1 Sam 11:2 - BAEBOLO ANZƐƐ BULUKU NWUANZANWUANZA

² Neehahye zele bɛ kɛ, “Bɛnwu ye kɛ, mekponle zolɛ me nee bɛ ayɛ ngyehyɛlɛ ne la, ɛnee bɛlie bɛdo nu bɛmaa medu awie biala anye fema ne, amaa yeayɛ anyiemgba yeaha Yizilayɛma kɔsɔɔti.”

1 Sam 11:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:14

Bɛzele Hyikɛm nee ɔ ze Heemɔ kɛ, “Yɛnrɛhola yɛnrɛva yɛ diema raalɛ yɛnrɛmaa nrenya mɔɔ ɛtɛyɛle ye mrenyanu nzonlɛ la. Ɔle anyiemgba ɔmaa yɛ.

2 Arl 18:31

Bɛmmatie Hɛzikaya. Aselea belemgbunli ne se bɛvi suakpole ne azo bɛvinde bɛrabɔ bɛ ti aze bɛmaa ye. Bɛyɛ ye zɔhane a ɔbamaa bɛ adenle yeamaa awie biala ɔdaye yeali ye vanye mbaka zo ma, nee ye feege mbaka ma, na bɛanlo bɛdabɛ bɛ bula nu nzule,

Edwɛndolɛ Buluku ne 44:13

Wɔmaa yɛ nwo ɛyɛ menli mɔɔ zuozua yɛ la ahyi, yɛɛ bɛgolo yɛ nwo, bɛsi yɛ amgbu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mrɛlɛbulɛ Buluku ne 12:10

Sonla tenlene biala dwenle ye nyɛmoa nwo, na amumuyɛnli anwunvɔnezelɛ le atisesebɛyɛlɛ.

Gyɛlɛmaya Buluku ne 39:7

Akee ɔdudule Zɛdikaya anye, ɔguale ye anga kɛ bɛva ye bɛhɔ Babelonia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:14

Ɛtɛfale yɛ ɛtɛbale azɛlɛ biala mɔɔ kye aleɛ la azo, yɛɛ ɛtɛmanle yɛ egyinli nee vanye egyinli biala kɛ yɛ ti anwo yɛ ɛdeɛ ɔ. Ndaneani yɛɛ ɛlɛyɛ yɛ a. Yɛnrɛra ɛnɛ, yɛnrɛra ɛhyema!”

Maanlebuvolɛma Buluku ne 16:21

Filisitiama ne hyele ye dudule ɔ nye na bɛ nee ye hɔle Gaza. Bɛvale kɔbele nwɔnzɔnwɔnzɔ bɛguale ye na bɛmanle ɔhyibale abɛlɛ melahyinli, ɔdinle abɛlɛ wɔ efiade ɛkɛ ne.

1 Sam 11:10

Na bɛzele Neehahye kɛ, “Ɛhyema yɛbava yɛ nwo yeamaa wɔ. Debie biala mɔɔ ɛkulo la, fa yɛ yɛ.”

1 Sam 12:12

Na mɔɔ Amɔn Belemgbunli Neehahye vale konle radoale bɛ la, bɛkpole Ɛdɛnkɛma kɛ ɔnle bɛ belemgbunli bieko na bɛzele me kɛ, ‘Maa yɛ belemgbunli maa ɔzie yɛ.’

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”