1 Sam 10:5 - BAEBOLO ANZƐƐ BULUKU NWUANZANWUANZA

⁵ Akee ɛbadwu Nyamenle Boka, wɔ Gebɛya, ɛleka mɔɔ Filisitiama azokoɛleɛ ne wɔ la ademgbole ne mɔɔ fa kɔ sua ne azo la anu, ɛbanwu Nyamenle kpɔmanvolɛma ekpunli bie mɔɔ vi boka ne azo azukponle ne anwo ɛlɛtolo ara la na bɛlɛka Nyamenle nrɛlaleɛ, bɛsi agole na bɛbɔ getaa kpole, akɛya, fulutu, yɛɛ ɛto.

1 Sam 10:5 ပူးပေါင်းရင်းမြစ်များ

1 Arl 18:29

Sɛnzɛne ne kpalile la, bɛdeɛdeanle nuhua mgbole mgbole bie, noko bɛanyia mualɛ, bɛande nganeɛ yɛɛ awie ampili bɛ toonwo kɛyɛ sɛnzɛngyinla nee aledwolɛ muleɛ nu.

2 Arl 2:15

Nyamenle kpɔmanvolɛma asa azo mɔɔ vi Gyɛleko la nwunle ye na bɛhanle kɛ “Yilaegya sunsum ne ɛdwu Yilaehya anwo zo.” Na bɛrayiale ye na bɛbɔle bɛ ti aze bɛmanle ye.

2 Arl 2:3

Nyamenle kpɔmanvolɛma asa azo bie mɔ mɔɔ wɔ Bɛtɛle la razele Yilaehya kɛ “Asoo ɛze kɛ ɛnɛ demua ye Ɛdɛnkɛma barava ɛ menle ye ahɔ ɔ?” Yilaehya buale kɛ, “Ɛhɛe, meze; noko bɛmɛ bɛmua bɛ nloa.”

2 Arl 2:5

Nyamenle kpɔmanvolɛma asa azo bie mɔ mɔɔ wɔ ɛkɛ ne la razele Yilaehya kɛ, “Asoo ɛze kɛ ɛnɛ demua ye Ɛdɛnkɛma barava ɛ menle ye ahɔ ɔ?” Yilaehya buale bɛ kɛ, “Ɛhɛe, meze, bɛmɛ bɛyɛ koonwu.”

2 Arl 2:7

Nyamenle kpɔmanvolɛma asa azo ne mɔ anu abulanlu doale bɛ na bɛgyinlanle amozi ekyi wɔ mekɛ mɔɔ Yilaegya nee Yilaehya gyi azule ne anloa la.

2 Arl 3:15

Bɛvɛlɛ awie mɔɔ bɔ getaa la bɛmaa me.” Mɔɔ ahenle ne bɔle ɔ bo kɛ ɔbɔ getaa ne ala la yɛɛ Ɛdɛnkɛma Sunsum ne dwule Yilaehya anwo zo a,

2 Arl 4:38

Ɛhɔne zile maanle ne anu, azɛlɛ ne azo, na Yilaehya rale Gelegale. Nyamenle kpɔmanvolɛma asa azo ne bie mɔ radɛnlanle ɔ nwo ɛkɛ na ɔzele ye sonvolɛ ne kɛ, “Fa ɛzɛne kpole ne sie senle zo na to aleɛ maa Nyamenle kpɔmanvolɛ asa azo ne mɔ.”

2 Arl 6:1

Kenle ko Nyamenle kpɔmanvolɛma asa azo ne mɔɔ Yilaehya a nea bɛ nwo zo la hanle hilele ye kɛ, “Ɛleka mɔɔ yɛde la le ekyi maa yɛ.

1 Edk 11:16

Mekɛ ne anu ɛnee Devidi wɔ boka bie mɔɔ bɛbɔ nwolɛ bane la azo, na Filisitia ɛlɔnema ɛva Bɛtelɛhɛm.

1 Edk 13:8

Devidi nee menli ne mɔ amuala vale bɛ anwosesebɛ muala zile agole dole edwɛne na bɛbɔle akɛya, aweɛne ndendenle, getaa yɛɛ sɔnwosɔnwo bɛyeyɛle Nyamenle.

