1 Sam 12:12 - BAEBOLO ANZƐƐ BULUKU NWUANZANWUANZA

¹² Na mɔɔ Amɔn Belemgbunli Neehahye vale konle radoale bɛ la, bɛkpole Ɛdɛnkɛma kɛ ɔnle bɛ belemgbunli bieko na bɛzele me kɛ, ‘Maa yɛ belemgbunli maa ɔzie yɛ.’

1 Sam 12:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

Edwɛndolɛ Buluku ne 74:12

Noko ɔvi tete, ɛle Nyamenle, me Belemgbunli mɔɔ die ngoane wɔ azɛlɛ ye azo a.

Ayezaya Buluku ne 33:22

Ɔluakɛ Ɛdɛnkɛma a le yɛ ndɛnebuavolɛ a, Ɛdɛnkɛma a sie yɛ a, Ɛdɛnkɛma a le yɛ belemgbunli a; ɔbalie yɛ ngoane.

Gyɛlɛmaya Buluku ne 40:11

Dwuuma mɔɔ wɔ Mowabe, Amɔn, Yidɔm, yɛɛ maanle gyɛne gyɛne nu la dele kɛ Babelonia belemgbunli ne ɛmaa Dwuuma bie mɔ ɛha Dwuda maanle ne anu na yeyɛ Gɛdalaya amɛnlado kɛ ɔnlea bɛ nwo zo.

Hozia Buluku ne 13:10

Bɛbizale bɛliele belemgbunli nee mgbanyima. Bɛ belemgbunli ne mɔɔ balie bɛ la wɔ nienwu?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:21

Menwu mesie kɛ kenle bie, ngyegyelɛ Anzɛɛ anwubɛnyunlu ɛnrɛdo Yizilayɛ. Ɛdɛnkɛma bɛ Nyamenle ne nee bɛ lua, Bɛbɔ ye nolo kɛ ɔle bɛ belemgbunli.

Maanlebuvolɛma Buluku ne 8:23

Gedɛyɔn buale kɛ, “Menrɛli bɛ nwo zo kpanyinli, yɛɛ me ra noko zɔhane ala. Ɛdɛnkɛma a bali bɛ nwo zo kpanyinli a.”

Maanlebuvolɛma Buluku ne 9:18

Noko ɛnɛ bɛho bɛtia egya, bɛhu ɔ mra abulasuu ne amuala wɔ bolɛ ko azo, na bɛva Abemɛlɛke, mɔɔ le akɛlɛ ralɛ la bɛzie Hyikɛm belemgbunli,

1 Sam 10:19

Mele bɛ Nyamenle mɔɔ die bɛ fi bɛ ngyegyelɛ nee bɛ ngyianlɛ muala anu a. Noko ɛnɛ bɛkpo me na bɛze me kɛ, memaa bɛ belemgbunli.’ Yemɔti bɛ kɔsɔɔti bɛrɛla bɛrayia Ɛdɛnkɛma anyunlu ɛke, bɛgua ye mbusua ekpunli ekpunli nee mbusua ekpulike ekpulike, kɛmɔ ko biala dodo de la.”

1 Sam 8:3

Noko bɛanva bɛ ze agyakɛ. Bɛ nye bolole ezukoa, bɛliele ndoloboa na bɛbule bɛ nye bɛguale pɛlepɛlelilɛ zo.