1 Sam 12:10 - BAEBOLO ANZƐƐ BULUKU NWUANZANWUANZA

¹⁰ Bɛzunle bɛvɛlɛle Ɛdɛnkɛma bɛzele kɛ, ‘Yɛyɛ ɛtane, ɔboalekɛ yɛkpo Ɛdɛnkɛma na yɛzonle Beeyale nee Asetate ananze ne mɔ. Die yɛ fi yɛ kpɔvolɛma asa anu, na yɛbazonle wɔ.’

1 Sam 12:10 ပူးပေါင်းရင်းမြစ်များ

Edwɛndolɛ Buluku ne 106:44

Noko akee ɔdele bɛ ɛzunlɛ ne la, ɔ kunlu yelɛyelale ye wɔ bɛ amaneɛnwunlɛ nwo.

Ayezaya Buluku ne 26:16

O Ɛdɛnkɛma, bɛkpondɛle wɔ wɔ bɛ amaneɛnwunlɛ nu, bɛvale bɛ nzɛlɛlɛ bɛdole ɛ nyunlu wɔ mekɛ mɔɔ ɛtea bɛ la.

Ayezaya Buluku ne 33:22

Ɔluakɛ Ɛdɛnkɛma a le yɛ ndɛnebuavolɛ a, Ɛdɛnkɛma a sie yɛ a, Ɛdɛnkɛma a le yɛ belemgbunli a; ɔbalie yɛ ngoane.

Dwɔhyua Buluku ne 13:31

Geleade azɛlɛ ne foa ko, Ahyetalo, yɛɛ Ɛdelɛyae mɔɔ le Beehyan Belemgbunli Ɔɔgo azuamgbole wɔ ye maanle ne anu la boka nwolɛ. Bɛvale ɛhye mɔ amuala bɛmanle Manasɛ abusua ekpunli foa ko ne mɔɔ le ɔ ra Meekɛ asa azo la.

Maanlebuvolɛma Buluku ne 10:10

Yizilayɛma zunle vɛlɛle Ɛdɛnkɛma kɛ, “Yɛyɛ ɛtane yɛtia wɔ, ɔboalekɛ yɛkpo wɔmɔ mɔɔ ɛle yɛ Nyamenle la, na yɛzonle Beeyale ne mɔ.”

Maanlebuvolɛma Buluku ne 2:11

Yizilayɛma bɔle munzule ɛbɛla tiale Ɛdɛnkɛma. Bɛkpole Ɛdɛnkɛma, mɔɔ le bɛ ze mɔ Nyamenle ne, mɔɔ yele bɛ vile Yigyibiti azɛlɛ zo la, na bɛzonlenle awozonle Beeyale ne mɔ. Bɛlile nyamenle gyɛne bie mɔ anzi, bɛzonlenle menli mɔɔ ɛbɔ bɛ ɛyia la nyamenle ne mɔ. Bɛbɔle bɛ ti aze bɛmanle bɛ, na Ɛdɛnkɛma vale ɛya kpole.

Maanlebuvolɛma Buluku ne 2:13

Bɛkpole Ɛdɛnkɛma na bɛzonlenle Beeyale ne mɔ nee mmonle Asetate ne mɔ.

Maanlebuvolɛma Buluku ne 3:15

Yizilayɛma zunle vɛlɛle Ɛdɛnkɛma. Na Ɛdɛnkɛma yele Yihɛde, mɔɔ le Gila ara nrenya ne mɔɔ asa le bɛne, mɔɔ vi Bɛngyaman abusua ekpunli ne anu la manle ɔliele bɛ. Yizilayɛma duale adwule manle Yihɛde kɛ ɔva ɔhɔmaa Mowabe Belemgbunli Ɛgelɔn.

Maanlebuvolɛma Buluku ne 3:7

Yizilayɛma arɛle vile Ɛdɛnkɛma bɛ Nyamenle ne. Bɛbɔle munzule ɛbɛla bɛtiale Ɛdɛnkɛma na bɛzonlenle awozonle Beeyale nee Ahyela ananze ne mɔ.

Maanlebuvolɛma Buluku ne 3:9

Na Yizilayɛma zunle vɛlɛle Ɛdɛnkɛma, na Ɛdɛnkɛma yele Kinaze ara Ɔteneɛle, mɔɔ le Kalɛbe adiema kakula la manle ɔliele bɛ.

Maanlebuvolɛma Buluku ne 4:3

Na Yizilayɛma zunle vɛlɛle Ɛdɛnkɛma, ɔluakɛ Sesɛla lɛ mbulalɛ ehwili mɔɔ bɛfa bɛko la ɛya ngɔnla, na ɔvale ɔhilele Yizilayɛma nyane toonwo ɛvolɛ abulanwiɔ.

Maanlebuvolɛma Buluku ne 6:7

Mɔɔ Yizilayɛma zunle vɛlɛle Ɛdɛnkɛma kɛ ɔboa bɛ, ɔlie bɛ wɔ Medeanema asa anu la,

1 Sam 7:2

Ɛdɛnkɛma Ngyekyeleɛ Ɛlɛka ne woale Keleate Gyialem hyɛle kpalɛ, ɔlile ɛvolɛ kɛyɛ abulanwiɔ. Mekɛ ɛhye anu, Yizilayɛma kɔsɔɔti vale ɛzunlɛ zɛlɛle Ɛdɛnkɛma moalɛ.

1 Sam 7:6

Yemɔti bɛhɔyiale Mezepa; bɛguale nzule aze bɛmanle Ɛdɛnkɛma na bɛhyele ɛhɔne kenle ko ne na bɛzele kɛ, “Yɛyɛ ɛtane yɛtia Ɛdɛnkɛma.” (Mezepa ɛkɛ ne yɛɛ Samoɛle dɛnlanle ziele Yizilayɛma a.)