1 Pit 5:6 - BAEBOLO ANZƐƐ BULUKU NWUANZANWUANZA

⁶ Zɔhane ati, bɛbɛlɛ bɛ nwo aze wɔ Nyamenle tumi kpole ne abo, amaa saa ɔdaye ye mekɛ ne mɔɔ yehile la dwu a yeamaa bɛ zo.

1 Pit 5:6 ပူးပေါင်းရင်းမြစ်များ

1 Arl 21:29

“Wɔnwu kɛ Ehabe ɛzi ɛdo ɔ nwo aze bɛtɛɛ ɛmaa me la ɔ? Kɛmɔ yevu ɔ nwo la, me nee ye ɛnrɛli kɛkala wɔ ye mekɛ zo; kenle bie, wɔ ɔ ra ne mekɛ zo yɛɛ mebabɔ ye awuke ne a.”

2 Arl 22:19

na ɛdele kɛ mezi medendɛ metia ɛke, kɛ mebamaa yeadɔ mgbane na bɛazɛkye menli ne amuala la ati ɛvunle ɛ nwo na ɛbɛlɛle ɛ nwo aze wɔ me nyunlu, ɛsuosuanle wɔ tɛladeɛ mɔɔ ɛwula la anu, na ɛzunle. Medame noko mede wɔ nzɛlɛlɛ ne.

2 Edk 12:12

Kɛmɔ ɔnlunle ɔ nwo la ati, Ɛdɛnkɛma yele ye ɛya kpole ne ɔ nwo zo, yeangu ye, na eza Dwuda maanle ne anu yɛle kpalɛ.

2 Edk 30:11

Menli ekyi bie mɔɔ wɔ Ahya, Manasɛ, yɛɛ Zɛbulɛn la yɛɛ nlunle bɛ nwo na bɛrale Gyɛlusalɛm a.

2 Edk 32:26

Na Hɛzikaya lunle ɔ nwo wɔ ye adubɛnwo ne anwo. Zɔhane ala yɛɛ menli mɔɔ wɔ Gyɛlusalɛm la amuala yɛle a. Yemɔti Ɛdɛnkɛma ɛya ne annyia amba bɛ nwo zo wɔ Hɛzikaya mekɛ zo toonwo ɔhɔle ayile nu.

2 Edk 33:12

Wɔ ye amaneɛnwunlɛ ne anu, ɔzunle ɔvɛlɛle Ɛdɛnkɛma ye Nyamenle ne na ɔnlunle ɔ nwo wɔ ɔ ze mɔ Nyamenle ne anyunlu.

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

2 Edk 33:23

Yeannu ɔ nwo wɔ Ɛdɛnkɛma anyunlu, kɛmɔ ɔ ze Manasɛ yɛle la. Emɔn yɛle ɛtane molozo.

2 Edk 36:12

Mɔɔ ɔyɛle la anzɔ Ɛdɛnkɛma ye Nyamenle ne anye, Ɛdɛnkɛma luale ye kpɔmanvolɛ Gyɛlɛmaya anwo zo dendɛle hilele ye, noko yeannu ɔ nwo.

Dwobu Buluku ne 36:22

“Nea, Nyamenle tumi ne le kpole, nwane a le kilehilevolɛ kɛ ɔdaye a?

Edwɛndolɛ Buluku ne 75:10

Ɔbazɛkye amumuyɛma tumi ne na tenlenema tumi ne bayɛ kpole.

Edwɛndolɛ Buluku ne 89:13

Ɛlɛ tumi kpole; ɛ nwo yɛ se, wɔ tumi le kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:19

Meze kɛ Yigyibiti belemgbunli ne ɛnrɛmaa bɛ adenle, kyesɛ tumi kpole bie kolo ɔ nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:11

Na Mosisi bodole Ɛdɛnkɛma, ye Nyamenle ne kɛ, “O Ɛdɛnkɛma, duzu ati a wɔva wɔ menli mɔɔ ɛdawɔ wɔva tumi nee anwosesebɛ wɔye bɛ wɔvi Yigyibiti azɛlɛ zo la anwo ɛya kpole zɛhae a? Duzu ati a ɔwɔ kɛ Yigyibitima ka ye kɛ, ɛvale adwenle ɛtane a ɛyele bɛ ɛvile Yigyibiti a, kɛ ɛ nee bɛ ba wɔarahu bɛ wɔ awoka ye azo na wɔabɔ bɛ bo zo wɔ azɛlɛ ye azo a?

