1 Sam 12:8 - BAEBOLO ANZƐƐ BULUKU NWUANZANWUANZA

⁸ Mɔɔ Gyekɔbo nee ɔ bo zo amra hɔle Yigyibiti na Yigyibitima yɛ bɛ kpɔdekpɔde la, bɛzunle bɛvɛlɛle Ɛdɛnkɛma na ɔzoanle Mosisi nee Aalɔn ɔmanle bɛhɔyele bɛ bɛvile Yigyibiti bɛ nee bɛ rale azɛlɛ ɛhye azo.

1 Sam 12:8 ပူးပေါင်းရင်းမြစ်များ

Edwɛndolɛ Buluku ne 105:44

Na ɔvale maanle maanle ne mɔ azɛlɛ ne ɔmanle bɛ; na bɛvale menli ne ɛya avule kɔsɔɔti,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:51

Na kenle ko zɔhane, Ɛdɛnkɛma yele Yizilayɛma ɛwolaa ne vile Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:26

Aalɔn nee Mosisi a Ɛdɛnkɛma zele bɛ kɛ, “Bɛye Yizilayɛ ɛlɔne ne amuala bɛvi Yigyibiti azɛlɛ zo” la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:15

kɛ ɔzile mɔɔ yɛ mgbanyima ne mɔ hɔle Yigyibiti, na yɛdɛnlanle Yigyibiti ɛvolɛ dɔɔnwo la. Yigyibitima hilele yɛ mgbanyima nee yɛdayɛ nyane kpalɛ.

Ɛzoanvolɛma Gyima ne 7:15

Yemɔti Gyekɔbo hɔle Yigyibiti, na ɛkɛ ne yɛɛ ɔwule na yɛ nlenya mɔ noko wule a.

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 21:43

Yemɔti Ɛdɛnkɛma vale azɛlɛ ne amuala manle Yizilayɛma, kɛmɔ ɔvale ɔbɔle bɛ nlenya mɔ ɛwɔkɛ la. Akee mɔɔ bɛ sa hanle ye la, bɛdɛnlanle ɛkɛ ne kpɔkpɔ.

1 Sam 10:18

ɔzele bɛ kɛ, “Kɛ Ɛdɛnkɛma, Yizilayɛ Nyamenle ne se la ɛne, ‘Menyele bɛ menvile Yigyibiti na menliele bɛ menvile Yigyibitima nee maanle maanle mɔɔ sisile bɛ la asa anu.

1 Sam 12:6

Na Samoɛle zele menli ne kɛ, “Ɛdɛnkɛma mɔɔ yele Mosisi nee Aalɔn manle bɛvale bɛ mgbanyima bɛvile Yigyibiti azɛlɛ zo la di daselɛ.