1 Sam 12:21 - BAEBOLO ANZƐƐ BULUKU NWUANZANWUANZA

²¹ Bɛmmadi adalɛ nyamenle ne mɔ mɔɔ ɛnrɛhola ɛnrɛlie bɛ ngoane la anzi, ɔluakɛ bɛdabɛ mumua ne bɛnlɛ ngoane.

1 Sam 12:21 ပူးပေါင်းရင်းမြစ်များ

2 Arl 17:15

Bɛkpole ye mɛla ne mɔ, bɛanli ngyekyeleɛ ne mɔɔ ɔ nee bɛ nlenya mɔ kyekyele la azo yɛɛ bɛambu ye kɔkɔbɔlɛ ne mɔ bie. Bɛzonlenle mmonle mɔɔ nvasoɛ biala ɛnle zo la na bɛdabɛ mumua ne bɛyɛle mgbane. Bɛlile maanle maanle mɔɔ zuozua bɛ la amaamuo zo, na bɛyɛle anzosesebɛ wɔ Ɛdɛnkɛma Mɛla ne mɔɔ ɔvale ɔmanle bɛ kɛ bɛmmasukoa bɛyɛ mɔɔ menli zɔhane mɔ yɛ la bie la anwo.

Ayezaya Buluku ne 41:29

Bɛnlea, bɛ muala bɛle mgbane, bɛ gyima ne mɔ ɛnle ɛhwee; bɛ ananze ne mɔ mɔɔ bɛgua la le kɛ anwoma.”

Ayezaya Buluku ne 45:20

Ɛdɛnkɛma se, “Bɛdabɛ mɔɔ bɛango bɛandɔ, mɔɔ bɛwɔ maanle maanle ne mɔ anu la, bɛboɔboa bɛ nloa na bɛrɛla, bɛ muala bɛhwe bɛbikye. Bɛdabɛ mɔɔ bɛsoa mbaka mmonle bɛkpɔsa, na dahuu bɛsonle nyamenle mɔɔ ɛngola ɛnlie ngoane la ɛnlɛ adwenle!

Ayezaya Buluku ne 46:7

Bɛkpogya ye zo bɛto bɛ kɔme zo, bɛsoa ye bɛkɔsie ye ɛleka ko, ɛnee ɔgyi ɛkɛ, ɔngola ɔndu ɔ bo ɔnvi ɛleka mɔɔ ɔgyi la. Saa awie su fɛlɛ ye a ɔmbua ye anzɛɛ ɔnlie ye ɔnvi ye amaneɛnwunlɛ nu.

Gyɛlɛmaya Buluku ne 10:15

Nvasoɛ ɛnle bɛ nwo zo, bɛfa bɛto agyiba; saa bɛ ndeanlɛ mekɛ ne dwu a bɛbazɛkye bɛ.

Gyɛlɛmaya Buluku ne 10:8

Bɛle ahɔnwɔne, bɛle ahoasea. Abaaba ne mɔ ngilehilelɛ le mgbane.

Gyɛlɛmaya Buluku ne 14:22

Asoo maanle maanle ne mɔ nyamenle ne mɔ kola tɔ ezule? Asoo anwomanyunlu angome kola tɔ ezule? Tɛ wɔmɔ Ɛdɛnkɛma yɛ Nyamenle ne a tɔ ezule a? Yɛ anyelazo a le wɔ, ɔluakɛ ɛdawɔ a ɛyɛ ninyɛne ɛhye mɔ amuala a.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Gyɛlɛmaya Buluku ne 2:5

Kɛ Ɛdɛnkɛma se la ɛne: “Duzu ɛtane a bɛ ze mɔ nwunle ye me nwo, mɔɔ yemɔti bɛnriandile me, bɛhɔzonlenle mmonle mɔɔ nvasoɛ biala ɛnle bɛ nwo zo, na bɛdabɛ bɛyɛle mgbane a?

Dwona Buluku ne 2:8

Bɛdabɛ mɔɔ amonle ala a bɛsɔ la, bɛmbu wɔ yɛɛ bɛnzonle wɔ.

Dwona Buluku ne 2:9

Na mame, mebado edwɛne meaye wɔ ayɛlɛ, mebabɔ azu meamaa wɔ na meali me ɛwɔkɛ mɔɔ mebɔ la azo. Wɔmɔ Ɛdɛnkɛma ala a ɛdie ngoane a.”

Habakɛke Buluku ne 2:18

Duzu nvasoɛ a wɔ ananze mɔɔ sonla ɔdaye yeyɛ la azo a? Ɔle ananze ala, ɔle kilehilevolɛ adalɛ. Dwinvolɛ biala die ananze mɔɔ ɔdaye yeyɛ, mɔɔ ɛndendɛ la di.

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

Mɛla 11:16

Bɛnlea boɛ noko na bɛambɛlɛbɛla bɛ nwo, bɛandwe bɛ nwo bɛanvi Ɛdɛnkɛma anwo bɛangɔnzonle bɛanyeyɛ awozonle.

Mɛla 30:17

“Na saa bɛyɛ anzosesebɛ na bɛandie ye, bɛtwe bɛ nwo bɛkɔbɔ bɛ ti aze bɛmaa awozonle, bɛsonle bɛ a,

Mɛla 32:21

Bɛva debie mɔɔ ɛnle nyamenle la bɛha me ɛya, bɛva bɛ mmonle bɛfutu me ahonle. Yemɔti medame mebava menli mɔɔ ɛndo ɛhwee la meaha bɛ ɛya; mebava maanle kɔnwɔne bie meaha bɛ ɛya.