1 Sam 12:11 - BAEBOLO ANZƐƐ BULUKU NWUANZANWUANZA

¹¹ Na Ɛdɛnkɛma yele Gedeɔn (Gyɛlɛbeeyale); nzinlii ɔyele Balake nee Gyɛfeta, yɛɛ akee medame Samoɛle, ɔmanle yɛ nuhua ko biala raliele bɛ vile bɛ kpɔvolɛma asa anu, na bɛdɛnlanle anzonudwolɛ nu.

1 Sam 12:11 ပူးပေါင်းရင်းမြစ်များ

2 Arl 13:5

Ɛdɛnkɛma manle Yizilayɛma nyianle awie lile bɛ ti na bɛhonle bɛliele bɛ nwo bɛvile Seleama asa anu. Yemɔti akee Yizilayɛma anzo nu dwole bɛ kɛ dɛba ne la.

1 Edk 7:17

yɛɛ Yulam ara nrenya a le Bidan. Bɛ muala bɛle Meekɛ ara Geleade abo zo amra. Meekɛ ɔ ze a le Manasɛ.

Maanlebuvolɛma Buluku ne 4:6

Kenle ko ɔzoanle ɔmanle bɛhɔvɛlɛle Abenoam mɔɔ vi Kidɛhye mɔɔ wɔ Nafetalae la ara nrenya Balake na ɔzele ye kɛ, “Ɛdɛnkɛma, Yizilayɛ Nyamenle ne se menze wɔ kɛ, ‘Kɔ kɔboɔboa wɔ ɛlɔnema ne anloa wɔ Teebɔ Boka ne azo. Ye menli apenle bulu fi Nafetalae nee Zɛbulɛn mbusua ekpunli ne mɔ anu.

Maanlebuvolɛma Buluku ne 6:14

Na Ɛdɛnkɛma soanvolɛ ne hakyile ɔ nye zele ye kɛ, “Anwosesebɛ totohyia ɛhye mɔɔ kɛkala wɔnyia ye la, fa kɔ kɔlie Yizilayɛma fi Medeanema asa anu. Mame medame a mezoa wɔ a.”

Maanlebuvolɛma Buluku ne 6:31

Na Dwowahye zele menli ne mɔɔ ɛra ɔ nwo zo la kɛ, “Bɛbagyinla Beeyale agyakɛ anu ɔ? Anzɛɛ bɛbalie ɔ ti ɔ? Awie biala mɔɔ kɛzi ye ɛbolɛ kɛ ɔdie Beeyale ati la bɛbahu ye na aleɛ ahye. Bɛbubu Beeyale azukponle ne, saa ɔle nyamenle a, bɛmaa ɔdaye ɔlie ɔ nwo.”

Maanlebuvolɛma Buluku ne 6:32

Ɛhye ati ɔvi kenle ko zɔhane bɛdonle Gedɛyɔn, Gyɛlɛbeeyale, ɔboalekɛ Dwowahye zele kɛ, “Bɛmaa Beeyale ɛho ɛmaa ɔ nwo”, kɛmɔ Gedɛyɔn ɛbubu ye azukponle ne ɛgua la.

Maanlebuvolɛma Buluku ne 7:1

Gedɛyɔn nee ye ɛlɔnema ne amuala dwazole kenle ko aleɛbahye na bɛhɔdɛle Hɛlɔdo Nzubula ne azo. Medeanema azokoɛleɛ ɛdeɛ ne wɔ Gedɛyɔn ɛdeɛ ne sɔlɔ, wɔ Moli Boka ne foa ko bɔnza ne anu.

Maanlebuvolɛma Buluku ne 8:29

Akee Dwowahye ara Gedɛyɔn hɔdɛnlanle ɔdaye ye sua zo.

Maanlebuvolɛma Buluku ne 8:35

Eza bɛangile ahunlunyele biala bɛammaa Gedɛyɔn abo zo amra wɔ moalɛ mɔɔ ɔvale ɔboale bɛ la anwo.

1 Sam 3:20

Yemɔti Yizilayɛma kɔsɔɔti, ɔvi maanle ne ati mɔɔ kɔdwu ɔ bo la nwunle kɛ amgba Samoɛle le Ɛdɛnkɛma kpɔmanvolɛ.

1 Sam 7:13

Yemɔti Yizilayɛma lile Filisitiama anwo zo konim na Filisitiama anva bɛ edwɛkɛ andoa bɛ bieko wɔ mekɛ mɔɔ Samoɛle de aze la.