1 Sam 12:19 - BAEBOLO ANZƐƐ BULUKU NWUANZANWUANZA

¹⁹ Na bɛzele Samoɛle kɛ, “Yɛmenle, bodo Ɛdɛnkɛma wɔ Nyamenle ne maa yɛ, amaa yeangu yɛ. Ɔluakɛ yɛnwu ye wienyi kɛ, ɛye ɛtane gyɛne gyɛne mɔɔ yɛyɛ la ɛsie ahane a, mɔɔ yɛyɛ la akee bo zolɛ kɛ yɛdayɛ yɛbizale kɛ ɔmaa yɛ belemgbunli a.”

1 Sam 12:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:7

Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”

Dwobu Buluku ne 37:13

Saa bɛ nvonleɛ ɛdenrɛlɛ o, ye azɛlɛ ye ati o, anzɛɛ ye ɛhulolɛ ti o, ɔmaa ɔsi zɔ.

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:17

Yemɔti mesɛlɛ bɛ, bɛva me ɛtane ko ye bɛhyɛ me na bɛzɛlɛ Ɛdɛnkɛma bɛ Nyamenle ne kɛ ɔye ewule ɛhye ɔvi me nwo zo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30

Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:28

Bɛzɛlɛ Ɛdɛnkɛma bɛmaa maanle nu ɛhululɛ nee ezuawolɛ ɛdɔlɛ ne ɛgyakyi na memaa bɛahɔ; menrɛmaa bɛnrɛdɛnla ɛke bieko.”

Ayezaya Buluku ne 26:16

O Ɛdɛnkɛma, bɛkpondɛle wɔ wɔ bɛ amaneɛnwunlɛ nu, bɛvale bɛ nzɛlɛlɛ bɛdole ɛ nyunlu wɔ mekɛ mɔɔ ɛtea bɛ la.

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Gyɛlɛmaya Buluku ne 27:18

Saa amgba bɛle Nyamenle kpɔmanvolɛma, na bɛ sa ka Nyamenle nrɛlaleɛ a, ɛnee bɛzɛlɛ bɛbiza medame, Tumivolɛ Ɛdɛnkɛma kɛ memmamaa bɛfa ɛzonlenlɛ ninyɛne ne mɔ mɔɔ ɛha Ɛdɛnkɛma Ɛzonlenlɛ Sua ne anu nee ninyɛne mɔɔ wɔ Dwuda belemgbunli suakunlu ɛkɛ ne, yɛɛ mɔɔ wɔ Gyɛlusalɛm la bɛkɔ Babelonia.”

Gyɛlɛmaya Buluku ne 37:3

Belemgbunli Zɛdikaya zoanle Hyɛlimaya ara nrenya Gyɛhukale nee Meeyasaya ara Sɛlɛvolɛ Zɛfanaya wɔ Gyɛlɛmaya anwo ɛkɛ manle bɛhɔzele ye kɛ, “Sɛlɛ Ɛdɛnkɛma yɛ Nyamenle ne maa yɛ.”

Gyɛlɛmaya Buluku ne 42:2

rahanle hilele Gyɛlɛmaya kɛ, “Gyɛlɛmaya, yɛbodo wɔ, yɛ mɔɔ yɛlɛbiza la maa yɛ. Sɛlɛ Ɛdɛnkɛma wɔ Nyamenle ne maa yɛdayɛ mɔɔ yɛha la, ɔluakɛ kɛmɔ ɛdawɔ ɛkola ɛnwu ye la, yɛdayɛ menli ɛwolaa ne, akee yɛwie, yɛha ekyi bie.

Malakae Buluku ne 1:9

Bɛmɛ sɛlɛvolɛma, bɛzɛlɛ Nyamenle bɛmaa ɔ nye ɛlie yɛ nwo na ɔlo yɛ. Asoo bɛnea a ɔkɛlie bɛ sa nu azubɔdeɛ mɔɔ le zɛhae la?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:7

Na menli ne rale Mosisi anwo ɛkɛ, na bɛhanle kɛ, “Yɛyɛ ɛtane, ɔluakɛ yɛdendɛ yɛtia Ɛdɛnkɛma nee ɛdawɔ. Sɛlɛ Ɛdɛnkɛma maa ɔmaa nwɔlɛ ɛhye mɔ ɛhɔ.” Yemɔti Mosisi zɛlɛle manle menli ne.

Ɛzoanvolɛma Gyima ne 8:24

Saemɔn zele Pita nee Dwɔn kɛ, “Mekpa bɛ kyɛlɛ, bɛzɛlɛ Awulae bɛmaa me, amaa mɔɔ bɛha la biala anzi me nwo zo.”

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.

1 Sam 12:13

“Bɛ belemgbunli ne ɛne; bɛdabɛ a bɛbizale a, yɛɛ Ɛdɛnkɛma ɛye ye ɛmaa bɛ a.

1 Sam 12:17

Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 12:20

Na Samoɛle zele menli ne kɛ, “Bɛmmasulo; bɛbɔ munzule bɔbɔ ɛdeɛ, noko bɛmmakpo kɛ bɛnrɛdoa Ɛdɛnkɛma abo zo. Bɛva bɛ ahonle kɔsɔɔti bɛzonle ye.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.

1 Sam 7:5

Akee Samoɛle zele Yizilayɛma kɛ, “Bɛ kɔsɔɔti bɛhɔyia Mezepa na mebazɛlɛ Ɛdɛnkɛma meamaa bɛ.”

1 Sam 7:8

Bɛzele Samoɛle kɛ, “Kɔ zolɛ sɛlɛ Ɛdɛnkɛma yɛ Nyamenle ne maa ɔlie yɛ ɔvi Filisitiama asa anu.”

1 Sam 8:6

Bɛhanle ɛhye la, yeanyɛ Samoɛle fɛ. Yemɔti ɔzɛlɛle Ɛdɛnkɛma,