

Maanlebuvolɛma Buluku ne 10:7

Ɛdɛnkɛma vale ɛya na ɔyele Yizilayɛma ɔmanle Filisitiama nee Amɔnoma.

Maanlebuvolɛma Buluku ne 13:1

Eza Yizilayɛma yɛle ɛtane bieko tiale Ɛdɛnkɛma. Yemɔti Ɛdɛnkɛma vale bɛ wulale Filisitiama abo ɛvolɛ abulanla.

Maanlebuvolɛma Buluku ne 2:14

Yemɔti Ɛdɛnkɛma vale Yizilayɛma anwo ɛya kpole. Ɔmanle ɛlɔne ratetale bɛ, bole bɛ, wuale bɛ ninyɛne, na ɔyele bɛ ɔmanle bɛ kpɔvolɛma mɔɔ ɛbɔ ɛyia bɛ la. Na Yizilayɛma yɛle anwunvɔne somaa wɔ bɛ sa nu.

Maanlebuvolɛma Buluku ne 3:12

Yizilayɛma ɛtane mɔɔ yɛle la akee bole zolɛ wɔ Ɛdɛnkɛma anyunlu. Zɔhane ati Ɛdɛnkɛma kpogyale Mowabe Belemgbunli Ɛgelɔn asa zo.

Maanlebuvolɛma Buluku ne 3:31

Sonla bieko mɔɔ dwazole Yihɛde anzi lile Yizilayɛma ati la a le Enate ara Hyamega. Ɔdaye noko ɔvale baka mɔɔ bɛfa bɛka nlankɛ la ɔhonle ɔhunle Filisitiama ɛya nsia na ɔliele Yizilayɛma.

Maanlebuvolɛma Buluku ne 4:2

Ɛdɛnkɛma yele bɛ manle Gyeeben mɔɔ le Keena belemgbunli ne mɔɔ di ebia wɔ Heezɔ la. Safohyenlema Kpanyinli mɔɔ ɛnee nea belemgbunli ne ɛlɔnema ne anwo zo la bɛfɛlɛ ye Sesɛla; ɔdɛnlanle Halohyɛte, mɔɔ wɔ menli mɔɔ ɛnle Dwuuma la maanle nu la.

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.