1 Sam 12:14 - BAEBOLO ANZƐƐ BULUKU NWUANZANWUANZA

¹⁴ Saa bɛdi Ɛdɛnkɛma bɛ Nyamenle ne eni, bɛsonle ye, bɛtie ɔ ne, bɛdi ye mɛla ne mɔ azo, na bɛ nee bɛ belemgbunli ne toa ɔ bo zo ɛdeɛ a, debie biala bahɔ zolɛ fɔɔnwo amaa bɛ.

1 Sam 12:14 ပူးပေါင်းရင်းမြစ်များ

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

Edwɛndolɛ Buluku ne 105:28

Ɔmanle awozinli rale, na maanle ne anu yɛle kabii, noko Yigyibitima ne dele ye edwɛkɛ ne anwo atua.

Ayezaya Buluku ne 3:10

Maa tenlenema ɛde kɛ ɔbayɛ boɛ yeamaa bɛ, ɔluakɛ bɛbadidi bɛ gyima mɔɔ bɛyɛ la anwo.

Gyɛlɛmaya Awolɛyelɛ 1:18

“Ɛdɛnkɛma di benle, ɔluakɛ medu ɔ nloa medo; maanle maanle kɔsɔɔti, bɛnlea nyane mɔɔ melɛnwu ye a; bɛhye me mbɛlɛra nee mgbavolɛ nuokɛ bɛhɔ.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Mɛla 13:5

Bɛhu Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la, ɔboalekɛ yehilehile bɛ kɛ bɛde Ɛdɛnkɛma bɛ Nyamenle ne mɔɔ yele bɛ vile Yigyibiti rale la anwo atua, amaa bɛavi adenle ne mɔɔ Ɛdɛnkɛma bɛ Nyamenle ne ɛze bɛ kɛ bɛlua nu la anu. Zɔhane yɛɛ bɛbayɛ na bɛaye musuofoɔ ne bɛavi bɛ avinli a.

Dwɔhyua Buluku ne 24:14

Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.

Dwɔhyua Buluku ne 24:20

yemɔti saa bɛgyakyi ye na bɛkɔsonle nyamenle gyɛne biala anzɛɛ awozonle a, ɔbahakyi ɔ nzi yeazi bɛ na yeadea bɛ. Ɔnvane ɔ nwo kɛ yeyɛ kpalɛ yemaa bɛ ɛlɛ, ɔbazɛkye bɛ.”