1 Sam 12:20 - BAEBOLO ANZƐƐ BULUKU NWUANZANWUANZA

²⁰ Na Samoɛle zele menli ne kɛ, “Bɛmmasulo; bɛbɔ munzule bɔbɔ ɛdeɛ, noko bɛmmakpo kɛ bɛnrɛdoa Ɛdɛnkɛma abo zo. Bɛva bɛ ahonle kɔsɔɔti bɛzonle ye.

1 Sam 12:20 ပူးပေါင်းရင်းမြစ်များ

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

Edwɛndolɛ Buluku ne 101:3

Menrɛva ɛtaneyɛlɛ biala menrɛzie me nyunlu. Mekyi bɛdabɛ mɔɔ bɛkpo aze la gyima; me nee bɛ ɛnrɛyɛ debie biala.

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 40:4

Nyilalɛ ɛha sonla ne mɔɔ ɔ rɛle wɔ Ɛdɛnkɛma anu, na ɔnva ɔ nwo ɔndo mgbanyizonlema anwo, anzɛɛ menli mɔɔ sonle awozonle na bɛkpo Nyamenle la anwo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30

Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Gyɛlɛmaya Buluku ne 3:1

Ɛdɛnkɛma se, “Saa ɛbɔ raalɛ ewole na ɔkɔ na nrenya fofolɛ gya ye a ɔ hu ne ɛngola ɛngya ye bieko. Saa ɔsia ɔgya ye bieko a ɛnee yeva evinli yeha azɛlɛ ne. Yizilayɛma, asoo mɔɔ bɛ nee bɛ kulovolɛma ɛbɔ tuutuu ɛbɛla la, bɛbahola bɛazia bɛara me nwo ɛkɛ ne bieko?

Hagae Buluku ne 2:5

kɛmɔ menvale membɔle bɛ ɛwɔkɛ wɔ mekɛ mɔɔ bɛvile Yigyibiti la. Me Sunsum ne nee bɛ de; bɛmmasulo.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 11:16

Bɛnlea boɛ noko na bɛambɛlɛbɛla bɛ nwo, bɛandwe bɛ nwo bɛanvi Ɛdɛnkɛma anwo bɛangɔnzonle bɛanyeyɛ awozonle.

Mɛla 31:29

Ɔluakɛ meze kɛ mewu a bɛbade atua na bɛahwe bɛ nwo bɛavi adenle ne mɔɔ mese bɛlua zolɛ la azo. Mekɛ zɔhane anu, kɛmɔ bɛbayɛ ɛtane bɛatia Ɛdɛnkɛma na bɛava bɛ sa anloa gyima bɛaha ye ɛya la ati, munzule bazi bɛ nwo zo.”

Dwɔhyua Buluku ne 23:6

Yemɔti bɛnlea boɛ na bɛli debie biala mɔɔ bɛhɛlɛ ye wɔ Mosisi Mɛla ne anu la azo. Bɛmmabu bɛ nye bɛgua ye kpɔkɛ ko bɔbɔ azo.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

1 Sam 12:19

Na bɛzele Samoɛle kɛ, “Yɛmenle, bodo Ɛdɛnkɛma wɔ Nyamenle ne maa yɛ, amaa yeangu yɛ. Ɔluakɛ yɛnwu ye wienyi kɛ, ɛye ɛtane gyɛne gyɛne mɔɔ yɛyɛ la ɛsie ahane a, mɔɔ yɛyɛ la akee bo zolɛ kɛ yɛdayɛ yɛbizale kɛ ɔmaa yɛ belemgbunli a.”