1 Pit 5:9 - BAEBOLO ANZƐƐ BULUKU NWUANZANWUANZA

⁹ Bɛzɔ bɛ diedi ne anu kpundii, bɛho bɛtia ye na bɛnwu kɛ bɛ mediema diedima mɔɔ wɔ ewiade ye anu ɛleka biala la ɛlɛnwu zɛhae amaneɛ ne bie.

1 Pit 5:9 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 22:32

Na mezɛlɛ memaa wɔmɔ Saemɔn, amaa wɔ diedi amkpo aze. Na saa ɛsia ɛba me nwo bieko a, si ɛ mediema ne mɔ ahonle.”

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:27

Bɛmmamaa Abɔnsam adenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:16

Mekɛ biala bɛva diedi bɛyɛ bɛ sa nu enyinlike, ɔluakɛ yemɔ a bɛbava bɛalie Abɔnsam senle ɛda ne mɔɔ ɔkɛdo la amuala bɛanlua bɛ a.

Kɔlɔ 2:5

Ɔluakɛ menle bɛ nwo lɔ ɛdeɛ, noko me nee bɛ de wɔ sunsum nu, na ɔyɛ me fɛ kɛ menwu kɛ bɛsi bɛdi bɛ nwo eni nee kɛ bɛ diedi wɔ Kelaese anu si de kpundii la.

1 Tɛs 3:3

amaa bɛ biala andoa nyane mɔɔ bɛlɛkile bɛ la ati yeamkpo aze. Bɛdabɛ bɛze ye wienyi kɛ ɔyɛ Nyamenle ɛhulolɛ kɛ bɛkɛhile yɛ abodelɛ ɛhye mɔ amuala.

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

2 Tem 3:12

Nɔhalɛ, awie biala mɔɔ kpondɛ kɛ ɔbɔ ɛbɛla kpalɛ na ɔ nee Kelaese Gyisɛse dua la, bɛbayɛ ye kpɔdekpɔde.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 11:33

Bɛluale diedi zo bɛhonle na bɛlile maanle dɔɔnwo anwo zo konim. Bɛnleanle bɛmanle pɛlepɛlelilɛ yɛle gyima na bɛnyianle Nyamenle ɛwɔkɛ ne mɔ. Bɛluale diedi zo bɛhanle awenade nloa bɛdole nu,

Kɛlata mɔɔ bɛhɛlɛle bɛhɔmanle Hibuluma la 12:8

Saa bɛandea bɛ kɛ mralɛ ɛhendeɛ ne mɔ la a, ɛnee ɔkile kɛ bɛnle mralɛ kpalɛ, na bɛle arelazinli mralɛ.

Gyemise Kɛlata ne 4:7

Yemɔti bɛdu bɛ nwo bɛmaa Nyamenle. Bɛmmamaa Abɔnsam adenle, na ɔvi bɛ nwo ɔbanriandi.

1 Pit 1:6

Ɛhye ati saa yera kɛ ɔwɔ kɛ bɛdi nyane wɔ mekɛ ekyi ye anu wɔ sɔnea nee amaneɛnwunlɛ ngakyile nu a, ɔwɔ kɛ bɛdi fɛlɛko wɔ ɛhye anwo.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

1 Pit 3:14

Na saa bɛnwu amaneɛ wɔ bɛ pɛlepɛlelilɛ ti bɔbɔ a, bɛbanyia nyilalɛ. Bɛmmasulo awie biala, yɛɛ bɛmmamaa bɛ ahonle tu.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.