1 Sam 11:9 - BAEBOLO ANZƐƐ BULUKU NWUANZANWUANZA

⁹ Na bɛzele soanvolɛma mɔɔ vi Gyeebɛhye rale la kɛ, “Bɛhɔ bɛhɔze bɛ menli ne kɛ, ‘Ɛhyema, toonwo mɔɔ ɔkadwu sɛnzɛngyinla la ɛnee bɛlie bɛ bɛvi munzule biala anu.’ ” Mɔɔ soanvolɛma ne mɔ vale amaneɛ ɛhye rabɔle Gyeebɛhyema la, ɔyɛle bɛ fɛ somaa.

1 Sam 11:9 ပူးပေါင်းရင်းမြစ်များ

2 Sam 2:5

ɔzoanle ɔmanle bɛhɔzele bɛ kɛ, “Ɛdɛnkɛma ɛyila bɛ kɛ bɛli nɔhalɛ ɛhye bɛmaa bɛ Belemgbunli Sɔɔlo na bɛzie ye a.

1 Edk 10:12

bɛ bie mɔ mɔɔ anwo yɛ se la zile bɛ ahonle hɔvale Sɔɔlo nee ɔ mra nsa ne avunli ne mɔ hɔle Gyeebɛhye. Bɛziele bɛ wɔ oku baka bie mɔɔ gyi Gyeebɛhye la abo na bɛlile buada kenle nsuu.

Edwɛndolɛ Buluku ne 18:17

Ɔliele me ɔvile me kpɔvolɛma mɔɔ anwo yɛ se, nee bɛdabɛ mɔɔ ɛnee bɛkyi me la asa anu, ɔluakɛ bɛ anwosesebɛ bo me nwo zo.

Maanlebuvolɛma Buluku ne 21:8

Na bɛbizale kɛ, “Yizilayɛ abusua ekpunli ne boni anu amra a bɛ muala bɛamba Ɛdɛnkɛma nyianu ne wɔ Mezepa a?” Na bɛnwunle kɛ awie ko bɔbɔ vi Gyeebɛhye Geleade amba nyianu ne.

1 Sam 11:10

Na bɛzele Neehahye kɛ, “Ɛhyema yɛbava yɛ nwo yeamaa wɔ. Debie biala mɔɔ ɛkulo la, fa yɛ yɛ.”

1 Sam 11:8

Sɔɔlo boɔboale bɛ nloa wɔ Bizɛke; menli mɔɔ vi Yizilayɛ la le apenle ngoko ɛya nsa yɛɛ menli mɔɔ vi Dwuda la le apenle ngoko abulasa.

1 Sam 31:11

Gyeebɛhyema mɔɔ wɔ Geleade la dele mɔɔ Filisitiama ɛva ɛyɛ Sɔɔlo la,