1 Sam 12:4 - BAEBOLO ANZƐƐ BULUKU NWUANZANWUANZA

⁴ Menli ne buale kɛ, “Ɛtɛdile yɛ ndunlumi, ɛtɛkpuokpuanle awie biala, ɛtɛsale awie biala ɛtɛdiele ye debie.”

1 Sam 12:4 ပူးပေါင်းရင်းမြစ်များ

Daneɛle Buluku ne 6:4

Mgbanyima ne nee amɛnladoma ne mɔ bɔle kpɔkɛ kɛ bɛnea Daneɛle maamulɛ ne anu boɛ bɛakpondɛ nvonleɛ bie bɛatia ye, na bɛannyia ɛzonle biala bɛando Daneɛle anwo zo, ɔboalekɛ ɔdi nɔhalɛ; bɛannwu ɛtane anzɛɛ nvonleɛ wɔ ye maamulɛ nu.

Kɛlata mɔɔ bɛhɛlɛle bɛhɔmanle Hibuluma la 11:33

Bɛluale diedi zo bɛhonle na bɛlile maanle dɔɔnwo anwo zo konim. Bɛnleanle bɛmanle pɛlepɛlelilɛ yɛle gyima na bɛnyianle Nyamenle ɛwɔkɛ ne mɔ. Bɛluale diedi zo bɛhanle awenade nloa bɛdole nu,

3 Dw 1:12

Awie biala ka Dimiteleɛse anwo edwɛkɛ kpalɛ; nɔhalɛ ne ɔdaye ɔka ɔ nwo edwɛkɛ kpalɛ, na medame noko medi ɔ nwo daselɛ, yɛɛ ɛze noko kɛ mɔɔ meka la le nɔhalɛ.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 12:5

Samoɛle buale kɛ, “Ɛdɛnkɛma nee belemgbunli ne mɔɔ yeye yemaa bɛ la di daselɛ ɛnɛ demua ye kɛ menli fɔlɛ wɔ debie biala anwo.” Bɛbuale kɛ, “Ɛhɛe, Ɛdɛnkɛma di daselɛ.”