1 Sam 10:25 - BAEBOLO ANZƐƐ BULUKU NWUANZANWUANZA

²⁵ Akee Samoɛle hanle belemgbunli dibilɛ nee ye gyima hilele menli ne. Ɔhɛlɛle ɛhye mɔ buluku nu, na ɔvale ɔdole ɛleka nwuanzanwuanza wɔ Ɛdɛnkɛma anyunlu. Akee Samoɛle manle menli ne kɔsɔɔti hɔle bɛ azua nu.

1 Sam 10:25 ပူးပေါင်းရင်းမြစ်များ

2 Arl 11:17

Sɛlɛvolɛ Gyɛhɔyada manle Belemgbunli Dwowahye nee menli ne nee Ɛdɛnkɛma yɛle ngyehyɛlɛ na bɛkyekyele ɔ bo kɛ bɛkɛyɛ Ɛdɛnkɛma ɔdaye ye menli. Eza ɔmanle belemgbunli nee menli ne yɛle ngyekyeleɛ.

Mɛla 31:26

“Bɛlie mɛla buluku ɛhye bɛdo Ɛdɛnkɛma bɛ Nyamenle ne Ngyekyeleɛ Ɛlɛka ne anu foa ko, amaa yeala ɛkɛ ne yeali daselɛ yeatia bɛ.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Dwɔhyua Buluku ne 22:6

Dwɔhyua yilale bɛ na ɔvale ɔzɔle zolɛ kɛ, “Bɛlɛ anwonyia dɔɔnwo a bɛlɛsia bɛahɔ bɛ nzi a: nyɛmoa, dwɛtɛ fufule, ezukoa nvutuke, kɔbele, bulalɛ, yɛɛ adɛladeɛ dɔɔnwo. Ɛhye mɔ le ninyɛne mɔɔ bɛnyianle bɛ wɔ bɛ kpɔvolɛma ne ɛkɛ a. Bɛ nee bɛ mediema ne mɔ ɛhyɛ mɔɔ bɛnyia ye la.” Akee ɔmanle bɛ adenle ɔmanle bɛhɔle. Mosisi vale Dwɔdan aduduleɛ azɛlɛ ne bie manle Manasɛ abusua ekpunli ne foa ko yɛɛ foa ko ne mɔɔ hale la, Dwɔhyua ɛmaa bɛ nee mbusua ekpunli ekpunli mɔɔ hale la azɛlɛ wɔ Dwɔdan adɔleɛ.

1 Sam 11:14

Na Samoɛle zele bɛ kɛ, “Bɛmaa yɛ kɔsɔɔti yɛhɔ Gelegale yɛhɔzi zolɛ bieko kɛ Sɔɔlo le yɛ belemgbunli.”

1 Sam 8:9

Yemɔti, wɔmɔ tie bɛ. Noko bɔ bɛ kɔkɔ ɛsesebɛ, na maa bɛnwu adenle mɔɔ bɛ belemgbunli ne balua nu azie bɛ la.”