1 Sam 12:3 - BAEBOLO ANZƐƐ BULUKU NWUANZANWUANZA

³ Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 12:3 ပူးပေါင်းရင်းမြစ်များ

2 Sam 22:22

Meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle amumuyɛ nu.

Nihɛmaya Buluku ne 5:11

Ɛnɛ kenle ye, bɛva bɛ ɛya avule ne mɔ, bɛ vanye egyinli ne mɔ, bɛ ɔlivi ɛya ne mɔ, bɛ azua, ezukoa ngyɛnu ɛya ko ɛkpɔ ko ne, bɛ abɛlɛ, bɛ nwanye nee bɛ ɔlivi nwole mɔɔ bɛliele la kɔsɔɔti bɛmaa bɛ.”

Edwɛndolɛ Buluku ne 15:5

Ɔmbɔ bosea ɔnlie nzinwo, yɛɛ ɔnlie ndoloboa ɔntia mɔɔ ɛnze nwolɛ bie la. Sonla mɔɔ yɛ ɛhye mɔ la anwo kɔlɔnwo dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:17

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:8

Bɛmmadie ndoloboa, ɔluakɛ ndoloboa si mgbanyima mɔɔ di edwɛkɛ la anye na ɔsɛkye menli mɔɔ di benle la edwɛkɛ.

Mrɛlɛbulɛ Buluku ne 15:27

Sonla mɔɔ anye sɔ kpondɛ nvasoɛ amile nu la twehwe edwɛkɛ maa ye sua nu amra, na mɔɔ kyi ndoloboa la lɛ ngoane.

Sɛlɛ 6:4

saa awie yɛ ɛtane na ɔdi nwolɛ fɔlɛ a, ɔwɔ kɛ ɔfa deɛ ne mɔɔ ɔwuale la bie, anzɛɛ ɔsisile awie ɔvale, anzɛɛ deɛ ne mɔɔ bɛvale bɛwulale ye lɔ awoba, anzɛɛ asedeɛ ne mɔɔ ɔvale la bie ɔsie ɔ bo zo.

Sɛlɛ 6:5

Anzɛɛ debie biala mɔɔ yeha nwolɛ ndane adalɛ nu la, ɔwɔ kɛ ɔsie ɔ bo zo na ɔfa deɛ holɛ ko ne ngyɛnu nnu ɛkpɔ ko ɔboka nwolɛ ɔmaa ahenle ne mɔɔ deɛ ne le ye ɛdeɛ la, wɔ kenle ko ne mɔɔ ɔfa ye fɔlɛlilɛ azubɔdeɛ ne yeahɔ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:15

Mosisi vale ɛya kpole na ɔhanle ɔhilele Ɛdɛnkɛma kɛ, “Mmadie azubɔdeɛ biala mɔɔ menli ɛhye mɔ kɛva kɛra la. Metɛfonle bɛ nuhua biala, yɛɛ metɛfale bɛ asoaso ne mɔ ko bɔbɔ.”

Edwɛkpa ne kɛmɔ Mateyu hɛlɛle la 22:21

Bɛzele kɛ, “Siza ɔ.” Gyisɛse zele bɛ kɛ, “Ɛnee bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ noko la bɛmaa ye.”

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

2 Kɔl 12:14

Ye fane nsa mɔɔ meboɔboa me nwo kɛ mebakpɔla bɛ la ɛne; saa meba a menrɛrakpolo bɛ kɔme, ɔluakɛ bɛdabɛ mumua ne a mekpondɛ bɛ a, na tɛ mɔɔ bɛlɛ ye la ɔ. Tɛ mralɛ a kpondɛ sie awovolɛma a, awovolɛma a kpondɛ sie mralɛ a.

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

1 Tɛs 2:10

Bɛ nee Nyamenle bɛdi yɛ daselɛ kɛ yɛ subane mɔɔ yɛhilele yɛhilele bɛdabɛ mɔɔ bɛliele bɛlile la le bɔkɔbɔkɔ, ɔle fɔɔnwo mɔɔ evinli biala ɛnle nwo a.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 12:4

Menli ne buale kɛ, “Ɛtɛdile yɛ ndunlumi, ɛtɛkpuokpuanle awie biala, ɛtɛsale awie biala ɛtɛdiele ye debie.”

1 Sam 12:5

Samoɛle buale kɛ, “Ɛdɛnkɛma nee belemgbunli ne mɔɔ yeye yemaa bɛ la di daselɛ ɛnɛ demua ye kɛ menli fɔlɛ wɔ debie biala anwo.” Bɛbuale kɛ, “Ɛhɛe, Ɛdɛnkɛma di daselɛ.”

1 Sam 2:35

Mebaye sɛlɛvolɛ mɔɔ bali nɔhalɛ amaa me na yeayɛ debie biala mɔɔ menwɔze ye kɛ ɔyɛ la. Mebamaa ye nlɔnra mɔɔ dahuu bazonle me wɔ belemgbunli ne mɔɔ mebaye ye la abo a.

1 Sam 24:11

Nana, nea, wɔ tɛladeɛ ne sinli a melɛ ye me sa nu la. Sumunli kenle ala mɔɔ mempɛle wɔ tɛladeɛ ne sinli na meangu wɔ la le sɛkɛlɛneɛ kpole kile kɛ menlɛ ɛ nwo adwenle ɛtane biala, yɛɛ metɛtele ɛ nwo atua. Metɛyɛle ɛtane biala metɛtiale wɔ, noko wɔyele ɛ nwo ɛsesebɛ ala kɛ ɛkpondɛ me wɔahu me.

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

1 Sam 24:7

Na Devidi gogole ye menli ne ahonle kɛ bɛmmayɛ Sɔɔlo ɛhwee. Sɔɔlo vile bɔne ne anu vindele, na ɔzanle ye zo kɛ ɔkɔ.

1 Sam 26:11

Ɛdɛnkɛma ɛkpa ɛgua kɛ menwɔva me sa menwɔha sonla mɔɔ ɔdaye yeye ye yezie ye belemgbunli la. Maa yɛdu ye atwɛ ne mɔɔ gyi ɔ ti sɔlɔ la na yɛva ye nzule dwora ne yɛhɔ.”

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”