1 Sam 12:22 - BAEBOLO ANZƐƐ BULUKU NWUANZANWUANZA

²² Ɔlua ye duma kpole ne ati, Ɛdɛnkɛma ɛnrɛkpo ye menli, ɔboalekɛ ɔdaye ye ɛhulolɛ zo yɛɛ yeva bɛ yeyɛ ye menli a.

1 Sam 12:22 ပူးပေါင်းရင်းမြစ်များ

1 Arl 6:13

Eza me nee Yizilayɛma balua yɛɛ me rɛle ɛnrɛvi bɛ ɛlɛ.”

1 Arl 8:57

Ɛdɛnkɛma yɛ Nyamenle ne nee yɛ ɛlua, kɛmɔ ɔ nee yɛ ze mɔ luale la; ɔmmagyakyi yɛ yɛɛ ɔmmakpo yɛ.

2 Arl 14:27

Noko ɛnee ɔnle Ɛdɛnkɛma adwenle nu kɛ ɔbɔ bɛ bo zo yeazɛkye bɛ bɔkɔɔ, yemɔti ɔluale Belemgbunli Gyɛlɔbowam mɔɔ tɔ zo Nwiɔ la anwo zo ɔliele bɛ.

2 Arl 21:14

Bɛdabɛ mɔɔ bɛbavi ɛsalɛ la menrɛkpo bɛ bo zo. Mebaye bɛ meamaa bɛ kpɔvolɛma meamaa bɛali bɛ nwo zo konim na bɛava bɛ ninyɛne kɔsɔɔti.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Edwɛndolɛ Buluku ne 106:8

Noko ye duma ne ati, ɔliele bɛ ngoane, amaa yeamaa ye tumi kpole ne ala ali wienyi.

Edwɛndolɛ Buluku ne 94:14

Ɔluakɛ Ɛdɛnkɛma arɛle ɛnrɛvi ye menli; ɔnrɛkpo menli ne mɔɔ le ɔdaye ye ɛdeɛ la;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:12

Gua wɔ edwɛne azule nu; mmakakyi wɔ adwenle ɛmaa munzule to bɛ.

Ayezaya Buluku ne 37:35

Ɔluakɛ mebalie suakpole ye ati na mealie ye wɔ medame nee me sonvolɛ Devidi ati.”

Ayezaya Buluku ne 41:17

“Saa ehyianli nee mɔɔ ɛhyia la kpondɛ nzule, na bie ɛnle ɛkɛ, na nzuhɔne maa bɛ kɔmenzia we resee a, medame Ɛdɛnkɛma, mebadie bɛ nzɛlɛlɛ; medame Yizilayɛ Nyamenle, menrɛkpo bɛ.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 43:7

Awie biala mɔɔ bɛfa me duma bɛfɛlɛ ye, mɔɔ me anyunlunyia ti membɔle ye, na mengyehyɛle menyɛle la bara.”

Ayezaya Buluku ne 48:11

Medame mumua ne me ti yɛɛ meyɛ a, ɔluakɛ ɔnle kɛ bɛgua me duma ne anwo evinli. Menrɛva me anyunlunyia menrɛmaa awie gyɛne.”

Ayezaya Buluku ne 49:15

Yemɔti Ɛdɛnkɛma se, “Asoo ɛrɛladane arɛle bavi ɔ ra mɔɔ no nyɛfonlɛ, asoo ɔnrɛnwu ɔ ra nrenya mɔɔ yewo ye la anwunvɔne? Ɔyɛ a bɛ rɛle kɛvi bɔbɔ ɛdeɛ, noko mame, me rɛle ɛnrɛvi bɛ.

Ayezaya Buluku ne 63:8

Ɔluakɛ ɔhanle kɛ, “Nɔhalɛ, bɛle me menli; bɛle me mra mɔɔ ɛnrɛbɛlɛbɛla me a.” Na ɔyɛle bɛ dievolɛ.

Gyɛlɛmaya Buluku ne 14:21

Ɔlua wɔ duma ne ati, mmakpo yɛ; mmasɛkye wɔ anyunlunyia belemgbunli ebia ne duma; kakye yɛ na mmatulu wɔ ngyekyeleɛ ne mɔɔ ɛ nee yɛ kyekyele la.

Gyɛlɛmaya Buluku ne 14:7

Akee me menli ne bazu avɛlɛ me kɛ, ‘Yɛ ɛtane ne mɔ ɛbu ɛzia yɛ bɔbɔ ɛdeɛ, O Ɛdɛnkɛma, keha ɛ nwo wɔ wɔ duma ne ati. Yɛhakyi yɛ nzi yɛzi wɔ fane dɔɔnwo, yɛyɛ ɛtane yɛtia wɔ.

