1 Sam 12:17 - BAEBOLO ANZƐƐ BULUKU NWUANZANWUANZA

¹⁷ Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 12:17 ပူးပေါင်းရင်းမြစ်များ

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30

Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Mrɛlɛbulɛ Buluku ne 26:1

Enililɛ ɛnfɛta koasea; ɔle kɛ ezukɔtweaba mɔɔ tɔ wawaa nu anzɛɛ ezule mɔɔ tɔ ɛbuhenle nu la.

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Dwɔhyua Buluku ne 10:12

Kenle ko ne mɔɔ Ɛdɛnkɛma vale konimlilɛ ne manle Yizilayɛma la, Dwɔhyua nee Ɛdɛnkɛma dendɛle. Wɔ Yizilayɛma amuala anyunlu, Dwɔhyua zele kɛ, “Sɛnzɛne, mmatu ɛ bo ɛfi Gebɛyɔn, Siane, gyinla koonwu wɔ Ayegyalɔn Bɔnza.”

1 Sam 12:13

“Bɛ belemgbunli ne ɛne; bɛdabɛ a bɛbizale a, yɛɛ Ɛdɛnkɛma ɛye ye ɛmaa bɛ a.

1 Sam 12:19

Na bɛzele Samoɛle kɛ, “Yɛmenle, bodo Ɛdɛnkɛma wɔ Nyamenle ne maa yɛ, amaa yeangu yɛ. Ɔluakɛ yɛnwu ye wienyi kɛ, ɛye ɛtane gyɛne gyɛne mɔɔ yɛyɛ la ɛsie ahane a, mɔɔ yɛyɛ la akee bo zolɛ kɛ yɛdayɛ yɛbizale kɛ ɔmaa yɛ belemgbunli a.”

1 Sam 2:10

Bɛbazɛkye Ɛdɛnkɛma kpɔvolɛma; ɔbadea bɛ nu wɔ anwuma anwuma lɔ. Ɛdɛnkɛma babua aleɛabo amra ndɛne. Ɔbamaa ye belemgbunli ne anwosesebɛ, ɔbamaa ye belemgbunli ne ali konim.”

1 Sam 7:5

Akee Samoɛle zele Yizilayɛma kɛ, “Bɛ kɔsɔɔti bɛhɔyia Mezepa na mebazɛlɛ Ɛdɛnkɛma meamaa bɛ.”

1 Sam 8:6

Bɛhanle ɛhye la, yeanyɛ Samoɛle fɛ. Yemɔti ɔzɛlɛle Ɛdɛnkɛma,

1 Sam 8:7

na Ɛdɛnkɛma zele Samoɛle kɛ, “Edwɛkɛ biala mɔɔ menli ne kɛha kɛhile wɔ la, tie. Tɛ wɔmɔ yɛɛ bɛkpo wɔ a; mame yɛɛ bɛkpo me kɛ ɛnɛ menle bɛ belemgbunli bieko a.