1 Sam 10:2 - BAEBOLO ANZƐƐ BULUKU NWUANZANWUANZA

² Saa ɛvi me nwo ɛke ɛnɛ a, ɛ nee mrenya nwiɔ bayia Relahyɛle sɛka ne anwo wɔ Zɛleza mɔɔ wɔ Bɛngyaman maanzinli nu la. Bɛbaze wɔ kɛ asoaso ne mɔ mɔɔ ɛhɔle bɛ ɛkpondɛlɛ la, bɛnwu bɛ, yemɔti ɛ ze ɛndwenle bɛ nwo bieko na wɔmɔ yɛɛ akee ɔlɛdi ɛ nwo nyane a, na ɔbiza ɔ nwo kɛ, ‘Na me ra ne, duzu a menyɛ a?’

1 Sam 10:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:16

Akee bɛvi Bɛtɛle bɛdule bɛ bo. Bɛhɔle bie, noko mɔɔ ɛnee bɛ nee Yifelate avinli tɛwa la, Relahyɛle ako hanle ye, na ɔyɛle se kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:7

Ɔluakɛ mevi Peedan mendule me bo la yɛɛ Relahyɛle wule nyane nyane wɔ Keena adenle ne anu, mɔɔ ɛnee ɔka ekyii yɛdwu Yifelate la; ɔmanle menziele ye Yifelate adevinli ne.” (Yifelate a eza bɛfɛlɛ ye Bɛtelɛhɛm la.)

Gyɛlɛmaya Buluku ne 31:15

Ɛdɛnkɛma se, “Mede ɛnelɛ bie wɔ Releema, ɔle awolɛyelɛ nee alɔbɔlɛ ɛzunlɛ, Relahyɛle ɛlɛsu ɔ mra, ɔ mra ne mɔ ɛwie wu, yemɔti bɛkpɔda ye a ɔndie.

Dwɔhyua Buluku ne 18:28

Zila, Hyilɛfe, Gyibɛse (anzɛɛ Gyɛlusalɛm), Gebɛya, yɛɛ Keleate Gyialem: azuamgbole bulu nee nna, nee namunamu mɔɔ zuozua bɛ la. Azɛlɛ ne mɔɔ Bɛngyaman abusua ekpunli ne anu amra nyianle ye yɛle bɛ ɛdeɛ la ɛne.

1 Sam 10:16

Sɔɔlo zele ɔ wuvuanyi ne kɛ, “Yɛhɔle la, ɔkpakyele nu wienyi ɔzele yɛ kɛ bɛnwu asoaso ne mɔ.” Na mɔɔ fane ye belemgbunlililɛ ne anwo mɔɔ Samoɛle hanle la, Sɔɔlo ambɔ zolɛ.