1 Sam 1:16 - BAEBOLO ANZƐƐ BULUKU NWUANZANWUANZA

¹⁶ Mmadwenle kɛ wɔ sonvolɛ raalɛ, mele sonlamgbane; melɛ tendenle ye amuala, me nyane nee me anwubɛnyunlu ala yɛɛ melɛye meado Ɛdɛnkɛma anyunlu a, ɔluakɛ meyɛ anwunvɔne.”

1 Sam 1:16 ပူးပေါင်းရင်းမြစ်များ

Edwɛndolɛ Buluku ne 55:2

Bele ɛ nye nea me, na bua me; me amaneɛnwunlɛ ɛbo me nwo zo.

Mɛla 13:13

na bɛte kɛ kpamgbanvolɛma bie ɛdwazo sua bie azo amra anwo zo, bɛze bɛ kɛ, ‘Bɛmaa yɛhɔzonle awozonle,’ mɔɔ bɛ ze mɔ anzonle bie ɛlɛ la a,

Mɛla 13:14

bɛbiza nu kpalɛ, bɛvedevede nuhua gyɛlɛɛnye na saa amgba edwɛkɛ ne le nɔhalɛ kɛ debie zɛhae ɛzi a,

1 Sam 1:15

Hana zele ye kɛ, “Me menle, mele raalɛ mɔɔ me adwenle ɛha ɛbɔ nu a. Metɛnonle nwanye anzɛɛ nza ɛsesebɛ biala; me nyane edwɛkɛ a melɛka meahile Ɛdɛnkɛma a.

1 Sam 1:17

Na Yilae zele ye kɛ, “Kɔ anzonudwolɛ nu; wɔ nzɛlɛlɛ ne mɔɔ wɔva wɔdo Yizilayɛ Nyamenle ne anyunlu la, ɔyɛ ye zɔhane ɔmaa wɔ.”

1 Sam 10:27

Na menli kpamgbanvolɛma bie zele kɛ, “Duzu debie kpaziwɔkɛ bɔbɔ yɛɛ sonla ɛhye kɛhola kɛyɛ kɛmaa yɛ a?” Bɛkpole ye, bɛammaa ye ahyɛlɛdeɛ biala, noko Sɔɔlo andɛne bɛ zo.

1 Sam 2:12

Nvasoɛ biala amba Yilae amra ne mɔ anwo zo. Bɛambu Ɛdɛnkɛma bie.

1 Sam 25:25

Mmadwenle Neebale nyɛleɛ ne anwo, ɔluakɛ ɔlɛ ahonle, yɛɛ ye duma mumua ne kile ye subane, koasea ɔ. Yɛmenle, mɔɔ wɔ soanvolɛma ne mɔ rale la, ɛnee menle ɛkɛ.