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

Ayezaya Buluku ne 2:11

Bɛ adubɛnwo ne kɔsɔɔti bawie na bɛ mgbolede ne abo agua. Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 40:4

Bɛdua bɔnza biala na bɛze awoka mgbole nee ngyikyi ne mɔ; bɛduodua azɛlɛ nwo ahuma ne mɔ, na bɛyɛ ɛleka ahuhunduu ne mɔ sɛlɛsɛlɛ.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Gyɛlɛmaya Buluku ne 13:18

Ɛdɛnkɛma zele me kɛ, “Ka kile belemgbunli ne nee ɔ nli kɛ bɛvi bɛ mbia ne mɔ azo bɛdwu aze, na bɛ abɔtile ngɛnlɛma ne mɔ vi bɛ ti ɛdu ɛgua.

Gyɛlɛmaya Buluku ne 44:10

Bɛtɛbɛlɛle bɛ nwo aze bɛtɛmanle me toonwo a yeradwu ɛnɛ kenle ye a, yɛɛ bɛtɛsulole me, bɛtɛdile me mɛla nee me ngyehyɛlɛ mɔɔ menvale memanle bɛ nee bɛ ze mɔ la azo.

Yizikeɛle Buluku ne 17:21

Bɛbahu ye ɛlɔnema kpalɛ ne mɔ amuala, na bɛdabɛ mɔɔ bɛkɛvi ɛsalɛ la babɔ asande ahɔ ɛleka ɛleka, na bɛanwu kɛ medame Ɛdɛnkɛma a meha a.”

Yizikeɛle Buluku ne 21:6

“Sonla ra, gu ɛnwomenle, kponle ɛ bo kɛ ɛlɛdi nyane kpole bie la wɔ bɛ nye zo ɛkɛ ne.

Daneɛle Buluku ne 5:22

“Wɔmɔ Bɛlehyaza, Nɛbukadenɛza akunlu ralɛ nrenya a le wɔ, yɛɛ ɛze ɛhye mɔ amuala ɛsie, noko wɔanga ɛ nwo aze

Sɛlɛ 26:41

mɔɔ yemɔti medame memkpole bɛ na menvale bɛ mengɔle bɛ kpɔvolɛma maanle nu la bɛto gua, na saa akee bɛbɛlɛ bɛ ahonle ne mɔ mɔɔ ɛsolo la aze, na bɛsia bɛ nzi bɛfi bɛ amumuyɛ ne mɔ anwo a,

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Edwɛkpa ne kɛmɔ Mateyu hɛlɛle la 23:12

Awie biala mɔɔ kɛmemaa ɔ nwo zo la, bɛkɛha ye aze, na mɔɔ kɛha ɔ nwo aze la, bɛkɛmaa ye zo.

Edwɛkpa ne kɛmɔ Luku hɛlɛle la 1:52

Yemaa katakyiema vi bɛ arelemgbunli mbia zo ɛdu ɛgua, na yekpogya awienvolɛma zo.

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Wulo 5:6

Mekɛ mɔɔ ɛnee moalɛ ɛwie bɔkɔɔ la, Kelaese wule manle bɛdabɛ mɔɔ bɛnze Nyamenle la wɔ mekɛ mɔɔ Nyamenle ɔdaye ɔhyehyɛle la anu.

1 Kɔl 10:22

Yɛkulo kɛ yɛka Nyamenle ɛya ɔ? Yɛdwenle kɛ yɛ nwo yɛ se tɛla ye ɔ?

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:3

Mekɛ ne dwule la ɔvale nrɛlaleɛ ne ɔdole gua, na ɛhye yɛɛ yɛ Ngoanedievolɛ Nyamenle ne, ɛva ɛwula me sa nu kɛ membɔ ye nolo a.

Gyemise Kɛlata ne 4:10

Bɛbɛlɛ bɛ nwo aze wɔ Awulae anyunlu, na ɔkɛmaa bɛ zo.

Gyemise Kɛlata ne 4:7

Yemɔti bɛdu bɛ nwo bɛmaa Nyamenle. Bɛmmamaa Abɔnsam adenle, na ɔvi bɛ nwo ɔbanriandi.

Gyemise Kɛlata ne 5:10

Mediema, bɛhakye Nyamenle kpɔmanvolɛma ne mɔ mɔɔ luale Awulae duma nu dendɛle la. Bɛva bɛ abotane ne mɔɔ bɛnyianle ye bɛgyinlanle kpundii wɔ nyane nu la bɛyɛ ndonwo.