1 Edk 16:42

Himan nee Gyɛdutɛn a aweɛne ndendenle ne nee sɔnwosɔnwo ne mɔ nee ninyɛne mɔɔ ɛha mɔɔ bɛbɔ wɔ mekɛ mɔɔ bɛlɛto ayɛlɛyelɛ edwɛne la wɔ bɛ sa nu a. Gyɛdutɛn abusua nu amra yɛɛ nlankɛ ɛzinzalɛ gyima ne wɔ bɛ sa nu a.

1 Edk 16:5

Esafe a lile Livaema ekpunli zɔhane ati a, yɛɛ Zɛkalaya a le ye boavolɛ a. Akee ɔwɔ kɛ Gyiyayɛle, Hyɛmaelamo, Gyɛhayɛle, Matetaya, Yilayabe, Bɛnaya, Obɛde Yidɔm, yɛɛ Gyiyayɛle a bɔ getaa nee ahenle ne mɔ a. Esafe a ɔwɔ kɛ bɔ sɔnwosɔnwo ne a,

Edwɛndolɛ Buluku ne 49:4

Mebagyele me nzo meadie ɛrɛlɛ, mebabɔ getaa kpole meaye me agyebɛ nloa.

Edwɛndolɛ Buluku ne 92:3

wɔ mekɛ mɔɔ bɛlɛbɔ fulutu nee getaa mgbole, na bɛlɛbɔ getaa ngyikyi la.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Sam 10:10

Mɔɔ Sɔɔlo nee ye sonvolɛ ne dwule Gebɛya la, bɛ nee Nyamenle kpɔmanvolɛma ekpunli bie yiale. Arɛlevilɛ nu Nyamenle Sunsum ne dwule Sɔɔlo anwo zo kpole bie, na ɔ nee bɛ zile agole na bɛhanle Nyamenle nrɛlaleɛ ne.

1 Sam 10:4

Bɛbabiza wɔ ahye na bɛamaa wɔ kpanwo ne nwiɔ, na anrɛɛ die.

1 Sam 13:2

Sɔɔlo yele Yizilayɛma anu apenle nsa; ɔvale apenle nwiɔ ɔ nee bɛ woale Mekemahye yɛɛ Bɛtɛle mɔɔ wɔ awoka ne mɔ azo la. Ɔvale apenle ko ne ɔmanle Dwɔnatan vale bɛ hɔle Gebɛya mɔɔ wɔ Bɛngyaman maanzinli nu la. Na menli mɔɔ hale la Sɔɔlo manle bɛziale bɛhɔle sua nu.

1 Sam 13:3

Dwɔnatan hunle Filisitia ɛlɔnema ne mɔɔ wɔ Giba la safohyenle kpanyinli ne. Ɛhye kpondenle Filisitia maanle ne anu. Sɔɔlo zoanle menli manle bɛhɔwule aweɛne tendenle nu wɔ maanle ne anu amuala bɛvɛlɛle Hibuluma kɛ bɛhɔ konle.

1 Sam 19:20

Yemɔti Sɔɔlo zoanle menli kɛ bɛhɔhye ye, na mɔɔ bɛnwunle Nyamenle kpɔmanvolɛma ekpunli ne mɔɔ Samoɛle li bɛ ti, na bɛlɛsi agole bɛka Nyamenle nrɛlaleɛ la, Ɛdɛnkɛma Sunsum ne dwule Sɔɔlo soanvolɛma ne anwo zo, na bɛdabɛ noko bɛzile agole bɛhanle Nyamenle nrɛlaleɛ.

1 Sam 9:12

Mbɛlɛra ne mɔ buale bɛ kɛ, “Ɛhɛe, ɔwɔ ɛkɛ; kɛ ɔdwu suakpole ye azo ala la ɛne. Bɛsa bɛ gyakɛ anu ekyii a bɛbado ye. Saa bɛdwu sua ne azo ala a, bɛbanwu ye kolaa na yeahɔ azubɔlɛ ne, ɔboalekɛ menli ne babɔ azu wɔ azukponle ne mɔɔ wɔ boka ne azo la azo. Menli mɔɔ bɛdo ɛsalɛ bɛvɛlɛ bɛ la bahendɛ toonwo kɔkpula mekɛ mɔɔ ɔkɛyila aleɛ ne azo la na bɛali. Saa bɛka bɛ nwo a, bɛbado ye yeahyɛ kolaa na yeahɔ boka ne azo kɛ ɔkali debie.”