1 Sam 1:9 - BAEBOLO ANZƐƐ BULUKU NWUANZANWUANZA

^9-10 Kenle ko bɛwiele debie di wɔ Hyaelo la, Hana dwazole. Ɛnee ye adwenle ɛzɛkye dɔɔnwo, na ɔvale nyane nee alɔbɔlɛ ɔzunle kpole kpalɛ, na ɔbɔle ɔ bo kɛ ɔsɛlɛ Ɛdɛnkɛma. Mekɛ ne anu ɛnee sɛlɛvolɛ Yilae de ɔ bo zo ne wɔ Ɛdɛnkɛma Ɛzonlenlɛ Sua ne anlenkɛ ne anloa.

1 Sam 1:9 ပူးပေါင်းရင်းမြစ်များ

2 Sam 7:2

Na belemgbunli ne akee zele Nyamenle kpɔmanvolɛ Neetan kɛ, “Mame mede mbaka sua nu na Nyamenle Ngyekyeleɛ Ɛlɛka ne gyi ndanlɛ sua nu.”

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Edwɛndolɛ Buluku ne 29:9

Ɛdɛnkɛma ane maa weɛlɛ wo mgbemgbene nu; ɔkpolo mbaka nya ɔgua; na bɛtea nu wɔ ye Ɛzonlenlɛ Sua ne anu kɛ, “Anyunlunyia ɛha Nyamenle!”

Edwɛndolɛ Buluku ne 5:7

Wɔ ɛhulolɛ kpole ne mɔɔ gyi kpundii la ati, mebara wɔ Ɛzonlenlɛ Sua ne anu, mebahakyi me nye wɔ wɔ Ɛzonlenlɛ Sua nwuanzanwuanza ne anwo, na meava ɛzulolɛ meazonle wɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:6

ɛnee ɔ menle ne ɛva ye ɛhɔ Nyamenle ɛzonlenlɛ ɛleka ne anlenkɛ ne anwo anzɛɛ anlenkɛ ne felɛmo ne anwo na ɔ menle ne ɛva ketera ɛfiti ɔ nzo na akee ɔzonle ɔ menle ne toonwo ɔwu.

1 Sam 3:15

Samoɛle lale; ɔdwazole nwonlomɔ ne la ɔdukuedukuele Ɛdɛnkɛma Ɛzonlenlɛ Sua ne nlenkɛ ne mɔ. Ɛnee Samoɛle sulo kɛ ɔkɛha mɔɔ ɔnwunle ye la ɔkɛhile Yilae.

1 Sam 3:3

ɛnee bɛtɛnuanle Nyamenle kɛnlaneɛ ne na Samoɛle la Ɛdɛnkɛma Ɛzonlenlɛ Sua ne anu, ɛleka mɔɔ Nyamenle Ngyekyeleɛ Ɛlɛka ne gyi la.

1 Sam 4:13

Mɔɔ nrenya ne dwule suakpole ne azo la ɛnee Yilae de ebia nu wɔ adenle ne foa ko na ɔ nye gyi adenle zo, ɔluakɛ ɛnee ye adwenle kɔsɔɔti gyi Nyamenle Ngyekyeleɛ Ɛlɛka ne azo. Mɔɔ nrenya ne bɔle ye amaneɛ ne wiele la, ɛzulolɛ kpole hanle ezuavolɛ ne na bɛdeɛdeanle nuhua.