1 Sam 11:8 - BAEBOLO ANZƐƐ BULUKU NWUANZANWUANZA

⁸ Sɔɔlo boɔboale bɛ nloa wɔ Bizɛke; menli mɔɔ vi Yizilayɛ la le apenle ngoko ɛya nsa yɛɛ menli mɔɔ vi Dwuda la le apenle ngoko abulasa.

1 Sam 11:8 ပူးပေါင်းရင်းမြစ်များ

2 Sam 24:9

Na Dwowabe vale menli ne dodo hɔmanle belemgbunli ne. Bɛdianle menli apenle ngoko ɛya mɔtwɛ mɔɔ kola ko la wɔ Yizilayɛ, yɛɛ Dwudama le apenle ngoko ɛya nnu.

2 Arl 3:6

Yemɔti Belemgbunli Dwɔlam vale ɛlɔnema vile Samɛlea na ɔboɔboale Yizilayɛma amuala anloa.

Maanlebuvolɛma Buluku ne 20:2

Na Yizilayɛ mbusua ekpunli ekpunli ne mɔ anu mgbanyinli rale Nyamenle menli ne nyianu ne bie. Ɛlɔnema mɔɔ dua aze fa dadeɛ ko la le apenle ngoko ɛya nna.

1 Sam 11:9

Na bɛzele soanvolɛma mɔɔ vi Gyeebɛhye rale la kɛ, “Bɛhɔ bɛhɔze bɛ menli ne kɛ, ‘Ɛhyema, toonwo mɔɔ ɔkadwu sɛnzɛngyinla la ɛnee bɛlie bɛ bɛvi munzule biala anu.’ ” Mɔɔ soanvolɛma ne mɔ vale amaneɛ ɛhye rabɔle Gyeebɛhyema la, ɔyɛle bɛ fɛ somaa.

1 Sam 13:15

Samoɛle vile Gelegale hɔle Gebɛya mɔɔ wɔ Bɛngyaman abusua ekpunli ne maanle nu la. Sɔɔlo dianle ye ɛlɔnema mɔɔ nee ye lua la; bɛkɛyɛ ɛya nsia.

1 Sam 15:4

Sɔɔlo boɔboale ye ɛlɔnema ne anloa wɔ Tilɛm na ɔdianle bɛ. Yizilayɛ ɛlɔnema mɔɔ dua aze la le apenle ngoko ɛya nwiɔ yɛɛ Dwudama le apenle bulu.