1 Sam 11:7 - BAEBOLO ANZƐƐ BULUKU NWUANZANWUANZA

⁷ Ɔhyele nlankɛ nwiɔ ɔpepɛle bɛ nzokanzoka ɔmanle soanvolɛma vale hɔle Yizilayɛ maanle ne anu amuala na ɔhanle kɛ, “Awie biala mɔɔ andoa Sɔɔlo nee Samoɛle, ɔ nee bɛ angɔ konle ne la, kɛ bɛbapepɛ ye nlankɛ ne mɔ nzokanzoka la ɛne.” Ɛdɛnkɛma anwo ɛzulolɛ dɔle menli ne anwo zo, yemɔti bɛ kɔsɔɔti bɛrale.

1 Sam 11:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:5

Bɛzile nu mɔɔ bɛkɔ la, ɛzulolɛ kpole dɔle azuamgbole mɔɔ zuozua Hyikɛm la amra anwo zo, yemɔti bɛ biala anga ɛlalɛ kɛ ɔkɛkpo Gyekɔbo amra ne mɔ.

2 Edk 14:14

Bɛzɛkyele azuamgbole mɔɔ zuozua Gilaa la amuala, ɔluakɛ ɛnee menli ne ɛzulo Ɛdɛnkɛma kpole kpalɛ. Bɛsesale ninyɛne dɔɔnwo wɔ azuamgbole ɛhye mɔ azo, ɔluakɛ ɛnee ninyɛne wɔ azua ne mɔ azo kpalɛ.

2 Edk 17:10

Ɛdɛnkɛma ɛzulolɛ dɔle maanle maanle mɔɔ zuozua Dwuda la amuala anwo zo, yemɔti bɛanva konle bɛandoa Gyɛhɔhyafate.

2 Edk 19:7

Bɛzulo Ɛdɛnkɛma na bɛnlea boɛ wɔ mɔɔ bɛkɛze kɛ bɛyɛ la anwo, ɔluakɛ Ɛdɛnkɛma yɛ Nyamenle ne ɛnli mɔguazo, ɔnnea sonla nyunlu, yɛɛ ɔnlie ndoloboa.”

Ayezaya Buluku ne 8:13

Kakye kɛ Tumivolɛ Ɛdɛnkɛma ala a le nwuanzanwuanza a. Yemɔ yɛɛ sulo ye na maa ɔdu wɔ ahonle a.

Maanlebuvolɛma Buluku ne 19:29

Ɔdwule sua nu la, ɔvale dadeɛ ɔdudule ye mgbɔnla ne funli ne abɛsa abɛsa. Akee ɔhyɛle ye nwonane ne anu bulu nee nwiɔ, na ɔvale ɔhɔle Yizilayɛ maanle ne anu amuala.

Maanlebuvolɛma Buluku ne 20:1

Akee Yizilayɛma kɔsɔɔti, ɔvi Dan mɔɔ kɔ Biyɛhyiba nee Geleade la yɛle ko na bɛrayiale nu wɔ Mezepa wɔ Ɛdɛnkɛma duma nu.