1 Sam 1:21 - BAEBOLO ANZƐƐ BULUKU NWUANZANWUANZA

²¹ Eza mekɛ ne dwule kɛ ɔwɔ kɛ Ɛlekana nee ye sua nu amra kɔ Hyaelo kɔbɔ bɛ ɛvolɛ azu ne na ɔtua ye ɛwɔkɛbɔlɛ ɔmaa Ɛdɛnkɛma.

1 Sam 1:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

Edwɛndolɛ Buluku ne 101:2

Mebalua adenle mɔɔ ngehanleɛ ɛnle nwo la anu; O, kenlenzu yɛɛ ɛkɛra me nwo a? Mebava pɛlepɛlelilɛ meadɛnla me sua nu.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:6

Ɛkɛ ne yɛɛ bɛbava bɛ ɛyelalɛ azubɔlɛ ninyɛne ne mɔ bɛahɔ a. Bɛbava bɛ azubɔlɛ ninyɛne ngakyile kɔsɔɔti, bɛ ngyɛnu bulu ɛkpɔ ngoko ne mɔ nee azubɔdeɛ biala, bɛ ahyɛlɛ ninyɛne, azubɔdeɛ mɔɔ bɛkɛyeye bɛ ahonle nu bɛkɛva bɛkɛmaa, yɛɛ bɛ nyɛmoa mralɛ mɔɔ bɛkɛlumua bɛkɛwo bɛ la noko bɛahɔ ɛkɛ.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

1 Sam 1:3

Ɛvolɛ biala Ɛlekana vi Releema kɔ Hyaelo. Ɛkɛ ne a sɛlɛvolɛ Yilae amra mrenya nwiɔ ne, Hɔfenae nee Fenɛhaze yɛ bɛ sɛlɛvolɛ gyima ne a. Ɛlekana kɔ ɛkɛ ne ɛvolɛ biala kɔsonle na ɔbɔ azu ɔmaa Tumivolɛ Ɛdɛnkɛma.

1 Sam 2:19

Ɛvolɛ biala saa ɔ ze nee ɔ nli kɔ kɛ bɛkabɔ bɛ ɛvolɛ azu ne a, ɔ nli kɔmaa ye tɛladeɛ ekyi ko mɔɔ yenwo ye woladapi la.