1 Sam 1:19 - BAEBOLO ANZƐƐ BULUKU NWUANZANWUANZA

¹⁹ Alehyenlɛ ne anu, ye aleɛbahye ne Ɛlekana nee ye sua nu amra ne dwazole ndɛndɛ na bɛzɛlɛle Ɛdɛnkɛma. Akee bɛziale bɛhɔle bɛ sua zo Releema. Ɛlekana nwunle ɔ ye Hana, na Ɛdɛnkɛma hakyele ye.

1 Sam 1:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:1

Ɛdɛnkɛma rakpɔlale Sɛla, kɛmɔ ɔhanle ala la, na ɔyɛle mɔɔ ɔvale ɔbɔle ye ɛwɔkɛ la ɔmanle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:22

Akee Nyamenle hakyele Relahyɛle na ɔdiele ye nzɛlɛlɛ, ɔdukuele ye awodeɛ ne ɔmanle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:1

Adam nee ɔ ye Yive lale, na Yive vale ɛkolɛ na ɔwole ralɛ nrenya. Bɛdonle ye Keen. Yive edwɛkɛ a le kɛ, “Ɔlua Ɛdɛnkɛma moalɛ zo mewo ralɛ nrenya.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:1

Nyamenle arɛle anvi Nowa nee nane nee nyɛmoa ne mɔ mɔɔ Nowa nee bɛ wɔ ɛlɛne ne anu la; ɔmanle anwoma bie vɛlɛle, na azule ne bɔle ɔ bo kɛ ɔsesa.

2 Arl 4:17

Na kɛmɔ Yilaehya hanle ala la, raalɛ ne nrenzɛle na ɔwole ralɛ nrenya wɔ nyenyensuo mekɛ ne anu.

Edwɛndolɛ Buluku ne 119:147

Medwazo aleɛbahye na mesu mefɛlɛ wɔ kɛ ɛboa me; me anyelazo wɔ wɔ edwɛkɛ ne anu.

Edwɛndolɛ Buluku ne 136:23

Yɛ nwo hyelele yɛ la ɔhakyele yɛ; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 25:7

Mmakakye me mgbavolɛ nu ɛtane ne mɔ mɔɔ menyɛle, anzɛɛ me mɛladonlɛ ne mɔ. O Ɛdɛnkɛma, wɔ ɛhulolɛ kpundii ne ati, wɔ ahunlunyele ne ati, kakye me.

Edwɛndolɛ Buluku ne 5:3

O Ɛdɛnkɛma, ɛte me nwonlomɔ nzɛlɛlɛ; nwonlomɔ mebɔ azu memaa wɔ na mekendɛ.

Edwɛndolɛ Buluku ne 55:17

Nɔsolɛ nu, nwonlomɔ nee ewiazo meka me nyane na mesu, na ɔbadie me ne.

Edwɛkpa ne kɛmɔ Maake hɛlɛle la 1:35

Aleɛbahye ne ala, Gyisɛse dwazole vile sua ne azo na ɔhɔveale ɛleka bie ɔzɛlɛle.

Edwɛkpa ne kɛmɔ Luku hɛlɛle la 23:42

Akee ɔhanle ɔhilele Gyisɛse kɛ, “Yɛmenle Gyisɛse, saa ɛdi wɔ belemgbunli ne a kakye me.”

Dwɔhyua Buluku ne 18:25

Azuamgbole ɛhye mɔ noko wɔ ɛkɛ: Gebɛyɔn, Leema, Biyɛlo,

1 Sam 1:1

Nrenya bie mɔɔ bɛfɛlɛ ye Ɛlekana la woale ɛkɛ, ɔvi Yifelaem abusua ekpunli ne anu. Ɔdɛnlanle sua ne mɔɔ bɛfɛlɛ ye Releema, mɔɔ wɔ Yifelaem awoka ne mɔ azo la azo. Bɛfɛlɛ ɔ ze Gyɛloham. Gyɛloham ɔ ze a le Ɛlaehu; Ɛlaehu ɔ ze a le Tohu; Tohu ɔ ze a le Zɛfe.

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

1 Sam 15:34

Akee Samoɛle hɔle Releema; Sɔɔlo noko hɔle ye sua zo Gebɛya.

1 Sam 16:13

Samoɛle vale ɔlivi nwole ɛweɛne ko ne na ɔwolale ɔguale ɔ ti zo wɔ ɔ mediema ne mɔ anyunlu ɛkɛ. Ɛkɛ ne ala Ɛdɛnkɛma Sunsum ne dwule Devidi anwo zo na ɔvi mekɛ ne anu ɔhale ɔ nwo bɔkɔɔ. Na Samoɛle ziale hɔle Releema.

1 Sam 19:18

Devidi nriandile hɔle Samoɛle anwo lɔ wɔ Releema na ɔvale nyɛleɛ mɔɔ Sɔɔlo ɛyɛ ye la amuala ɔbɔle ye amaneɛ. Na ɔ nee Samoɛle hɔdɛnlanle Naeyo.

1 Sam 2:11

Akee Ɛlekana ziale hɔle Releema na kakula Samoɛle hale Hyaelo wɔ sɛlɛvolɛ Yilae anwo ɛkɛ ne na ɔzonlenle Ɛdɛnkɛma.

1 Sam 25:1

Akee Samoɛle wule; Yizilayɛma kɔsɔɔti zunle ye na bɛziele ye wɔ ye sua zo Releema. Ɛhye anzi, Devidi hɔle Pɛlan fienemgbole ne anu.

1 Sam 7:17

Ɔwie a akee ɔsia ɔkɔ ye sua zo Releema na ɔkɔtoto ɛkɛ ne noko boɛ. Ɔzile azukponle wɔ Releema ɔmanle Ɛdɛnkɛma.

1 Sam 8:4

Yizilayɛ mgbanyinli yiale; bɛhɔnwunle Samoɛle wɔ Releema.

1 Sam 9:26

na ɔlale ɛkɛ ne. Aleɛbahye ne Samoɛle vɛlɛle Sɔɔlo na ɔzele ye kɛ, “Dwazo; maa mengɔgua wɔ adenle.” Sɔɔlo dwazole na ɔ nee Samoɛle vindele gua ne azo.