Gyɛlɛmaya Buluku ne 14:9

Duzu ati a wɔyɛ kɛ sonla mɔɔ ye adwenle ɛha ɛbɔ nu, anzɛɛ wɔyɛ kɛ katakyie mɔɔ ɛngola ngoane die ɛ? Noko O Ɛdɛnkɛma, ɛ nee yɛ de, yɛɛ bɛfa wɔ duma a bɛfɛlɛ yɛ a; mmagyakyi yɛ.’ ”

Gyɛlɛmaya Awolɛyelɛ 5:20

Duzu ati a wɔkpo yɛ bɔkɔɔ ɛ? Duzu ati a ɛ rɛle ɛvi yɛ bɔkɔɔ ɛ?

Yizikeɛle Buluku ne 20:14

Noko me duma ne ati, mengakyile me adwenle, amaa me duma anzɛkye wɔ maanle maanle ne mɔ mɔɔ menyele bɛ menvile bɛ avinli me nee bɛ rale la anyunlu.

Yizikeɛle Buluku ne 20:9

Noko amaa meanzɛkye me duma wɔ maanle maanle ne mɔ mɔɔ bɛde bɛ avinli la anyunlu la, mengilele bɛ kɛ mesi mede la na menyele bɛ menvile Yigyibiti.

Malakae Buluku ne 1:2

Ɛdɛnkɛma se, “Mehulo bɛ.” Noko bɛmɛ bɛse, “Kɛ wɔzi wɔhulo yɛ ɛ?” Ɛdɛnkɛma biza bɛ kɛ, “Asoo tɛ Yisɔ adiema a le Gyekɔbo? Noko mehulo Gyekɔbo, Emɔ 1.11-12; Oba 1-14

Edwɛkpa ne kɛmɔ Mateyu hɛlɛle la 11:26

Ɛhɛe, Egya, ɛnee kɛ ɛkpondɛ kɛ ɔba ye la ɛne.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

Wulo 11:29

Ɔluakɛ Nyamenle ɛngakyi ye adwenle ɛlɛ wɔ menli mɔɔ yekpa nu yeye bɛ na yeyila bɛ la anwo.

1 Kɔl 4:7

Nwane a zele bɛ kɛ bɛle kpalɛ bɛtɛla bɛ gɔnwo mɔ a? Tɛ Nyamenle a manle bɛ mɔɔ bɛlɛ la amuala ɔ? Saa ɔle zɔhane a, ɛnee duzu ati a bie kɛmemaa ɔ nwo zo kɛ asɛɛ mɔɔ ɔlɛ la ɛnle Nyamenle ahyɛlɛdeɛ ɛ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:12

Yemɔti bɛmaa yɛdayɛ mɔɔ yɛlumuale yɛnyianle anyelazo wɔ Kelaese anu la yɛye Nyamenle anyunlunyia ne ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Mɛla 31:17

Mekɛ zɔhane anu, mebava bɛ nwo ɛya na meamaa bɛazɛkye bɛ. Munzule dɔɔnwo basisi bɛ nwo zo na bɛanwu amaneɛ. Na ɔdwu zo a akee bɛbaha kɛ, ‘Ɛhye mɔ kɔsɔɔti ɛzi yɛ nwo zo, ɔboalekɛ yɛ Nyamenle ne ɛnle yɛ avinli.’

Mɛla 31:6

Bɛgyinla kpundii na bɛmia bɛ nwo. Bɛmmasulo yɛɛ bɛmmamaa bɛ nwo mɔra tu. Ɔluakɛ Ɛdɛnkɛma bɛ Nyamenle ne a nee bɛ ɛlɛkɔ a. Ɔnrɛgyakyi bɛ yɛɛ ɔ rɛle ɛnrɛye bɛ ɛlɛ.”

Mɛla 31:8

Ɛdɛnkɛma a bali ɛ nyunlu nee wɔ ahɔ a. Ɔ nee wɔ balua. Ɔnrɛgyakyi wɔ yɛɛ ɔ rɛle ɛnrɛvi wɔ. Mmasulo yɛɛ mmamaa ɛ rɛle bɔ.”

Mɛla 7:6

Ɔluakɛ bɛmɛ, bɛle menli mɔɔ Ɛdɛnkɛma bɛ Nyamenle ne ɛde bɛ nwo a. Ɛdɛnkɛma bɛ Nyamenle ne ɛkpa nu ɛye bɛ ɛvi menli mɔɔ wɔ ewiade la amuala anu, kɛ ye menli a le bɛ.

Mɛla 9:5

Tɛ bɛ tenleneyɛlɛ anzɛɛ bɛ boɛ mɔɔ bɛdi la ati yɛɛ Ɛdɛnkɛma bɛ Nyamenle ne ɛlɛtu bɛ a, na amaa ye ɛwɔkɛ ne mɔɔ ɔbɔle bɛ ze mɔ Ebileham, Ayezeke, nee Gyekɔbo la ali munli la ati ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.