1 Sam 10:27 - BAEBOLO ANZƐƐ BULUKU NWUANZANWUANZA

²⁷ Na menli kpamgbanvolɛma bie zele kɛ, “Duzu debie kpaziwɔkɛ bɔbɔ yɛɛ sonla ɛhye kɛhola kɛyɛ kɛmaa yɛ a?” Bɛkpole ye, bɛammaa ye ahyɛlɛdeɛ biala, noko Sɔɔlo andɛne bɛ zo.

1 Sam 10:27 ပူးပေါင်းရင်းမြစ်များ

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Sam 8:2

Eza ɔlile Mowabema anwo zo konim. Ɔmanle bɛdedale aze ɛhonlone ɛhonlone. Menli nsa biala bɛhunle nuhua nwiɔ na bɛgyakyile ko. Yemɔti Mowabema yɛle Devidi ngɛkɛlɛ na bɛduale adwule bɛmanle ye.

1 Arl 10:25

Awie biala mɔɔ rale Sɔlɔmɔn ɛkɛ ne la vale ye ahyɛlɛdeɛ mɔɔ le dwɛtɛ fufule nee ezukoa nvutuke, adɛladeɛ, konle ninyɛne, ninyɛne evuanlɛ mɔɔ bɛfa bɛto aleɛ, alufuanlɛ, mgbɔnwɔ nee mgbɔnwɔndua la rale. Ɛhye hɔle zolɛ ɛvolɛ biala.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

1 Arl 5:1

Belemgbunli Helam mɔɔ vi Taya la agɔnwo kokye a le Devidi, yemɔti mekɛ mɔɔ ɔdele kɛ bɛva Sɔlɔmɔn bɛli ebia ne la, ɔzoanle ye sonvolɛma wɔ ɔ nwo ɛkɛ.

2 Edk 13:7

Menli agbamgbanvolɛ bie bɛdabɛ noko bɛhɔlile ɔ nzi na bɛkpole Sɔlɔmɔn ara Rilihɔbowam wɔ mekɛ mɔɔ Rilihɔbowam le kakula na ye adwenle ɛtɛtinle na yeahola yeagyinla bɛ nloa la.

2 Edk 17:5

Zɔhane ati Ɛdɛnkɛma manle maanle ne gyinlanle wɔ ye mekɛ zo, na Dwudama amuala rahyɛle ye ninyɛne. Ɔnyianle ɔ nyunlu na ɔnyianle anwonyia dɔɔnwo noko.

Edwɛndolɛ Buluku ne 38:13

Mele kɛ anzondiliravolɛ, mende ɛhwee, medɔ mumule, membuke me nloa.

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Nolo 7:21

Mmafa wɔ adwenle ɛkɔ edwɛkɛ kɔsɔɔti mɔɔ menli ka la azo anrɛɛ ɛkɛde kɛ wɔ sonvolɛ ɛlɛbɔ wɔ sasa;

Ayezaya Buluku ne 36:21

Na Hɛzikaya mbɔlɔba ne mɔ andɛ bɛ nloa anu, ɔluakɛ ɛnee belemgbunli ne ɛze bɛ kɛ, “Bɛmmabua ye.”

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Ɛzoanvolɛma Gyima ne 7:35

“Mosisi ɛhye mɔɔ bɛkpole ye, na bɛzele ye kɛ, ‘Nwane a yɛle wɔ belemgbunli nee ndɛnebuavolɛ wɔ yɛ nwo zo’ la, yemɔ ala a Nyamenle luale soanvolɛ ne mɔɔ vindele sendɔlɔra ne anu wɔ ɛsɛlɛ ne azo la anwo zo zoanle ye kɛ ɔli bɛ nwo zo belemgbunli na ɔlie bɛ a.

Mɛla 13:13

na bɛte kɛ kpamgbanvolɛma bie ɛdwazo sua bie azo amra anwo zo, bɛze bɛ kɛ, ‘Bɛmaa yɛhɔzonle awozonle,’ mɔɔ bɛ ze mɔ anzonle bie ɛlɛ la a,

1 Sam 11:12

Akee menli ne hanle hilele Samoɛle kɛ, “Nwane mɔ a hanle kɛ, ‘Sɔɔlo ɛnli yɛ nwo zo belemgbunli’ la? Bɛva bɛ bɛrɛla bɛmaa yɛhu bɛ.”

1 Sam 11:13

Sɔɔlo zele kɛ, “Bɛmmaku awie biala ɛnɛ, ɔluakɛ ɛnɛ a le kenle mɔɔ Ɛdɛnkɛma ɛlie Yizilayɛ ɛzie aze a.”

1 Sam 16:20

Gyɛsi wulale kpanwo zoale asoaso, ɔvale nwanye nwoma kodoku ko tɛkɛɛ, yɛɛ abɔnkye ralɛ ɔmanle Devidi vale hɔle Sɔɔlo ɛvɛlɛlɛ ne.

1 Sam 2:12

Nvasoɛ biala amba Yilae amra ne mɔ anwo zo. Bɛambu Ɛdɛnkɛma bie.

1 Sam 25:17

Mesɛlɛ wɔ, dwenle ɛhye anwo ɛsesebɛ na bu nwolɛ amaamuo kpalɛ. Ɔluakɛ ɛhye kola twe munzule maa yɛ menle ne nee ye awuke nu amra; yɛɛ ɔnlɛ subane noko bɔbɔ mɔɔ bɛka ye edwɛkɛ a ɔfa a.”