1 Sam 10:21 - BAEBOLO ANZƐƐ BULUKU NWUANZANWUANZA

²¹ Samoɛle manle Bɛngyaman abusua ekpunli ne anu amra ne rale ye awuke awuke, na nzeleba ne bɔle Meetelae awuke nu amra. Mrenya mɔɔ wɔ Meetelae awuke nu la rale na bɛyele Sɔɔlo mɔɔ ɔ ze a le Kehye la. Bɛkpondɛle Sɔɔlo, na bɛannwu ye,

1 Sam 10:21 ပူးပေါင်းရင်းမြစ်များ

2 Sam 3:19

Abenɛɛ eza dendɛle hilele Bɛngyaman abusua ekpunli ne anu amra. Akee ɔtelele zolɛ ɔhɔle Hibulɔn kɛ ɔkaha debie mɔɔ Yizilayɛma nee Bɛngyaman abusua ekpunli ne ɛlie ɛdo nu kɛ bɛyɛ la yeahile Devidi.

Mrɛlɛbulɛ Buluku ne 18:18

Adunyi pɛ butule biala azo na ɔkpɔda menli mɔɔ ko tia bɛ nwo la.

Dwona Buluku ne 1:7

Na bɛhanle bɛhilele bɛ nwo ngoko ngoko kɛ, “Bɛrɛla bɛmaa yɛgua nzeleba yɛkpondɛ sonla holɛ ko ne mɔɔ ɔlua ɔ ti munzule kpole ɛhye ɛdo yɛ la.” Bɛguale nzeleba ne la, ɔbɔle Dwona.

Ɛzoanvolɛma Gyima ne 13:21

Akee bɛbizale kɛ Nyamenle ɛmaa bɛ belemgbunli, yemɔti Nyamenle manle bɛvale Sɔɔlo mɔɔ le Kehye ara nrenya ne mɔɔ vi Bɛngyaman abusua nu la bɛyɛle bɛ belemgbunli ɛvolɛ abulanla.

1 Sam 10:20

Akee Samoɛle manle mbusua ekpunli ekpunli ne mɔ rale ngoko; bɛguale nzeleba la Ɛdɛnkɛma yele Bɛngyaman abusua ekpunli ne.

1 Sam 10:22

yemɔti bɛbizale Ɛdɛnkɛma kɛ, “Awie bieko tɛbɔ ɛkɛ ɔ?” Ɛdɛnkɛma zele kɛ, “Sɔɔlo vea ninyɛne edukue ne anzi nehane.”

1 Sam 9:2

Kehye wole ralɛ nrenya na ɔdonle ye Sɔɔlo. Wɔ Yizilayɛ maanle ne anu, nrenya biala anwo ɛnyɛ fɛ nee Sɔɔlo ɛnzɛ. Ɔle nrenya tendenle ɔtɛla awie biala.